Renukaswamy murder case full story investigation Karnataka
Blog

Renukaswamy Murder Case Full Story

Shabbir khan

9 June 2024 Karnataka KeChitradurga Se Lagbhag 200 Kilometer Door, Bangalore Ke Kamakshi Palya Area Me Subha Ka Waqt Tha, Ek Apartment Budding Ka Security Guard Apni Daily Duty Par Maujood Tha,

Jab Uski Nazar Paas Ke Naali Ke Kinare Padi Ek Laash Par, Guard Jaise Hi Thoda Aage Badhta Hai Jo Bhayanak Manzar Uske Saamne Aata Hai, Who Usse Andhar Tak Hila Kar Rakh Deta Hai,

Laash Ki Halat Itni Buri Thi Ki Pehchaan Karna Mushkil Tha, Guard Ne Bina Waqt Gawaaye Turant Police Ko Inform Kiya, Aur Yahin Se Shuru Huwi Renukaswamy Murder Case Ki Ek Khaufnaak Kahani.

Na ID, Na Mobile: Police Ke Samne Pehli Challenge

Police Ki Ek Team Turant Mauke Par Pahunchi, Area Ko Seal Kiya Gaya, Aur Laash Ko Post-Mortem Ke Liye Hospital Bhej Diya Gaya, Isi Ke Saath Investigation Shuru Kar Di Gayi, Lekin Sabse Badi Mushkil Yeh Thi Ki Dead Body Ke Paas Se Koi Bhi Aisi Cheez Nahi Mili, Jisse Us Vyakti Ki Pehchaan Ho Sake,

Dead Body Ke Initial Examination Ne Police Ko Hila Kar Rakh Diya, Andaza Lagaya Gaya Ki Laash 30 Se 35 Saal Ke Ek Vyakti Ki Hai, Aur Uski Maut 24 Ghante Se Bhi Zyada Ho Chuki Thi,

Laash Ki Jagah Aur Haalat Dekh Kar Police Ko Turant Shaq huwa Ki Yeh Murder Ka Case Ho Sakta Hai, Kyunki Body Naali Ke Kinare Mili Thi, Isse Yeh Baat Saaf Thi Ki, Laash Yahan Kahin Aur Se Laayi Gayi Hai, Isi Investigation Ke Dauran Police Ko Ek Aham Clue Mila Pass Ke Hi Police Station Mein 33 Saal Ke Ek Aadmi Ke Lapata Hone Ki Report Pehle Se Darj Thi,

8 June Se Lapata 35 Saal Ke Aadmi Ki Missing Report Uski MAA Ne Darj Karwayi Thi, MAA Ne Police Ko Bataya Tha Ki Uska Beta Ghar Se Nikla Tha, Lekin Laut Kar Aaya Nahi, Aur Na Hi Uska Mobile Phone ON Tha, Police Jab Us MAA Ko Hospital Le Jaakar Laash Ki Pehchaan karwati Hai, Tab Ek MAA Ke Liye Zindagi Ka Sabse Kathin Pal Saamne Aata Hai, Laash Par Bache huwe Kapdon Ko Dekhte Hi MAA Bilkul Toot Jaati Hai Kyunki Woh Koi Aur Nahi, Uska Apna Beta Renukaswamy Tha,

Job Ke Liye Nikla, Phir Kabhi Wapas Nahi Aaya

Renukaswamy Apollo Pharmacy Ki Ek Medical Shop Mein Kaam Karta Tha, Roz Ki Tarah 8 June Ko Bhi Woh Job Ke Liye Ghar Se Nikla, Lekin Us Din Ke Baad Woh Wapas Lauta Nahi, Uska Mobile Phone Bhi Band Tha,

Police Ne Us Waqt Missing Report register kar liya Tha, Lekin Renukaswamy Ki Maut Ka Asal Sach Abhi Saamne Aana Baaki Tha, Sabki Nazar Ab Sirf Post-Mortem Report Par TiKi Thi,

Is Case Ka Sabse badal Sawaal Yahi Tha Aakhir Renukaswamy Ki Maut Huwi kaise?

Iska Jawab Sirf Ek Jagah Se Mil Sakta Tha, Post-Mortem Report Se, Post-Mortem Report Aayi Bhi, Lekin Usme Likhi Baatein Sirf Maut Ki Wajah Tak Simit Nahi Thi, Is Report Ne Aisa khulasa Kiya, Jisne Poore Case Ki Direction Badal Di, Yahin Se Is Murder Case Ki Kadiyan Ek Aise Shaks Se Judne Lagi, Jiska Naam Aage Chal Kar Poore Karanataka Ko Hila Kar Rakhne Wala Tha,

Post Mortem Report Ne Sabko Hila Kar Rakh Diya

Renukaswamy Ko Sirf Maara Nahi Gaya Tha, Balki Buri Tarah Se Tadpaaya Gaya,

  • Uski jeebh Kaat Di Gayi Thi, Jabda Poori Tarah Toot Chuka Tha, Aur Poore Sharir Par Behisaab Gehere Ghaav Maujood The.

Renukaswamy Sirf 33 Saal Ka Ek Seedha-Saadha Aadmi Tha, Jo Ek Medical Shop Mein Chhoti Si Naukri Karke Apni Zindagi Chala Raha Tha, Na Uska Koi Criminal Record Tha, Na Kisi Se Dushmani, Aur Na Hi Kisi Tarah Ka Jhagda Ya Vivaad Tha,

Phir Bhi Kisi Ne Uske Saath Itni Nirmam Aur Darindgi Bhari Harkat Kyun Ki, Ab Police Ke Saamne Sabse Bada Sawaal Yahi Tha, Aakhir Renukaswamy Ka Katal Kaun Kiya, Aur Usne Itni Berahmi Q dikhayi? Is Brutality Ko Dekh Kar Police Bhi Kuch Pal Ke Liye Hairaan Reh Gayi.

Yeh Baat Kisi Ki Samajh Mein Nahi Aa Rahi Thi Ki, Aakhir Renukaswamy Jaise Seedha-Saadha Aadmi Se Kisi Ki Kya Dushmani Ho Sakti Hai, Na Woh Itna Ameer Tha Ki Paise Ke Liye Uska Kidnapping Ya Murder Kiya Jaaye, Aur Na Hi Yeh Koi High-Profile Case Tha, Jisme Media Ki Nazar Turant Padti.

Isi Wajah Se Shuruaat Mein Yeh Case Ek Normal Murder Investigation Ki Tarah Hi Treat Kiya Ja Raha Tha, Police Apni Routine Process Ke Tahat Saboot Ikattha Kar Rahi Thi, Statements Le Rahi Thi, Aur Aas-Paas Ke Ilaakon Ki Jaanch Kar Rahi Thi,

Lekin 10 June Ka Din Is Poori Kahani Ka Turning Point Banne Wala Tha, Is Din Kuch Aisa Saamne Aaya, Jisne Sirf Police Ko Hi Nahi, Balki Poore Karnataka Ko Hila Kar Rakh Diya.

10 June: Teen Log Police Station Aaye Aur Case Palat Gaya

Usi Police Station Mein Achanak Teen Log Khud Chal Kar Aaye, In Teenon Ke Naam The, Raghavendra, Karthik, aur Keshav Murthy, Police Ke Saamne Khade Ho Kar IN Logon Ne Bina Daar Ke Seedha Daava Kiya Ki Renuka Swami Ka Murder Unhone Hi Kiya Hai,

Yeh Sunte Hi Police Bhi Ek Pal Ke Liye Chawk Gayi, Kyunki Ab Tak Yeh Case Ek Bilkul Alag Direction Mein Ja Raha Tha, Aur Achanak Teen Logon Ka Khud Aakar Murder Confess Kar Dena Kisi Ne Socha Bhi Nahi Tha,

Teenon Ne Police Ke Saamne Yeh Maan Liya Ki Renukaswamy Ka Murder Unhone Hi Kiya Hai, Lekin Sabse Hairani Wali Baat Yeh Thi, Ki Itni Jaldi Aur Bina Kisi Pressure Ke Yeh Teenon Khud Chal Kar Police Station Aaye Aur Surrender Kar Diya,

Apne Bayan Mein Un Logon Ne Kaha Ki Paise Ke Lenden Ko Lekar Jhagda huwa Tha, Aur Wahi Jhagda Dhere-Dhere Itna Badh Gaya Ki Baat Murder Tak Pahunch Gayi, Upar Upar Se Dekha Jaaye To Lag Raha Tha Jaise Police Ko Bina Zyada Mehnat Ke Hi Kaatil Mil Gaye The,

Lekin Police Ko Bhi Is Kahani Par Poora Bharosa Nahi Ho Raha Tha,

Kyunki:

  • Itni Berahmi Se Kiya Gaya Murder.
  • Aur Phir Itni Aasani Se Surrender.
  • Yeh Sab Kuch Bahut Zyada Smooth Lag Raha Tha.

Aur Yahin Se Police Ke Dimaag Mein Ek Naya Sawaal Paida Huwa, Lekin Isi Beech, Usi Police Station Ke SP Wahan Pahunch Jaate Hain, Jab Poora Maamla Detail Mein SP Ke Saamne Rakha Jaata Hai, To Unhe Is Kahani Mein Kuch Aisa Mehsoos Hota Hai Jo SP Ko Hazam Nahi Hota,

SP Bina Kisi Jaldi Ke, Har Ek Statement, Har Ek Timing, Aur Har Ek Angle Ko Bahut Dhyaan Se Sunte Hain, Uske Baad SP Ke Nirdesh Par Criminals Se Dobara Aur Gehri Pooch Taach Shuru Hoti Hai,

Isi Pooch Taach Ke Dauran, Jo Kahani AB Tak Seedhi Aur Simple Lag Rahi Thi, Us Mein Dheere-Dheere Jhooth Aur Sach Ke Beech Ke Faasle Saaf Dikhne Lagte Hain, Aur Yahin Se Police Ko Ehsaas Hota Hai Ki Yeh Case Jitna Aasan Dikh Raha Tha, Utna Hai Nahi,

Ek Sawaal, Teen Alag Jawaab: Yahin Jhooth Pakda Gaya,

SP Ne AB Mixed Questioning Start Kar Di, Yani Ek Hi Sawaal Ko Alag Alag Tareeke Se, Alag Alag Waqt Par, Teenon Logon Se Poochha Jaane Laga,

Sawaal Bahut Simple The:

  • “Kaise Mara?”
  • “Kab Mara?”
  • “Kahan Mara?”

Lekin Jo Baat Saamne Aayi, Woh Hairaan Kar Dene Wali Thi, Teenon Ke Jawaab Ek-Dusre Se Bilkul Match Nahi Kar Rahe The,

  • Kisi Ne Time Alag Bataya.
  • kisi Ne Jagah Badal Di.
  • Aur Kisi Ne Murder Ka Tareeka Hi Kuch Aur Bata Diya.

Yahin Par SP Ko Poori Tasalli Ho Gayi, Ki Yeh Teenon Sach Nahi Bol Rahe The, Yeh Confession Natural Nahi, Balki Taiyaar Ki Huwi Kahani Thi, Aur Jab Confession Jhootha Ho, Toh Iska Matlab Hota Hai Kahani Ke Peeche Koi Aur Bhi Tha,

Jhooth Kis Ke Liye? Aur Kyun? CDR Ne Sab Ulat Diya

Lekin Ab Sabse Bada Sawaal Yeh Tha, Agar Yeh Teenon Jhooth Bolo Rahe Hain, To Kis Ke Liye? Aur Kyun? Is Sach Tak Pahunchne Ke Liye SP Ne Bina Waqt Gawaaye Ek Special Investigation Team Deploy Kar Di,

Team Ko Seedha Order Diya Gaya Teeno Ke Call Detail Records (CDR) Aur Phone Location Turant Nikaale Jaayein. Jab Police Ne CDR Analyse Kiya, To Ek Bahut Hi Shocking Pattern Saamne Aaya, Teeno Log Pichhle Do Din Se Ek Hi Number Par Baar-Baar Baat Kar Rahe The,

Yeh Koi Random Baat Nahi Thi, Police Ne Jab Us Number Ki Details Nikaali, To Ek Pal Ke Liye Poori Team Sann Reh Gayi, Kyunki Woh Number Kisi AAM Aadmi Ka Nahi Tha,

Woh Number Kannada Film Industry Ke Challenging Super Star Darshan Ka Tha.

Aur Yahin Se Yeh Case Ek Simple Murder Investigation Se Nikal Kar Poore Karanataka Ko Hila Dene Wali Kahani Ban Gaya.

Ek Hi Jagah, Ek Hi Waqt: Location Data Ne Sach Ugal Diya

Ab Sabse Bada Sawaal Yeh Tha Aakhir Yeh Teenon Killers Itne Bade Film Star Darshan Se Kaise Connected The, Is Sawaal Ka Jawab Dhoondhne Ke Liye Police Ne Turant Pichhle 48 Ghante Ka Darshan Ka Mobile Location Data Trace Karna Shuru Kiya,

Aur Jo Data Saamne Aaya, Usne Police Ke Bhi Hosh Uda Diye, Investigation Se Yeh Bilkul Clear Ho Gaya Ki Pichhle Do Dinon Ke Dauran Darshan Aur Yeh Teenon Aaropi Ek Hi Jagah Par Maujood The.

Unki Mobile Tower Location Bilkul Same Match Kar Rahi Thi. Ab Picture Aur Bhi Zyada Serious Aur Dangerous Ho Chuki Thi.

  • Ek Taraf Tha – Renuka Swami Ka Brutal Murder
  • Aur Dusri Taraf – Teen Logon Ka Khud Police Station Aakar Jurm Qabool Kar Lena
  • Aur IN Sabke Beech – Kannada Film Industry Ka Super Star Darshan

Ab Yeh Saaf Ho Chuka Tha Ki Yeh Sirf Ek Murder Nahi Tha, Balki Ek Planned Crime Tha, Jiske Peeche Koi Aur Tha,

Jab Interrogation Ne Sab Kuch Palat Diya.

Aur Phir Inka Seedha Connection Kannada Film Industry Ke Super Star Darshan Se Saamne Aana, Ye Saare Point’s Milkar Suspicion Ki Sui Ko Bilkul Alag Hi Direction Mein Le Ja Chuke The,

Ab Jab SP Ko Poora Yakeen Ho Gaya Ki Yeh Case Jitna Dikh Raha Hai Asal Mein Usse Kaafi Zyada Ghera Hai, To Is Baar Interrogation Bilkul Normal Nahi Rakha Gaya, Is Baar?

Dinon Tak Lagataar Pooch Taach Huwi

Strict Aur Psychological Questioning Ki Gayi

Har Sawaal Ko Ghooma-Phira Kar Poocha Gaya

Har Statement Ko Tod-Mod Kar Cross-Verify Kiya Gaya

Aakhirkaar Ek Aaropi Toot Gaya, Usne Jo Sach Bataya, Wo Itna Bhayanak Aur Shocking Tha Ki Sirf Police Hi Nahi, Poori Kannada Film Industry Hil Kar Reh Gayi. Wo Sach Sirf Ek Murder Ki Kahani Nahi Tha, Balki Ek Aisa Raaz Tha, Jo Sabki Soch Se Bahut Pare Tha.

Aur Yahin Se Yeh Case Sirf Ek Criminal Investigation Nahi Raha, Balki History Ka Sabse Bada Scandal Banne Ja Raha Tha,

Darshan Aur Purane Controversies: Ek Zindagi Jo Hamesha Headlines Me Rahi

Darshan Ka Naam Kaafi Saalon Se Controversies Aur Legal Disputes Ke Saath Joda Jaata Raha, 2003 Me Darshan Ne Vijayalakshmi Se Shaadi Ki Thi Kuch Saalon Baad Dono Ka Ek Beta Bhi Huwa, Bahari Duniya Ke Liye Darshan Ki Married Life Bilkul Normal Aur Stable Nazar Aati Thi,

Lekin Waqt Ke Saath Pati-Patni Ke Beech Tanaav Badhne Laga, Ye Tanaav Dheere-Dheere Itna Ghera Ho Gaya Ki 2011 Me Vijayalakshmi Ne Darshan Ke Khilaaf Assault Aur Attempt To Murder Jaise Gambhir Aaropon Ke Saath Complaint Darj Karwai,

Is Maamle Ke Baad Darshan Ko 14 Din Ki Judicial Custody Me Bhi Rehna Pada, Yeh Case Media Aur Public Dono Ke Liye Kaafi Shocking Tha, Lekin Ye Controversy Yahin Par Khatam Nahi Huwi,

2016 Me Darshan Ki Wife Ne Ek Baar Phir Unke Khilaaf Objectionable Behavior Ko Lekar Ek Aur Complaint Darj Karwai, Halaanki Baad Me Dono Pakshon Ke Beech Aapas Me Samjhauta Ho Gaya, Aur Us Complaint Ko Wapas Le Liya Gaya,

Is Tarah Darshan Ki Personal Life Kaafi Samay Se Legal Allegations, Disputes Aur Controversies Ke Beech Ghiri Rahi,

  • Note: Upar Di Gayi Jaankari Public Domain Reports Aur Media Records Par Aadharit Hai, Sabhi Aarop Kanooni Prakriya Ke Adheen Rahe Hain.

Lekin Darshan Aur Unki Patni Vijayalakshmi Ke Rishton Ke Tootne Ki Asli Wajah Koi FIR Ya Legal Complaint Nahi Thi, Asli Wajah Thi Ek Aurat Ki Entry, Jo Lagbhag 10 Saal Pehle Darshan Ki Zindagi Me Aayi, Aur Yahin Se Darshan Ki Personal Life Ka Sabse Khatarnaak Aur Andhera Chapter Shuru Hota Hai,

Yahin Se Kahani Me Entry Hoti Hai Pavitra Gowda Ki

Pavitra Ek Fashion Designer Aur Aspiring Actress Thi, Shuruaat Me Usne Film Industry ME Apni Jagah Banane Ke Liye Kaafi Struggle Kiya, Lekin Jab Lambi Mehnat Ke Baad Bhi Use Kaam Nahi Mila, To Usne Shaadi Kar Li,

Shaadi Ke Baad Pavitra Ki Ek Beti Huwi, Jiska Naam Khushi Hai, Lekin Kuch Hi Waqt Me Pati Ke Saath Rishton ME Tanaav Badhne Laga Aur Aakhir Kaar Pavitra Apni Beti Ke Saath Alag Rehne Lagi,

Dusri Taraf Darshan Apni Ek Film Ke Liye Naya Face Dhoondh Rahe The, Isi Dauran kismat Se Darshan Aur Pavitra Ki Mulaqat Huwi, Kuch Wajah Aisi Rahi Ki Pavitra Ko Woh Film Nahi Mil Paayi, Lekin Film Na Milne Ke Bawajood Dono Ke Beech Nazdeekiyan Badhti Chali Gayi,

Kayi Saalon Tak Ye Rishta Chupchaap Chalta Raha, Aur Public Ke Saamne Bhi Iski Zyada Khabar Nahi Thi, Lekin November 2023 Me Pavitra Ne Apni Beti Khushi Ke Birthday Ka Ek Video Social Media Par Post Kiya,

Is Video Me Darshan Cake Kaat Te Aur Pavitra Ke Saath Dance Karte huwe Nazar Aaye, Bas Isi Ek Video Ne Fans Ke Beech 2015 Se Chal Rahe Darshan–Pavitra Relationship Ki Afwaahon Ko Ek Baar Phir Zinda Kar Diya, Agar Kahani Yahin Ruk Jaati, To Shayad Baat Dheere-Dheere Thandi Pad Jaati,

Lekin Hungama Tab Macha Jab ISI Video Ko Pavitra Ne Is Saal Dobara Repost Kar Diya, Aur Isi Repost Ke Baad Darshan Ki Personal Life, Unke Rishte, Aur Aane Wale Ghatnaa Kram Ek Khatarnak Aur Anjaane Mod Par Pahunch Gaye.

  • Note: Yeh Jaankari Public Domain Reports Aur Social Media post’s Par Aadharit Hai, Kisi Bhi Vyakti Ke Charitra Par Niji Aarop Lagana Iska Uddeshya Nahi Hai.

Ek Viral Reel Aur Chhupa Hua Sach

Is Reel Ke Zariye Pavitra Ne Pehli Baar Public Platform Par Darshan Ke Saath Apna Rishta Dikhaya, Ye Reel Sirf Viral Hi Nahi Huwi, Balki Isne Ek Chhupa Huwa Sach Bhi Sabke Saamne La Diya, Ki Darshan Jo Abhi Bhi Legally Married Hain,

Pichhle Lagbhag 10 Saalon Se Pavitra Ke Saath Ek Extramarital Relationship ME The, Jaise Hi Ye Video Social Media Par Aag Ki Tarah Phaila, Darshan Ki Patni Vijayalakshmi Ka Gussa Aur Dard Dono Phoot Pada,

Gusse Aur Takleef Me Vijayalakshmi Ne Turant Social Media Par Ek Post Share Ki, Jisme Bina Kisi Ka Naam Liye Usne Pavitra Ke Character Par Seedha Sawaal Uthaya, Yahin Baat Khatam Nahi Huwi,

Agle Hi Post Me Vijayalakshmi Ne Apni Family Ke Saath Ek Photo Share Ki, Aur Ek Aisa Caption Likha Jo Bina Naam Liye Sab Kuch Keh Gaya, Ye Post Sirf Ek Reaction Nahi Thi, Ye Ek Warning Thi,

Ab Aap Soch Rahe Honge:

Is Sab Ka Naali Ke Paas Mili Renuka Swami Ki Laash Se Aakhir Kya Lena-Dena?

Lekin Yakeen Maaniye, ISI Jagah Se Is Poore Case Ki Jad Padti Hai, Jo Dikh Raha Tha Sirf Ek Viral Reel, Asal Me Wahi Ek Khooni Kahani Ka Trigger Point Tha,

Aur Ab Jo Hone Wala Tha Who Sirf Ek Murder Nahi Tha, Balki Power, Obsession, Ego Aur Badle Ka Ek Aisa Khatarnak Combination Tha Jo Poore Karanataka Ko Hila Dene Wala Tha,

Fan Following Ka Asar: Jab Celebrity Zindagi Se Aage Nikal Jaaye

South Indian Film Industry Me Actors Ko Jo Support Aur Deewangi Milti Hai, Shayad Duniya Ke Kisi Bhi Film Industry Me Utni Intensity Ke Saath Kahin Aur Nahi Milti,

Aur Jab Baat Darshan Ki Ho, Toh Unki Fan Following Ek Bilkul Alag Hi Level Par Pahunch Jaati Hai, Darshan Ke Sirf Fans Nahi Hain Unke Bhakt Hain, Aise Log Jo Unhe Sirf Ek Actor Nahi, Balki Bhagwan Jaisa Maante Hain,

Darshan Ke Kai Fan Clubs Hain Hazaron Nahi Balki Lakhon Log Unke Liye Jeete Hain, Unki Ek Tasveer Ek Dialogue Ya Ek Video Clip Bhi Fans Ke Liye Poora Emotion Hota Hai,

Isi Wajah Se Jab Pavitra Aur Vijayalakshmi Ke Beech Social Media Par Khuli Jung Shuru Huwi, Toh Vijayalakshmi Ko Darshan Ke Fans Ka Poora Support Mil Gaya,

Ye Wahi Fans The Jo Dheere-Dheere Pavitra Ke Khilaaf Ek Digital Mob Me Badal Te Chale Gaye, Social Media Par Har Jagah Ek Hi Narrative Chal Raha Tha,

  • Pavitra Ne Hamare Bhagwan Ka Ghar Tod Diya.
  • Ye Aurat Darshan Ki Family Barbaad Kar Rahi Hai.

Comments, Abuses, Threats Sab Kuch Open Ho Gaya, Is Stage Par Ye Sirf Trolling Nahi Thi, Ye Collective Hatred Ban Chuki Thi,

Aur Yahin Se Ek Aur Dangerous Cheez Shuru Huwi, Kuch Fans Sirf Bol Nahi Rahe The, Wo Action Lene Ke Liye Bhi Tayaar Ho Chuke The, Aur Isi Bheed Ke Beech Ek Naam Aisa Tha Jo Pavitra Ko Sabse Zyada Ghoor Raha Tha,

Social Media Par Pavitra Ke Khilaaf Nafrat Bhare Reactions Ka Silsila Shuru Ho Gaya, Hazaron Comments Me Use Gaaliyan Di Jaane Lagi, Uske Character Par Sawaal Uthaye Gaye Aur Use Ek Home-Breaker Ke Roop ME Dikhaya Jaane Laga,

Ye Sab Sirf Opinions Tak Seemit Nahi Raha, Balki Dheere-Dheere Online Harassment Ka Roop Lene Laga, Itni Zyada Negativity Ke Beech Pavitra Ke Liye Is Pressure Ko Mentally Handle Karna Mushkil Ho Gaya,

Aakhir Kaar Use Majbooran Apne Social Media Accounts Ke Comment Section Band Karne Pada,

Lekin Jo Log Is Poore Maamle Ko Sirf Ek Social Media Controversy Samajh Rahe The, Unhe Zara Bhi Andaaza Nahi Tha Ki Isi Online Nafrat, Isi Ego Clash Aur Isi Uncontrolled Emotional Reaction Seek Bahut Zyada Serious Aur Khaufnaak Silsila Shuru Hone Wala Tha,

Aur Isi Silsile Ka Sabse Pehla Shikar Banne Wala Tha Renuka Swami.

Ek Fan Ek Comment Aur Shuru Hoti Khooni Kahani

Aur Yahin Se Shuru Hoti Hai Renuka Swami Ki Kahani.

Renuka Swami Un Logon Me Se Ek Tha Jo Darshan Ko Sirf Ek Actor Nahi, Balki Apni Zindagi Ka Ideal Maanta Tha, Wo Ek Die-Hard Fan Tha, Jiske Liye Darshan Sirf Cinema Ka Naam Nahi, Balki Values, Family Image Aur Success Ka Symbol Tha,

Saalon Se Renuka Swami Ka Ek Hi Routine Tha Darshan Ki Har Film, Chahe Kuch Bhi Ho Jaaye, First Day, First Show Dekhna, Uske Liye Darshan Ka Matlab Tha Izzat, Sach Chai Aur Ek Strong Family Image,

Isi Wajah Se Jab Pavitra Ne Social Media Par Apne Relationship Se Judi Posts Share Ki, Toh Renuka Swami Jaise Kai Fans Ke Liye Ye Baat Emotionally Accept Karna Mushkil Ho Gaya,

Renuka Swami Ka Maanna Tha Ki Jis Vyakti Ko Woh Itni Shraddha Se Maanta Hai, Who Apni Family Ke Saath Galat Nahi Kar Sakta, Isi Soch Ke Chalte Usne Pavitra Ko Is Poore Maamle Ka Zimmedar Maana.

Dheere-dheere Renuka Swami Ka Reaction Social Media Par Aggressive Ho Gaya, Wo Pavitra Ke Posts Par Comment Karne Laga, Uske Character Par Sawal Uthaye Jaane Lage Aur Use Darshan Se Door Rehne Ki Baatein Likhi Jaane Lagi,

Ye Behaviour Ab Sirf Criticism Tak Seemit Nahi Raha, Balki Online Harassment Ki Boundary Ko Cross Karne Laga, Ittefaq Se June Ke Pehle Hafte Me, Renuka Swami Ne Pavitra Ke Ek Post Par Ek Bahut Hi Aggressive Aur Objectionable Comment Kiya, Ye Comment Ek Fake ID Se Kiya Gaya Tha, Taaki Asli Pehchan Saamne Na Aaye,

Lekin Kismat Ko Kuch Aur Hi Manzoor Tha, Wo Comment Pavitra Ki Nazar Me AA Gaya, Jaise Hi Pavitra Ne Wo Comment Padha, Wo Emotionally Disturb Ho Gayi, Gusse Aur Frustration Me Usne Usi Comment Ke Reply Me Likha,

  • Time Will Answer Just Wait And Watch.

Ye Sirf Ek Reply Nahi Tha Balki Ek Emotional Reaction Tha Jo Aage Chal Kar Bahut Bada Mod Lene Wala Tha, Iske Baad Pavitra Ne Darshan Ke Saamne Poora Maamla Rakha Aur Ye Bataya Ki Social Media Par Kis Tarah Ke Comments Aur Pressure Ka Wo Saamna Kar Rahi Hai,

Us Conversation Ke Dauran Emotions, Ego Aur Pressure Teeno Ek Saath AA Gaye, Darshan Ne Pavitra Ko Shaant Karte huwe Kaha,

  • Main Kuch Karta Hoon.

Lekin Us Waqt Kisi Ko Ye Andaaza Nahi Tha Ki, Ye Kuch Aage Chal Kar Ek Khaufnaak Aur Khooni Sachchai Ban Jaayegaa,

Fake ID, Jhooti Pehchaan Aur Kidnapping Ka Plan

Police Investigation Me Jab Sach Saamne Aaya, To Poori Kahani Ka Rukh Hi Badal Gaya, Jaanch Me Pata Chala Ki Yeh Sab Kuch Kisi Aur Ka Nahi, Balki Darshan Ke Kehne Par Kiya Gaya Tha,

Darshan Ke Ek Close Employee, Pawan, Ne Pavitra Ke Naam Se Ek Fake Instagram Account Banaya, Isi Fake ID Ke Zariye Renuka Swami Se Chatting Shuru Ki Gayi, Renuka Swami Ko Zara Bhi Shak Nahi Huwa, Usne Yeh Maan Liya Ki Woh Sach-Much Pavitra Se Hi Baat Kar Raha Hai,

Chatting Ke Dauran, Baaton Hi Baaton ME Renuka Swami Ne Apna Asli Naam, Poora Address Aur Apni Personal Details Tak Share Kar Di, Jaise Hi Yeh Saari Jaankari Mili, Darshan Ne Turant Apne Fan Club Ke President Raghavendra Ko Order Diya,

  • Is Aadmi Ko Uthao Aur Bangalore Le Aao.

Is Kaam Ke Liye Darshan Ne Raghavendra Ko ₹30 Lakh Dene Ka Wada Bhi Kiya, Plan Bilkul Clear Tha Renuka Swami Ko Chupchaap Uthana Aur Bina Kisi Shor Sharabe Ke Bangalore pahunchna,

8 June Ki Subah Jab Renuka Swami Chitradurga Me Apollo Pharmacy Ja Raha Tha, Tabhi Use Raaste Me Roka Gaya, Usse Kaha Gaya,

  • Tumhe Darshan Sir Se Milna Hai, Chalo Hum Tumhe Unke Paas Le Chalte Hain

Darshan Se Milne Ka Naam Sunte Hi Renuka Swami Khushi Se Bhar Gaya, Usse Laga Ki Jis Insaan Ko Woh Bhagwan Ki Tarah Maanta Tha, Aaj Wahi Use Pehchan Raha Hai,

Isi Bharosa Me Bina Kisi Darr Aur Shak Ke, Renuka Swami Un Logon Ke Saath Chal Pada, Lekin Use Zara Bhi Andaaza Nahi Tha Ki Jis Mulaqat Ka Woh Sapna Dekh Raha Hai, Wahi Mulaqat Asal Me Uski Maut Ka Safar Ban Chuki Hai,

Maafi Ke Naam Par Shuru Hua Zulm Ka Safar

Iske Baad Renuka Swami Se Kaha Gaya Ki Use Social Media Par Pavitra Se Maafi Maangni Hogi, Taaki Uske Dwara Kiye Gaye Comments Ka Matter Yahin Khatam Ho Jaaye, Renuka Swami Ko Zara Bhi Andaaza Nahi Tha Ki Maafi Ke Naam Par Uske Liye Pehle Hi Ek Khaufnaak Jaal Bichhaya Ja Chuka Hai,

Raghavendra Aur Uske Saathi Renuka Swami Ko Bangalore Ke RR Nagar Sthit Ek Compound Me Le Jaate Hain, Aur Wahi Se Shuru Hota Hai Zulm Aur Brutality Ka Wo Andhera, Jiska Anjaam Sirf Maut Tha,

Poore Din Renuka Swami Ko Ek Shed Ke Andar Bandh Karke Rakha Gaya, Jab Tak Woh Poori Tarah Se Thak Kar, Toot Kar Haar Na Maan Le, Tab Tak Use Belt Aur Dandon Se Nirmam Tareeke Se Peeta Gaya Uska Sharir Neela Pad Chuka Tha, Saans Lena Mushkil Ho Raha Tha, Aur Wo Aadhi-Behoshi Ki Haalat Me Pahunch Chuka Tha,

Shaam Der Se Darshan Apne Kuch Saathiyon Ke Saath Usi Compound Me Pahunchta Hai, Jab Renuka Swami Aadhi-Behoshi Ki Haalat Me Apne Saamne Apne Hero Darshan Ko Dekhta Hai, To Uske Mann Me Ek Aakhri Ummeed Jaag Uthti Hai,

Use Lagta Hai Ki Shayad Ab Sab Theek Ho Jaayega, Shayad Uska Hero Use Bacha Lega, Shayad Yeh Sab Sirf Daraane Ka Ek Tareeka Tha,

Lekin Renuka Swami Ko Kya Pata Tha Ki Jise Wo Bhagwan Ki Tarah Maanta Tha, Wahi Uski Zindagi Ka Sabse Bada Shaitaan Ban Chuka Tha,

Jab Hero Hi Kaatil Ban Gaya

Is Haal Mein Jab Renuka Swami Ki Nazar Apne Hero Darshan Par Padti Hai, To Uske Dil Mein Ek Aakhri Ummeed Jaag Uthti Hai. Use Lagta Hai Ki Jaise Darshan Apni Filmon Mein AAM Aadmi Ke Liye Dushmano Se Ladta Hai, Shayad Aaj Bhi Uska Hero Use Bacha Lega,

Kyoki Darshan Wahan Renuka Swami Ko Bachane Nahi Aaya Tha, Balki Use Aise Gehre Aur Dardnaak Zakhm Dene Aaya Tha, Jise Dekh Kar Kisi Ki Bhi Rooh Kanp Jaaye,

Jis Darshan Ko Renuka Swami Bhagwan Maanta Tha, Jiska Wo Deewana Tha, Jiske Liye HAR Film First Day, First Show Dekhta Tha Aaj Wahi Darshan Uske Liye Ek Darinda Ban Chuka Tha,

Renuka Swami Par Itni Berahmi Se Zulm Kiya Gaya Ki Jab Uski Post-Mortem Report Saamne Aayi, To Doctors Tak Hairaan Reh Gaye, Report Ke Mutabik, Renuka Swami Ke Sharir Par 15 Aisi Chotein Thi Jo Seedha Jaan Lene Wali Thi,

Aur Is Poore Case Ki Sabse Shocking Baat Yeh Thi Ki Jab Renuka Swami Par Yeh Zulm Ho Raha Tha, Usi Waqt Pavitra Bhi Wahan Maujood Thi,

Poore Din Chalne Wale Is Torture Ke Baad, Aakhirkaar Renuka Swami Ne Wahin Dum Tod Diya,

Ek Aisa Fan Jisne Apne Hero Ko Bhagwan Maana Aaj Usi Bhagwan Ke Haathon Apni Zindagi Haar Chuka Tha,

Ek Adhoori Zindagi, Ek Toota Hua Sapna

Renuka Swami Ki Shaadi Sirf Ek Saal Pehle Hi Huwi Thi, Uski Zindagi Abhi Theek Se Shuru Bhi Nahi Huwi Thi,

Is Saal Renuka Aur Uski Patni Sahana Ki Zindagi Ka Sabse Khoobsurat Pal Aane Wala Tha, Kyunki Saal Ke End Tak Dono Maa-Baap Banne Wale The, Ghar Mein Khushiyon Ki Tayariyan Chal Rahi Thi, Sapne Saj Rahe The,

Lekin Sahana Ko Zara Bhi Andaaza Nahi Tha Ki Jis Insaan Ka Intezaar Wo Baar-Baar Phone Karke Kar Rahi Hai, Wo Ab Is Duniya Mein Kabhi Wapas Aane Wala Hi Nahi,

Sahana Lagataar Renuka Swami Ko Call Kar Rahi Thi, Lekin Har Baar Phone Switched Off AA Raha Tha, Use Laga Shayad Network Problem Hogi, Ya Phir Kaam Mein Busy Hoga, Usne Kabhi Socha Bhi Nahi Tha Ki Ye Khamoshi Hamesha Ke Liye Hone Wali Hai,

Aur Phir Agli Raat Subah 3 Baje, Jab Poora Shehar Gehri Neend Mein Dooba Huwa Tha, Ye Log Apni Saazish Ke Aakhri Stage Par Pahunch Chuke The,

Renuka Swami Ka Bejaan Sharir Gaadi Mein Bhara Gaya, Kisi Ne Ek Pal Ke Liye Bhi Ye Nahi Socha Ki Jise Wo Utha Rahe Hain, Wo Bhi Kisi Ka Beta, Kisi Ka Pati, Aur Kisi Hone Wale Bacche Ka BAAP Tha,

Gaadi Bengaluru Ke Kamakshi Palya Ke Ek Sunsaan Ilaake Mein Pahunchti Hai, Aur Wahan Renuka Swami Ki Laash Ko Seedha Ek Naale Mein Pheink Diya Jaata Hai Jaise Kisi Bekaar Cheez Ko Kachra Samajh Kar Thikane Laga Diya Ho,

Unhe Laga Sab Kuch Khatam Ho Gaya, Unhe Laga Sach Bhi Isi Andhere Ke Saath Dafan Ho Jaayega,

Agli Subah Jab Ek Security Guard Us Naale Ke Paas Kutton Ko Laash Nochte Huwe Dekhta Hai, Tab Is Case Ki Wo Shuruat Hoti Hai Jo Seedha Film Industry Ke Sabse Bade Naam Tak Jaakar Rukti Hai,

Aur Phir Jo Huwa Uske Baad, Usne Power, Stardom Aur Blind Fan Culture Ka Sabse Dark Aur Khaufnaak Chehera Duniya Ke Saamne Rakh Diya,

Fake Surrender, CCTV Saboot Aur Darshan Tak Pahunchta Sach

Yeh Teenon Log Police Station Sirf Isliye Pahuche The Taaki Poora Ilzaam Apne Sir Le Sakein Is Kaam Ke Badle Darshan Ne Un Teeno Ko ₹5–₹5 Lakh Diye The,

Darshan Ko Poora Bharosa Tha Ki Agar Ye Teen Log Khud Aakar Murder Accept Kar Lenge, To Case Wahi Khatam Ho Jaayega Aur Uska Naam Kabhi Saamne Hi Nahi Aayega, Lekin Yahin Par Darshan Ne Apni Sabse Badi Galti Kar Di,

Sach To Ye Tha Ki Agar Ye Teen Log Police Station Surrender Karne Aaye Hi Na Hote, To Shayad Ye Case Itni Jaldi Kabhi Solve Hi Nahi Hota, Par Kehte Hain Na Sach Aur Waqt Kabhi Zyada Der Tak Chhupa Nahi Sakte,

Police Investigation Ke Dauran Ye Baat Saamne Aayi Ki Jis Route Se Renuka Swami Ki Laash Ko Le Jaakar Naale Mein Pheinka Gaya Tha, Us Poore Raaste Par Lage CCTV Cameras Ne Do Gaadiyon Ko Record Kiya THA,

Jab IN Gaadiyon Ke Number Plates Verify Kiye Gaye, To Police Bhi Hairaan Reh Gayi Dono Gaadiyan Darshan Se Linked Thi,

Sirf Itna Hi Nahi Jab Un Gaadiyon Ki Forensic Jaanch Karayi Gayi, To Unke Andar Khoon Ke Nishaan Bhi Mile, Yahin Se Case Ne Ek Naya Aur Khaufnaak Mod Le Liya,

Case Ka Sabse Bada Twist Tab Aaya Jab Driver Ravi Khud Police Ke Saamne Surrender Kar Deta Hai, Ravi Wahi Driver Tha Jo Chitradurga Se Renuka Swami Ko Bengaluru Laaya Tha, Usi Jagah Tak Jahan Use Din Bhar Berahmi Se Torture Kiya Gaya,

Ravi Ne Police Ke Saamne Poora Sach Ugal Diya, Usne Detail Me Bataya:

  • Kaun Kaun Log Is Saazish Me Shamil The,
  • Kaun Orders De Raha Tha,
  • Aur Kaise Kidnapping Se Lekar Murder Tak Poora Plan Step By Step Execute Kiya Gaya.

Police Ne Jab Raghavendra Ko Custody Me Liya, To Uske Paas Se ₹30 Lakh Cash Bhi Recover Huwa Ye Wahi Paisa Tha Jo Darshan Ne Is Poore Kaam Ke Liye Diya Tha,

Sirf Paise Hi Nahi, Police Ke Haath:

  • Fake Instagram Account Ke Chats,
  • CDR Records,
  • Aur Message History Bhi Lag Gayi.

Ye Saare Saboot Ek Hi Taraf Ishara Kar Rahe The.

Ab Ye Sirf Renuka Swami Ka Murder Case Nahi Raha Tha, Ye Case Ban Chuka Tha Power, Stardom, Blind Fan Following Aur Ek Superstar Ke Andhere Chehre Ka,

Aur Jaise Jaise Police Darshan Ke Kareeb Pahunch Rahi Thi, Waise Waise Film Industry Ke Corridors Me Khamoshi Aur Darr Dono Badhne Lage The,

Kyoki AB Ek Sawal Sabke Saamne Khada Ho Chuka Tha

High-Profile Case, Political Pressure Aur Andhere Raaz

Kyuki Ye Ek High-Profile Case Tha, Isliye Shuruat Se Hi Political Pressure Aur Influence Ka Poora Zor Lagaya Gaya, Taaki Asli Gunehgaron Ko Bachaya Ja Sake,

Lekin Is Case Ko Lead Kar Rahe SP Aur Police Commissioner Na Sirf Imaandaar The, Balki Apni Strict Working Style Ke Liye Bhi Jaane Jaate Hain,

Isi Wajah Se Na Sirf Ye Case Bahut Kam Time Me Solve Huwa, Balki Poora Maamla Media Ke Saamne Bhi AA Gaya,

Police Investigation Ke Baad Is Case Me Kul 16 Logon Ko Arrest Kiya Gaya, Jis ME Darshan Aur Pavitra Gowda Dono Shamil Hain,

Investigation Ke Conclusion Par Police Ne Pavitra Gowda Ko Prime Accused Aur Darshan Ko Second Accused Declare Kiya,

Police Ke Mutabik Is Poore Crime Ki Shuruaat Pavitra Ke Instigation Se Huwi Thi, Aur Wahi Is Ghatna Ki Sabse Badi Wajah Bani,

Jaise Jaise Investigation Aage Badhti Ja Rahi Hai, Waise Waise Ye SO Called Superstar Darshan Ke Baare Me Aur Bhi Kai Dark, Disturbing Aur Shocking Baatein Saamne Aati Ja Rahi Hain,

Isi Beech Ek Purana Aur Ansuljha Raaz Dobara Charcha ME AA Gaya,

Kaha Ja Raha Hai Ki Darshan Ka Ex-Manager Mallikarjun, Jo Ka Bhi Uska Sabse Bharosemand Aadmi Tha, July 2018 Se Lapata Hai,

Mallikarjun Par Darshan Ke ₹2 Crore Churaane Ka Aarop Tha, Jis Wajah Se Dono Ke Beech Court Case Bhi Chal Raha Tha,

Lekin Hairani Ki Baat Ye Hai Ki Pichhle 6 Saalon Se Na To Mallikarjun Ka Bhi Court Ke Saamne Haazir Huwa, Aur Na Hi Police Use Kahin Trace Kar Paayi,

Aaj Tak Uska Koi Bhi Suraagh Nahi Mil Paaya

  • Yahin Par Ek Bahut Hi Bhayanak Sawaal Uthta Hai

Agar Sirf Ek Social Media Comment Par Itni Darindgi Ho Sakti Hai, To Jis Aadmi Ne Itni Badi Gaddari Ki, Uska Anjaam Kya Huwa Hoga?

Aur Ye Hi Sawaal Is Poore Case Ko Aur Bhi Zyada Daraawna, Ghera Aur Khaufnaak Bana Deta Hai.

CONCLUSION.

Renukaswamy Murder Case Sirf Ek Vyakti Ki Hatya Ki Kahani Nahi Hai, Balki Yeh Power, Fame, Blind Fan-Following Aur Social Media Ke Galat Istemal Ka Sabse Bhayanak Example Hai, Ek AAM Aadmi, Jo Apne Hero Ko Bhagwan Maanta Tha, Usi Obsession Ka Shikaar Ban Gaya.

Is Case Ne Yeh Saaf Kar Diya Ki Jab Stardom Ke Saath Ego, Gussa Aur Influence Jud Jaata Hai, To Kanoon, Insaniyat Aur Zindagi Teeno Khatre Me AA Jaati Hain.

Police Investigation Ne Yeh Bhi Dikhaya Ki Chahe Case Kitna Hi High-Profile Kyun Na Ho, Agar Imaandaar Officers Ka Leadership Ho, To Sach Zyada Der Tak Chhupa Nahi Sakta.

Aaj Renukaswamy Is Duniya Me Nahi Hai, Lekin Uski Kahani Ek Warning Ban Chuki Hai Na Kisi Ko Itna Poojo Ki Insaniyat Bhool Jao, Aur Na Hi Kisi Ko Itni Taqat Do Ki Wo Kanoon Se Upar Ho jaaye.

AWARENES.

  • Is Case Se Hum Sab Ko Kuch Zaroori Seekh Milti Hai:
  • Kisi Bhi Celebrity Ya Public Figure Ke Liye Blind Fan-Following Khatarnak Ho Sakti Hai
  • Social Media Par Kiya Gaya Ek Comment Bhi Kabhi-Kabhi Zindagi Aur Maut Ka Sabab Ban Sakta Hai
  • Online Hate, Trolling Aur Threats Ko Kabhi Normal Na Samjhein
  • Agar AAP Kisi Celebrity Ya Influencer Se Connected Hain, To Yaad Rakhiye Wo Bhi Insaan Hain, Bhagwan Nahi.
  • Kisi Bhi Tarah Ki Dhamki, Stalking Ya Harassment Ko Law Enforcement Tak Turant Pahunchana Chahiye

Yeh Case Yeh Bhi Sikhata Hai Ki Internet Par Likha Gaya HAR Lafz Zimmedari Ke Saath Likhna Chahiye, Kyunki Uska Asar Real Life Me Bahut Ghera Ho Sakta Hai.

DISCLAIMER.

Is Article Me Di Gayi Saari Jaankari Public Domain Reports, Police Records Aur Media Sources Par Aadharit Hai. Yeh Content Sirf Informational Aur Awareness Purpose Ke Liye Likha Gaya Hai.

Is Case Ka Final Nirnay Adalat Ke Faisle Par Nirbhar Karta Hai. Lekhak Kisi Bhi Vyakti Ko Doshi Ya Nirdosh Ghoshit Nahi Karta. Agar Kisi Ko Is Content Se Koi Aapatti Ho, To Uska Uddeshya Kisi Ki Chhavi Ko Nuksaan Pahunchana Nahi Hai.

  • Note: Agar Case Me Future Me Koi Legal Update Aata Hai, To Article Ko Accordingly Update Kiya Jaayega.
  • Yeh Case Filhaal Trial Stage Par Hai. Court Ne Aarop Tay Kiye Hain, Lekin Kisi Bhi Aaropi Ko Abhi Doshi Ya Nirdosh Ghoshit Nahi Kiya Gaya Hai. Antim Faisla Adalat Ke Nirnay Par Nirbhar Karega.

Leave a Reply

Your email address will not be published. Required fields are marked *