Bharatpur Doctor Couple Murder Case

28 May 2021 Ki Shaam Rajasthan Ke Bharatpur Mein Dr. Sudeep Gupta Aur Unki Wife Dr. Seema Gupta Jaharveer Baba Ke Darshan Ke Liye Ja Rahe The, Sunsaan Sadak Par Achanak Bina Number Plate Ki Bike Par Aaye Do Attackers Ne Unki CAR Rok Kar Sirf 38 Seconds Mein Andha-Dhund Firing Kar Di,

Dr. Sudeep Ki Spot Par Hi Maut Ho Gayi, Jabki Dr. Seema Ne Hospital Le Jaate Waqt Dam Tod Diya, Is Khule AAM Double Murder Ne Poore Shehar Ko Hila Diya, Aur CCTV Footage Ke Aadhar Par Police Ne Investigation Shuru Ki Jahan Se Ek Aisi Kahani Saamne Aayi Jisne Sabko Hairaan Kar Diya,

Khushhaal Doctor Couple Ki Zindagi Mein Deepa Gurjar Ki Entry Ne Badli Kahani Ki Disha

38 Saal Ki Dr, Seema Gupta Bharatpur Ke Dr, Shri Ram Gupta Memorial Hospital Ki Gynecologist Aur Owner Thi, Jabki Unke Husband Dr, Sudeep Gupta Ek Physician The, Professional Aur Personal Life Dono Mein Yeh Couple Successful Aur Khush Tha,

Do Bachche Sanyam Aur Sakshi Ke Saath Woh Hospital Ki Top Floor Par Rehte The, Taaki Emargency Mein Patients Ko Turant Help Mil Sake, Busy Hospital Ke Liye Dr. Seema Ek Receptionist Ki Talaash Mein Thi, Aur Isi Dauran 21 Saal Ki Deepa Gurjar Job Ke Liye Aayi, Jahan Se Kahani Ne Naya Mod Liya,

Ek Nayi Entry Aur Dheere-Dheere Shuru Huwi Andar Ki Chhupi Huwi Kahani

Tourpur Ki Rehne Wali Deepa Ki Shaadi Chhoti Umar Mein Ho Gayi Thi, Aur Uska Ek Chhota Beta Bhi Tha, Lekin Ghar Ke Jhagde Badhte Gaye Aur Ek Din Uske Husband Ne Use Bachche Ke Saath Ghar Se Nikal Diya, Tab Se Deepa Ka Divorce Case Chal Raha Tha, Apne Bete Shaurya Ki Parvarish Ke Liye Woh Bharatpur Aayi, Aur Job Ki Talaash Mein Dr. Seema Ke Hospital Tak Pahunchi,

Dr. Seema Ne Uski Haalat Samajh Kar Use Receptionist Ki Job De Di, Deepa Ne Bhi Poori Mehnat Se Kaam Shuru Kiya, Aur Dheere-Dheere Apni Zindagi Sambhalne Lagi, Hospital Mein Aate-Jaate Dr, Sudeep Uski Lagan Se Impress Huwe, Aur Waqt Ke Saath Dono Ko Baat Cheet Badhne Lagi, Jisse Kahani Ne Ek Naya Mod Lena Shuru Kar Diya,

Kaam Se Shuru Huwa Rishta, Chhupa Hua Affair

Kaam Tak Simit Huwi Baatein Dheere-Dheere Ghanton Ki Baaton Mein Badalne Lagi, Waqt Ke Saath Jo Pehle Sirf Comfort Tha, Woh Chupchaap Ek Affair Mein Badal Gaya, Hospital Se Shuru Huwi Yeh Kahani Zyada Din Tak Chhupi Nahi Reh Saki, Aur Jab Dr. Seema Ko Sach Pata Chala, To Unhone Dr. Sudeep Ka Saamna Karte Huwe, Deepa Se Door Rehne Ki Sakht Chetavni Di,

Job Se Nikaala, Lekin Rishta Khatam Nahi Huwa

Kuch Waqt Doori Bani Rahi, Lekin Sudeep Aur Deepa Phir Milne Lage Jab Dr. Seema Ko Dobara Sach Pata Chala, To Unhone Apni Shaadi Aur Bachchon Ke Future Ko Bachane Ke Liye, Deepa Ko Hospital Se Nikal Diya, Unhe Laga Ki Doori Se Rishta Khatam Ho Jayega Lekin Aisa Nahi Huwa.

Chhupa Huwa Ghar Aur Jhooth Ki Shuruaat

Job Chhutne Ke Baad Bhi Dr. Sudeep Ne Deepa Ka Kharcha Uthana Shuru Kiya, Uske Bete Shaurya Ki School Fees Se Lekar Rehne Tak Kar Intezaam Kiya, 2018 Mein Surya City Township Mein Li Gaya Ghar, Jo Dr. Seema Ke Naam Par Tha, Deepa Ko De Di Gayi Aur Ghar Walon Se Jhooth Bola Gaya Ki Ghar Rent Par Hai,

Safe Zone Bana Villa, Rishta Hua Aur Gehra

Ab Deepa Apne Bete Ke Saath Us Villa Mein Rehne Lagi Aur Sudeep Chupke-Chupke Wahan Aane Lage, Dheere-Dheere Yeh Jagah Unke Chhupe Huwe Rishte Ka Safe Zone Ban Gayi, Lekin Job Na Hone Ki Wajah Se Deepa Ko Future Ki Chinta Satane Lagi,

Nayi Demand Ne Badha Di Tanav Ki Aag

Apne Future Ko Secure Karne Ke Liye Deepa Ne Dr. Sudeep Se Ek Salon Kholne Ki Demand Ki, Paisa Aur Ghar Ki Sachchai Saamne Aane Ke Darr Se Sudeep Baar-Baar Baat Taalte Rahe, Lekin Deepa Ki Demands Yahin Rukne Wali Nahi Thi,

Ayesha Salon Ka Inauguration: Jab Affair Ka Sach Card Se Be-Nakaab Huwa

Dr. Sudeep Dheere-Dheere Deepa Ki Demands Poori Karte Huwe, Uske Liye Ayesha Salon And Spa Center Kholne Tak Pahunch Gaya, 1 November 2019 Ko Inauguration Huwa Aur Invitation Card Par Chief Guest Ke Roop Mein Dr. Sudeep Ka Naam Likha Gaya,

Sirf Chaar Din Baad Jab Yeh Card Dr. Seema Ke Haath Laga, To Unhe Dr. Sudeep Aur Deepa Ke Rishte Ka Sach Samajh AA Gaya, Unhe Pata Chal Gaya Ki Jo Villa Bank Manager Ko Dene Ki Baat Kahi Gayi Thi, Woh Asal Mein Deepa Ko Diya Gaya Tha,

Gusse Mein Dr. Seema Ne Yeh Baat Apni SaaS Sulekha Ko Batayi, Lekin Dr. Sudeep Ne Shuru Mein Sab Kuch Jhooth Batakar Taal Diya, Jab Dr. Seema Ne Invitation Card Saboot Ke Taur Par Dikhaya, To Sulekha Bhi Sach Samajh Gayi, Aur Seedha Deepa Se Saamna Karne Ka Faisla Kar Liya,

Villa Mein Takraar Se Bhadki Aag: Gusse Ne Liya Khaufnaak Mod

7 November 2019 Ki Shaam Dr. Seema Aur Unki SaaS Sulekha Surya City Villa Pahunchi, Jahan Deepa Se Unki Teekhi Takraar Ho Gayi, Ilzaam Aur Behas Ke Beech Haathapai Tak Baat Badh Gayi, Aur Deepa Ne Ghabra Kar Dr. Sudeep Ko Phone Kiya,

Maamla Shaant Karne Ke Liye Dr. Sudeep Wahan Pahunchne Nikle, Lekin Tab Tak Gusse Mein Dr. Seema Ne Spirit Chhidak Kar Villa Mein, Aag Laga Di Aur Deepa Aur Uske Bachche Ko Kitchen Mein Band Kar Diya, Jisse Haalat Aur Bhi Khatarnak Ho Gaye,

Ghar Mein Aag Lagte Hi Dr. Seema Aur Sulekha Wahan Se Nikal Gayin, Jabki Deepa Aur Uska Beta Shaurya Andar Phans Kar Madad Ke Liye Cheekhte Rahe, Bechain Deepa Ne Apne Bhai Anuj Ko Phone Karke Madad Maangi,

Anuj Bina Deri Kiye Villa Pahunch Gaya, Lekin Tab Tak Poora Ghar Aag Ki Lapton Mein Ghira Huwa Tha, Behen Aur Bhanje Ko Bachane Ke Liye Usne Kambal Odhkar Andar Jaane Ki Koshish Ki, Par Bhayanak Aag Mein Khud Bhi Buri Tarah Jal Gaya,

Fire Brigade Ne Use Bacha Kar Hospital Pahunchaya, Lekin Deepa Aur Shaurya Ki Jaan Nahi Bach Paayi, Aag Bujhne Ke Baad Jal Chuki Deewaron Ke Beech Dono Ki Maut Ki Pushti Ho Gayi, Aur Yeh Ghatna Ek Khaufnaak Tragedy Mein Badal Gayi,

FSL Jaanch Mein Mila Sabse Bada Saboot, Case Ne Liya Naya Mod

Ghatna Ki Soochna Milte Hi Police FSL Team Ke Saath Surya City Villa Pahunchi, Kitchen Mein Padi Deepa Aur Shaurya Ki Laashon Ki Haalat Dekhkar Sab Sann Reh Gaye, FSL Team Ne Zaroori Samples Collect Kiye Aur Spirit Ki Bottle Baramad Ki, Jo Investigation Ki Sabse Badi Kadi Bani,

Postmortem Ke Baad Bodies Parivaar Ko Saup Di Gayi, Jahan Dard Aur Maatam Ka Mahaul Tha, Apni Behen Aur Bhanje Ko Insaaf Dilane Ke Liye Deepa Ki Behen Radha Ne Dr. Seema, Dr. Sudeep Aur Sulekha Ke Khilaaf FIR Darj Karwayi, Iske Baad Police Ne Sabhi Logon Se Pooch-Taach Shuru Karte Huwe Case Ki Gehri Jaanch Aage Badha Di,

FSL Report Ne Confirm Kiya Ki Villa Mein Lagi Aag Spirit Se Lagayi Gayi Thi, Aur Deepa Aur Shaurya Ki Maut Dhuein Ki Wajah Se Suffocation Se Huwi, Sabooton Aur Statements Ke Baad Police Ne Extra-Marital Dispute Ko Motive Maan Kar Dr. Seema Aur Sulekha Ko Giraftar Kiya,

Jabki Dr. Sudeep Ko Conspiracy Aur Saboot Mitane Ke Aarop Mein Remand Par Liya Gaya, Teeno Ko Jaipur Central Jail Bheja Gaya, Lekin Sirf CHHE Mahine Mein Hi Ek-Ek Karke Sabhi Aaropi Bail Par Bahar Aa Gaye, Jisne Deepa Ke Parivaar Ko Andar Se Tod Kar Rakh Diya,

Insaaf Se Badle Tak: Jab Dard Ne Liya Paisa Aur Dhamki Ka Roop

Jis Kanoon Par Bharosa Karke Deepa Ke Parivaar Ne Aaropiyon Ko Jail Bheja Tha, Wahi Kanoon Jab Unki Bail Ka Raasta Bana, To Anuj Ka Gussa Aur Badh Gaya, Behen Aur Bhanje Se Gehra Lagav Rakhne Wala Anuj Unhe Na Bacha Paane Ka Bojh Andar Hi Andar Mehsoos Kar Raha Tha, Doctor Couple Ki Azaadi Ki Khabar Ne Uske Dard Ko Badle Ki Soch Mein Badal Diya,

Lekin Dheere-Dheere Sach Saamne Aaya Ki Anuj Khud Bhi Pehle Se Kanooni Vivaadon Mein Reh Chuka Tha, Samay Ke Saath Yeh Ladai Insaaf Se Hatkar Paisa Kamane Ki Taraf Mudne Lagi, Aarop Hai Ki Usne Case Wapas Lene Ki Baat Karke Doctor Couple Se ₹50 Lakh Ki Demand Shuru Kar Di, Aur Isi Dauraan December 2020 Se May 2021 Tak Deepa Ke Parivaar Ki Taraf Se Koi Bhi Court Mein Gawahi Dene Nahi Pahuncha,

Samay Ke Saath Anuj Ki Demands Aur Badh Gayi, ₹50 Lakh Kam Lagne Par Usne Ek Hi Installment Mein ₹1 Crore Aur Hospital Apne Naam Transfer Karne Ki Shart Rakh Di, Lekin Doctor Couple Ne Isse Seedha Inkaar Kar Diya,

Paiso Ko Lekar Tanav Itna Badh Gaya Ki Gusse Aur Lalach Mein Anuj Ne Doctor Couple Ko Khatam Karne Ka Khaufnaak Plan Bana Liya, Jo Badle Se Zyada Paise Ki Bhook Ka Nateeja Ban Chuka Tha,

Badle Se Saazish Tak: Kaise Rachi Gayi Doctor Couple Ki Murder Planning

Anuj Ka Past Criminal Background Tha Aur Uska Circle Bhi Badmash Logon Se Bhara Huwa Tha, Uska Baradar In La Daulat Gurjar Alias Bholu Pahalwan Byaaj Par Paise Deta Tha, Jabki Mausera Bhai Mahesh Kasana Recovery Aur Dhamki Dene Ka Kaam Karta Tha,

Doctor Couple Ko Khatam Karne Ke Iraade Se Anuj Ne Sabse Pehle Inhi Logon Se Madad Maangi, Planning Mein Rishtedaar Nirbhan Singh Bhi Shamil Ho Gaya, Jisne Sabko Apni Jagah Par Panaah Di Taaki Saazish Chup-Chap Taiyaar Ho Sake,

Anuj Jaanta Tha Ki Doctor Couple Aksar Sir Jaharveer Baba Ke Darshan Ke Liye Jaate Hain, Isliye Unki Reiki Shuru Ki Gayi, Din-Ba-Din Unke Routes Aur Timing Note Kiye Gaye, Reiki Ke Dauraan Pata Chala Ki Shaam Kareeb 5 Baje Woh Neemda Gate Railway Track Ke Paas Se Guzarte Hain, Aur Yahin Anuj Ne Hamla Karne Ki Final Jagah Tay Kar Li,

Lockdown Ke Beech Din-Dahaade Double Murder: Final Execution Plan

Hathiyaar Ka Intezaam Pehle Hi Mahesh Kasana Ki Illegal Gun Se Ho Chuka Tha, Jabki Bike Bholu Pahalwan Ne Girvi Rakhi Huwi Splendor Di, Pandemic Aur Lockdown Ka Fayda Uthate Huwe Anuj Ne 28 May 2021 Ki Tareekh Final Ki, Shaam Kareeb 4 Baje Anuj Aur Mahesh Bike Par Nikle, Anuj Ne Pehchaan Chhupaane Ke Liye Laal Scarf Bandh Liya, Aur Bike Mahesh Chala Raha Tha,

Kareeb 5 Baje Neemda Gate Area Mein Unhone Doctor Couple Ki CAR Ka Peecha Kiya, Sahi Mauka Milte Hi Bike Se CAR Ko Overtake Karke ROK Diya Gaya, Aur Anuj Ne Din-Dahaade Dr. Sudeep aur Dr. Seema Par Andha-Dhund Firing Karke, Dono Ka Berahmi Se Qatl Kar Diya, Iske Baad Dono Aaropi Mauke Se Farar Ho Gaye,

CCTV Se Khula Raaz: Revenge Killing Ka Sach Samne Aaya

Pandemic Ke Dauraan Desh Bhar Mein Police Tainaat Thi, Isliye Din-Dahaade Huwe, Is Shootout Ne Police Par Zabardast Pressure Daal Diya, Investigation Turant Shuru Huwi, Aur CCTV Footage Ke Zariye Black Splendor Bike Ko Trace Kiya Gaya, 36 Ghante Tak Koi Badi Lead Nahi Mili,

Lekin 30 May 2021 Ko Police Bike Ke Connection Se Bholu Pahalwan Aur Nirbhan Singh Tak Pahunch Gayi, Unki Giraftari Ke Baad Yeh Saaf Ho Gaya, Ki Maamla Extortion Aur Revenge Killing Se Juda Hai, Confession Milte Hi Police Ne Mahesh Kasana Ko Pakad Liya, Lekin Main Accused Anuj Gurjar Farar Raha,

Us Par ₹5000 Ka Inaam Bhi Ghoshit Kiya Gaya, Phone Na Hone Ki Wajah Se Tracking Mushkil Thi, Isliye Dholpur, Karauli Aur Rishtedaron Ke Gharon Par Lagataar Raids Ki Gayi, Aakhir 12 June 2021 Ko Informer Se Mili Khabar Par Dholpur, Bharatpur Aur Karauli Police Ne Joint Operation Shuru Kar Diya,

13 June 2021 Ki Subah 5 Baje Bharatpur Ke Entry Point Se Lagbhag 4 Kilometer Pehle Hi Aur Shehar Ke Andar Bhi Police Ne Kai Routes Par Barricading Karke Gaadiyon Ki Checking Shuru Kar Di Thi, Aakhirkaar Police Ko Apni Turant Action Ka Fayda Mila, Checking Ke Dauraan Police Ne Ek CAR Mein Anuj Ko Baitha Huwa Pakad Liya,

Giraftari Ke Baad Bhi Anuj Ke Chehre Par Zara Si Bhi Tension YA Darr Nazar Nahi AA Raha Tha, Sabhi Aaropiyon Ki Giraftari Ke Baad Police Ne Anuj Gurjar, Nirvan Singh, Bholu Pahalwan Aur Mahesh Kasana Ke Khilaaf Murder Conspiracy, Arms Act Aur Offender Ko Panah Dene Jaise Gambhir Dhaaron Mein Case Darj Kiya, Aur Sabhi Ko Bharatpur Central Jail Bhej Diya,

CONCLUSION.

Yeh Poora Case Sirf Ek Crime Story Nahi, Balki Insaani Jazbaat, Lalach, Dhokha Aur Badle Ki Aag Ka Ek Dardnaak Anjaam Tha. Ek Galat Faisla, Ek Jhooth Aur Paison Ki Bhook Ne Kai Zindagiyan Barbaad Kar Di. Jahan Ek Taraf Extra-Marital Affair Ne Rishton Ko Tod Diya, Wahi Badle Aur Paison Ki Soch Ne Ek Khushhaal Parivaar Ko Hamesha Ke Liye Khatam Kar Diya. Aise Cases Humein Yeh Yaad Dilate Hain Ki Gussa Aur Lalach Kabhi Bhi Insaaf Ka Raasta Nahi Ho Sakte.

AWARENESS.

• Personal Disputes Ko Kabhi Bhi Violence Tak Na Le Jaayein.

• Legal Problems Ka Solution Sirf Kanooni Tareeke Se Hi Nikalna Chahiye.

• Emotional Stress Ya Relationship Issues Mein Trusted Logon YA Counsellor Ki Madad Lena Zaroori Hai.

• Social Media Ya Afwaahon Par Bharosa Karne Ke Bajaye Verified Information Par Hi Vishwas Karein.

DISCLAIMER.

Yeh Article Sirf Informational Aur Awareness Purpose Ke Liye Likha Gaya Hai. Isme Di Gayi Jaankari Public Reports Aur Available Details Par Aadharit Hai. Kisi Bhi Vyakti Ko Doshi Ya Nirdosh Thehrana Sirf Court Ka Adhikar Hai. Readers Se Nivedan Hai Ki Is Content Ko Sirf Awareness Ke Roop Mein Dekhein, Na Ki Legal Advice YA Final Judgement Ke Roop Mein.