Mahalakshmi Murder Case Bengaluru Body 59 Pieces Kiya Qatil Ne Ki Khudkhushi?

21 September 2024: Bengaluru Din Tha Shanivaar, Mahalakshmi Ke Parivaar Walon Ne Uske Ghar Ka Darwaza Dublicet Kye Khola, Kyunki Na Sirf Ghar Band Tha Balki Mahalaxmi Ka Phone Bhi Switch off Aa Raha Tha,

Jaise Hi Darwaza Khola Gaya, Flat Ke Andar Se Itni Bhayankar Badhbu Aa Rahi Thi Ki Ek Pal Bhi Khade Rhena Mushkil Hogaya Tha,

Akhir Us Kamre Me Kya Tha?

Yeh Ek 1 BHK Ka Flat Tha, Jisme Main Door Seedha Ek Hi Kamre Me Khulta Ta, Sabse Phele Mahalakshmi Ki Maa Meena Andar Gayi, Aur Unke Piche Unke Badi Beti Lakshmi Video Record Karte Huwe Chal Rahi Thi,

Dono Ne Kisi Tarha Apne Muh Aur Naak Dhak Kar, Us Kamre Mein Khadam Rakha Jahan Har Jagha Makkhiyan Bhinbhina Rahi Thi,

Lakshmi Ne Sabse Phele Attached Bathroom Aur Toilet Check Kiya, Lekin Wahan Koi Aisi Cheez Nahi Thi, Jo Itni Tez Badbu Ka Karan Ho,

Kamra Bhi Chota Tha, Bed Nahi Tha, Sirf Zameen Par Bichi Chatai Aur Bedsheet Padi Huwi Thi, Uske Paas Ek Kaala Suitcase Rakha Huwa Tha,

Lekin Meena Ki Nazar Aur Khada Ek Hi Jagha Par Ruk Gaye, Jahan Sabse Zyada Badbu Thi, Aur Makkhiyon Ka Jhund Mandra Raha Tha, Who Jagha Thi Fridge.

Dar Aur Anjaani Ghatna Ka Khauf Meena Ka Hausla Tod Raha Tha, Lakshmi Ek Baar Phir Washroom Check Karne Gayi, Jaise Hi Wapas Laut Kar Aayi, Uski Maa Ne Fridge Ka Darwaza Khool Diya,

Fridge Me Jo Raaz Chupa Huwa Tha Ab Sab Ke Samne Anne Wala Tha.

Jaise Hi Fridge Khula, Ek Aise Sadi-Gali Badbu Nikli Ki Meena Turant Peeche Hat Gayi, Dimaag Kuch Samajh Pata, Usse Pehle Hi Kuch Seconds Main Dono Ke Samne Jo Manzar Aaya, Unse Unki Cheekh Nikal Di,

Fridge Ke Teen Alamaariyon Mein Mahalakshmi Ke Lash Ko Tukdon Me Rakha Huwa Tha, Upar Wali Shelf Me Uski Taang Thi, Aur Niche Wali Shelf Par Uska Alag Kiya Huwa Sir, Aisa Manzar Koi Bhi Zindagi Bhar Nahi Bhool Sakta, Khaaskar Jab Who Kisi Apne Ke Sath Ho,

Cheekhon Ki Awaaz Sunkar Aas Paas Ke Log Ikathha Ho Gaye, Police Ko Turant Soochna Di Gayi, Aur Kuch Hi Der Me Police Mauke Par Pahunch Gayi, Kamre Ki Haalat Aisi Thi Ki Police Ke Liye Bhi Andar Khadam Rakhana Mushkil Tha,

Isliye Saabhi Policeman Double Mask Pehen Kar Andar Gaye, Kuch Hi Palon Me Yhe Khabar Medea Aur News Chennal Par Fail Gayi, Baad Me Forensic Team Aur Medical Staff Bhi Mauke Par Pahunchi, Ghar Me Zabardasti Ghusne Ke Koi Nishan Nahi Mile, Jaise Hi Yhe Saaf Hogaya Ki Qatil Koi Jaan-Phechan Ka Shakhs Hi Tha,

Koun Tha Who Shakhs Aur Who Ghar Kiska Tha Q Laash Ke Tukde Kiya Gaya ?

Kamre Me Na Khoon Phaila Huwa Tha, Aur Na Hi Sharir Ke Tukde Idhar-udhar Pade The, FSL Team Ne Luminol Chemical Ka Istemal Karke Floor Ko Clean Kiya, Jaise Hi Pata Chala Ki Qatil Ne Crime Scene Ko Bahut Safai Se Saaf Kiya Tha,

Laash Ke Tukdon Aur Fridge Ko Seal Karke Lab Bheja Gaya, Phele Sharir Ke 30 Tukde Mile, Lekin Jaise-Jaise Jaanch Agge Badhi, Yhe Sankhya 59 Tak Pahunch Gayi,

20 September 2024 Shukravar Badhbu Se Pareshan Padosi

Vyali Kaval, Basappa Garden Ke Pas Teen Manzila Building Me, Rehne Walon Ke Liye Badhbu Bardasht Ke Bahar Ho Chuki Thi, Yhe Badhbu Kai Dinon Se Aa Rahi Thi, Lekin Ab Yhe Badhbu Shena Mushkil Ho Gaya Tha,

Jab Logon Ne Source Dhundna Shuru Kiya, To Pata Chala Ki Badhbu Building Ke Phele Floor Ke Flat Se Aa Rahi Hai, Flat Ka Darwaza Band Tha, Isliye Logon Ne Malik Jeevan Ram Ko Bulaya,

29 Sall Ki Mahalakshmi Is 1 BHK Flat Me Kiraye Par Raheti Thi, Malik Ne Jab Phone Kiya To Mobile Switch off Tha, Majburan Rent Agreement Dekha Gaya, Jisme Emargency Contact Me Maa Aur Badi Bahen Lakshmi Ka Nambar Likha Tha,

Shaam 7 Baje Hone Ke Wajha Se Parivaar Ne Agle Din Aane Ka Faisla Kiya, Agle Din Meena Rana, Lakshmi Ke Pati Imran Building Par Pahunche, Badhbu Pura Building Ke Bahar Tak Aa Rahi Thi, Ghar Band, Phone Band, Parivaar Walon Ko Koi Anjaani Ghatna Ka Dar Huwa, Lekin Jo Sach Saamne Aaya, Who Us Dar Se Bhi Zyada Bhayanak Tha,

Police Investigation: Aur Mahalakshmi Ka Baground Search Shuru Huwa,

FSL Report Se Pata Chala Ki Laash Ka Decomposition Kaafi Advance Stage Main Tha, Aur Sharir Me Keede Pad Chuke The, Isse Saaf Hogaya Ki Murdar Kai Din Phele Huwa Tha, Fridge Ke Andar Hone Ki Wajah Se Badhbu Bahar Nahi Nikli,

Police Ne Mahalakshmi Ka Baground Check Karna Shuru Kiya, Uske Maa-Baap Nepal Ke Tikapur Se The, 35 Saal Phele Bangalore Aaye The, Mahalakshmi Ke Chaar Bhai-Behan The, Mahalakshmi Ki Shaadi Hemanta Das Huwi Thi, Ek Beti Bhi Thi,

September 2023 Se Who Alag Rhene Lagi Thi, Isliye Phela Shak Pati Par Gaya, Hemanth Ne Bataya Ki Mahalakshmi Ka Kisi Aur Ke Sath Affir Hai, Investigation Me Aashraf Ka Naam Aaya, Lekin Call Records Aur Location Se Use Clean Chit Mil Gayi,

Phir Investigation Ka Rukh Us Clothing Store Ki Taraf Gaya Jaha Mahalakshmi Kam Karti Thi, Yahin Se Mukti Rajan Roy Ka Naam Samne Aaya, Call Details Se Pata Chala Ki Mahalakshmi Aur Mukti Ke Bich Lagatar Baat Hoti Thi,

Police Ke Liye Ab Ek Naam Saamne Aaya

Murder Ka Din – 2 September 2024

1 September Dono Ka Last Working Day Tha, 2 September Ko Mukti Ne Mahalakshmi Ko Call Karke Milne Ki Baat Ki, Lekin Mahalakshmi Ne Milne Se Mana Kar Diya,

Jab Mukti Ne Zabardasti Milne Ki Baat Ki, To Mahalakshmi Ne Ashok Nagar Police Station Me Uske Khilaaf Complaint Kar Di, Police Ne Mukti Ko Pakad Liya, Use Maara-Peeta, Mukti Gusse Me Tha, Lekin Phir Bhi Who Mahalakshmi Se Baat Karke Sab Solve Karna Chahta Tha,

Usne Phir Se Call Kiya Aur Is Baar Mahalakshmi Ne Use Ghar Aane Ko Kaha, Mukti Emotionally Mahalakshmi Se Bahut Gehra Juda Huwa Tha,

2 September Ki Raat – Flat Ke Andar Kya Huwa

2 September Ki Raat Mukti Rajan Mahalakshmi Ke Vyali Kaval Apartment Pahunchta Hai, Ghar Ke Andar Jate Hi Dono Ke Beech Pehel Se Chal Raha Tension Phir Se Bahas Me Badal Jata Hai,

Is Baar Mudda Sirf Jhagda Nahi Tha, Balki Shadi Ka Tha, Mahalakshmi Lagataar Mukti Par Pressure Bana Rahi Thi, Ek Taraf Wo Mukti Se Shadi Karna Chathi Thi, Kyunki Use Mukti Se Financial Support Mil Raha Tha,

Dusri Taraf, Mukti Ko Mahalakshmi Ka Attitude, Uske Sawal Aur Uska Behaviour Bilkul Pasand Nahi Aa Raha Tha, Mukti Samaj Chuka Tha Ki Jis Insaan Ke Andar Sirf Lalach, Aur Jiske Character Par Khud Hi Sawal Khade Ho Rahe ho, Uske Sath Zindagi Bitana Namumkin Hai.

Isi Baat Par Jhagda Aur Tez Ho Gaya, Is Baar Mahalakshmi Bhi Aggressive Ho Gayi, Lekin Is Baar Mukti Ka Gussa Control Ke Bahar Chala Gaya, Gusse Me Mukti Ne Paas Me Rakhi Kisi Bhaari Cheez Se Mahalakshmi Ke Sir Par Zor Se Vaar Kar Diya,

Mahalakshmi Zameen Par Gir Padi, Sir Se Khoon Behne Laga, Lekin Mukti Ka Gussa Yahin Shant Nahi Huwa, Nafrat Aur Gusse ke Aag Me Mukti Ne Mahalakshmi Ka Gala Ghontne Diya Aur Uski Jaan Le Li.

Laash Ke Sath Poora Raat

Mukti Kaafi Der Tak Usi Kamre Me Mahalakshmi Ki Laash Ke Paas Baitha Raha,

Crime Ho Chuka Tha, Lekin Ab Use Samaj Nahi Aa Raha Tha, Ki Khud Ko Kaise Bachaye, Poori Rat Sochta Raha, Phir 3 September Ko Subha Lagbhag 11 Baje Mukti Flat Se Bahar Nikla Aur Pas Ki Dukaan Se Ek Tez Chaku Kharida, Mukti Ne Mahalakshmi Ke Sharir Ke Chhote Chhote Tukde Karna Shuru Kiya,

Lekin Jahan Ye Apartment Tha Wo Area Kaffi Crowded Tha, Log Raat Tak Ghar Ke Bahar Rehte The, Isliye Mukti Ko Pakde Jaane Ka Dar Tha, Tab Uski Nazar Ghar Me Rakha 165 Liter Ka Fridge Par Padi,

Usne Socha Ki Agar Body Ke Tukde Fridge Me Rakh Diya Jaaye, To Kai Hafton Tak Badhbu Bahar Nahi Aayegi, Mukti Ne Mahalakshmi Ke Sharir Ko Tukdon Me Kaat Kar Fridge Ke Andar Bhar Diya, Aur Mukti Ne Pura Ghar Saaf Kiya, Takki Koi Suboot Na Mile, Phir Rat Ko Ghar Ko Bahar Se Lock Karke Wahan Se Nikal Gaya,

Mukti Koi Professional Criminal Nahi Tha, Isliye Mahalakshmi Ka Murder Karne Ke Baad Guilt Use Andar Hi Andar Khokhla Karne Laga, Use Apne Parivaar Ki Bhi Chinta Thi,

Qatal Ke Baad Bhatakta Raha

Do Din Tak Idhaar Udhaar Bhatakne Ke Baad Mukti Ne Bengaluru Me Reh Raha Apne Bhai Smriti Ranjan Ko Call Kiya, Usne Kaha Ki Ghar Khali Karo Aur Shehar Chod Do,

Jab Smriti Ne Wajah Poochi, To Mukti Ne Kaha Milkar Batata Hoon, Milne Par Mukti Ne Apna Gunaah Kabool Kar Liya. Usne Bataya Ki Kaise Mahalakshmi Ne Uski Zindagi Barbaad Kar Di,

Mukti Ne Kaha Ki Usne Mahalakshmi Par ₹7 Lakh Kharch Kiya, Aur Ek Gold Chain Bhi Di, Paisa Lene Ke Baad Bhi Mahalakshmi Ke Affairs Chal Rahe The, Yani Nahi, Rokne Par Use Jaan Se Maarne Ki Dhamkiyan Bhi Milti Thi,

Sab Batane Ke Baad Mukti Ne Smriti Se Kaha Ki Shehar Chhod Do, Uske Baad Mukti Khud Berhampur Odisha Chala Gaya Jahan Uska Bhai Satyaranjan Engineering Padh Raha Tha,

Such Ka Khulasa Aur Suicide

Kuch Din Hostel Me Rehne Ke Baad Mukti Wapas Laut Aaya, Satya Ko Shak Huwa, Aur Puchne Par Mukti Ne Use Bhi Poori Sachchai Bata do, Is Beech 21 September Ko Ye Media Me Aa Chuka Tha, Mukti Ko Pata Chala Gaya Ki Police Ab Sach Ke Kareeb Hai,

Isliye 24 September Ki Raat 10 Baje, Wo Apne Maa-Baap Ke Ghar Pahunch Gaya, Raat Ke Khane Ke Baad Maa Ne Mehsoos Kiya, Ki Mukti Bahut Pareshan Hai. Subha 25 September 4 Baje Mukti Ghar Se Nikla Aur Thodi Door Jaakar Khudkushi Kar Li. Uske Pas Ek Diary Mili Jisme Do Pages Ka Suicide Note Tha. Note Me Mukti Ne Crime Accept Kiya Aur Mahalakshmi Ke Behaviour Bhi Bataya.

CONCLUSION.

Is Poore Case Se Ek Baat Bahut Saaf Ho Jatti Hai Ki Crime Aksar Achanak Nahi Hota, Balki Dheere-Dheere Galat Faislon, Jhoot, Lalach Aur Gussa Ke Beej Se Janam Leta Hai. Mahalakshmi Aur Mukti Ranjan Ka Rishta Sirf Pyar Ya Nafrat Tak Sumit Nahi Tha, Balki Usme Emotional Dependency, Paisa Ka Lalach Ego Aur Control Ka Zehar Bhi Shamil Ho Chuka Tha, Jab Rishte Me Sachchai Ki Jagha Manipulation Aa Jaaye To Uska Anjaam Aksar Khufnaak Hota hai.

Yeh Case Hame Yeh Bhi Sikhaata hai Ki Toxic Relationship Ko Ignore Karna Sabse Badi Galti Hoti Hai, Chahe Ladka Ho Ya Ladki, Agar Rishta Sirf Pressure Doubt Abuse Aur Control Par Chal Raha ho, To Use Waqt Rehte Rokna Zaroori Hota Hai, Society Me Aaj Bhi Emotional Abuse Ko Seriously Nahi Liya Jata Jab Ki Wahi Aage Chal Kar Bada Crime Ki Wajah Ban Jaata Hai.

Ek Aur Important Baat Yeh Hai Ki Gusse Me Liya Gaya Ek Galat Faisla, Poori Zindagi Barbaad Kar Sakta Hai, Mukti Koi Professional Criminal Nahi Tha, Lekin Gusse Aur Emotional Breakdown Ne Use Qaatil Bana Diya Isliye Mental Helth, Anger Control Aur Emotional Support Ko Lightly Nahi Lena Chahiye.

Is Case Ka Sab Se Dardnaak Pehli Yeh Hai Ki Ek Zindagi Khatam Hone Ke Saath Saath Kai Aur Zindagiyan Bhi Tabha Ho Gayin, Parivaar Maa Baap Behen Bhai, Aur Who Log Jo Sach Ke Baad Sirf Afsos Ke Sath Rahe Gaye.

AWARENESS.

Galat Rishton Ko Waqt Par Pehchane.

Emotional Aur Physical Abuse Ko Kabhi Ignore Na Kare

Gusse Me Koi Bada Decision Na Le.

Zarurat Pade To Counselling Aur Legal Madad Le.

Aur Sabse Zaroori, Lalach Aur Jhoot Se Bani Zindagi Kabhi Sukoon Nahi Deti

Yeh Case Sirf Ek Crime Story Nahi, Balki Samaj Ke Liye Ek Warning Hai.

Kyunki Jab Emotions Par Control Khatam Hota Hai, Tab Insaan Khud Hi Apni Zindagi Ka Sabse Bada Dushman Ban Jaata Hai