Hyderabad Vanasthalipuram Murder Case: Ex-Husband Ne 4 Mahine Ki Pregnant Patni Ka Qatl Kiya – Canada Engineer Ki Khaufnaak Kahani

Hyderabad Ki Ek Shaant Colony Mein Ek Subah Aisi Khabar Pahili Jise Sunte Hi Logon Ke Hosh Udd Gaye, Ek Ghar Ke Andar Se Cheekhen Ki Awaaz, Band Darwaza Aur Bahar Jama Hoti Bheed, Aur Phir Kuch Hi Der Mein Saamne Aayi Ek Aisi Kahani Jisme Pyaar, Dhokha, Talaaq, Aur Badle Ki Aag Sab Kuch Ek Saath Tha,

Jo Rishta Kabhi Sapno Ke Saath Canada Tak Pahuncha Tha, Wahi Rishta Kuch Saalon Baad Khoon Se Range Huwe Ek Kamre Mein Khatam Ho Gaya, Chaar Mahine Ki Garbhavati Mahila, Uska Guzra Huwa Rishta, Aur Ek Aisa Ex-Husband Jo Apni Zindagi Ke Tootne Ka Zimmedar Use Maanta Raha Iss Poori Kahani Ne Shehar Ko Hila Kar Rakh Diya,

Aakhir Kaise Ek Pyaar Bhari Shaadi Se Shuru Huwi Zindagi Itni Khaufnaak Anjaam Tak Pahunchi? Aur Kya Tha Woh Sach Jisne Ek Engineer Ko Qaatil Bana Diya? Iss Poori Ghatna Ko Samajhne Ke Liye Humein Kahani Ko Shuru Se Samajhna Hoga.

Kaise Huwi Sunita Aur Mahesh Ki Pehli Mulaqat? Office Ki Dosti Se Shuru Huwi Love Story

Telangana State Ke Hyderabad City Se Judi Yeh Kahani, Telangana Ke Peddapalli District Ke Manthani Naam Ke Ek Chhote Se Shehar Se Shuru Hoti Hai, Yahan Ek Ladka Rehta Tha Jiska Naam Mahesh Tha, Mahesh Bachpan Se Hi Padhai Mein Kaafi Tez Tha, Mehnat Aur Lagan Se Padhai Karke Woh Engineer Ban Gaya,

Saal 2021 Me Ek Hi Company Me Kaam Karte Waqt Mahesh Aur Sunita Ki Pehli Mulaqat Huwi, Roz Ki Choti-Choti Baatein Dheere-Dheere Dosti Me Badli, Aur Phir Ye Dosti Pyaar Me Tabdeel Ho Gayi, Dono Software Engineer The, Sapne Ek Jaise The,

Aur Isi Wajah Se Unka Rishta Jaldi Gehra Ho Gaya, Jab Mahesh Ne Apne Gharwalon Ko Sunita Ke Baare Me Bataya Aur Sunita Ne Bhi Apne Parivaar Se Baat Ki, To Dono Families Ne Is Rishte Ko Manzoori De Di, Saal 2021 Mein Unki Pehli Mulaqat Se Shuru Huwi, Yeh Love Story AB Shaadi Ki Taraf Badhne Lagi,

Canada Me Lagi Job: Nayi Zindagi Aur Sapno Ka Safar Shuru

Saal 2022 Mein Dono Ne Parivaar Ki Razaa Mandi Se Shaadi Kar Li, Is Shaadi Mein Rishtedaar, Parivaar Wale Aur Jaan-Pehchaan Ke Log Sab Shamil Huwe, Sab Log Is Rishte Se Khush The, Kuch Hi Dino Baad Ek Aur Badi Khushkhabri Mili, Mahesh Ki Canada Mein Job Lag Gayi,

Canada Jaane Se Pehle Usne Apni Wife Sunita Se Wada Kiya, Ki Jald Se Jald Use Bhi Wahan Bula Lega, Woh Canada Pahunch Gaya Aur Wife Ko Bulaane Ke Liye Saari Formalities, Documents Aur Job Process Mein Lag Gaya, Kuch Dino Baad Ek Letter Aaya Sunita Ko Bhi Canada Mein Job Mil Gayi,

Saal 2023 Un Dono Ke Liye Bahut Khoobsurat Shuru Huwa, Ab Dono Ek Saath Foreign Land Par Naye Sapne Lekar Jeene Lage, Lekin Dheere-Dheere Dono Apne-Apne Kaam Mein Busy Ho Gaye Kyun Ki, Companies Alag Thi, Milna Kam Hone Laga Aur Jahan Milna Kam Huwa,

Dono Ke Beech Jhagde Shuru Huwe, Aur Kabhi-Kabhi Mahesh Apni Wife Ke Saath Violent Behaviour Bhi Karne Laga, Saal 2024 Aaya Aur Sunita Ne Alag Rehne Ka Faisla Kar Liya, Usne Kaha Ki Woh Is Tarah Ki Zindagi Nahi JEE Sakti,

Divorce, Nayi Shaadi Aur Passport Ban: Sunita-Mahesh Ki Zindagi Me Aaya Sabse Bada Mod

Woh Canada Ki Job Chhod Kar India Laut Aayi, Aur Seedha Police Station Jaakar Apne Husband Ke Khilaaf FIR Darj Kar Di, Harassment Ke Aarop Lagaye, Kuch Hi Waqt Mein Dono Ka Divorce Ho Gaya, Mahesh Canada Mein Reh Gaya, Aur Sunita India Mein Apni Zindagi Dobara Shuru Karne Lagi,

Isi Dauraan Hyderabad Ke Vanasthalipuram Area Mein Uski Mulaqat Ek Engineer Srinath Se Huwi, Dosti Huwi, Phir Pyaar, Sunita Ne Apni Purani Shaadi Aur Divorce Ki Sachchai Bhi Bata Di, Lekin Srinath Ko Koi Aitraaz Nahi Tha, Dono Ne Shaadi Kar Li Aur Green City Colony Ke Ek Flat Mein Rehne Lage,

Idhar Mahesh Ko Canada Mein Khabar Mili Ki Uski MAA Beemar Hai, Woh Turant India Aaya, Lekin Tab Tak MAA Ki Death Ho Chuki Thi, Antim Sanskar Ke Baad Jab Woh Wapas Canada Jaane Laga, Police Ne Bataya Ki Uske Khilaaf Look-Out Circular Issue Ho Chuka Hai Aur Passport Suspend Ho Gaya Hai,

Yeh Sun Kar Woh Toot Gaya Usse Lagne Laga Ki Uski Zindagi Barbaad Ho Gayi, Aur Is Sab Ke Liye Woh Apni Ex-Wife Ko Zimmedar Maan Raha Tha, Saal 2025 Beetne Laga Mahesh Mental Stress Mein Rehne Laga, Job Nahi Mil Rahi Thi,

60 Din Ki Talaash: Ex-Husband Ne Kaise Dhoonda Sunita Ka Address

Mahesh Social Media Aur Purane Contacts Ki Madad Se Lagbhag 60 Din Tak, Sunita Ki Location Dhundta Raha, Aakhirkar Vanasthalipuram Ki Green City Colony Me Uska Pata Mil Gaya, Sunita December 2025 Me Apne Naye Husband Srinath Ke Saath Reh Rahi Hai,

Mahesh Ne Uske Ghar Ke Paas Hi Ek Room Rent Par Liya, Aur Lagbhag 15 Din Tak Recce Karta Raha, Kaun Kab Aata Hai, Kab Ghar Khaali Hota Hai, Phir 18 February 2026, Subah Lagbhag 11:46 Baje Woh Ek BAG Lekar Sunita Ke Flat Par Pahunch Gaya Doorbell Bajayi,

Sunita Ne Ex-Husband Ko Saamne Dekh Kar Door Kholne Se Mana Kar Diya, Usne Kaha Main Apni Zindagi Mein Khush Hoon, Tum Kyun Aaye Ho? Mahesh Ne Baat Karne Ki Zid Ki, Aakhir Woh Andhar AA Gaya, Baat-Cheet Mein Sunita Ne Bataya Ki Woh 4 Mahine Ki Pregnant Hai, Aur AB Apni Nayi Zindagi Mein Khush Rehna Chahti Hai,

Yeh Sunte Hi Mahesh Ka Gussa Phoot Pada, Usne Kaha Maine MAA Kho Di, Job Kho Di, Sab Tumhari Wajah Se, Dono Ke Beech Teekhi Behas Shuru Ho Gayi, Mahesh Ne Door Andar Se Lock Kar Diya, Sunita Cheekhne Lagi Aur Bahar Log Jama Hone Lage,

Gusse Ne Li Khooni Shakal: Pregnant Sunita Par Hamla

Tab Mahesh Ne Apna BAG Khola Usmein Do Bade Knives, Ek Drill Machine Aur 5 Litre Petrol Tha, Usne Dhamki Di Ki Agar Zyada Hoshiyaari Ki To Sab Kuch Khatam Kar Dega, Lekin Sunita Ne Haar Nahi Maani, Woh Chillati Rahi,

Gusse Mein Mahesh Ne Us Par Hamla Kar Diya, Usne Baar-Baar Chaku Se Vaar Kiya, Sunita Bed Par Gir Gayi, Phir Usne Ek Bada Bartaan Uthakar Uske Sir Par Zor Se Maara, Kuch Hi Der Mein Sunita Ki Maut Ho Gayi,

Bahar Bheed Jama Ho Chuki Thi, Police Ko Call Kiya Gaya, Police Ne Door Todkar Andar Entry Ki Aur Mahesh Bathroom Mein Chhupa Mila, Usse Arrest Kar Liya Gaya, Sunita Ki Body Ko Post-Mortem Ke Liye Bhej Diya Gaya,

Jab Police Ne Poochha Tumne Apni Ex-Wife Ko Kyun Maara, Tab Mahesh Ne Shuru Se Lekar Aakhir Tak Poori Kahani Suna Di,

LEGAL SECTION.

Is Mamle Me Police Ne Aaropi Ke Khilaaf IPC Ki Kai Gambhir Dharaen Lagayi Hain, Jinme Section 302 (Murder), 452 (Ghar Me Ghuskar Hamla) Aur 506 (Dhamki) Shamil Hain. Filhaal Police Case Ki Gehraai Se Jaanch Kar Rahi Hai.

CONCLUSION.

Yeh Poori Kahani Sirf Ek Crime Story Nahi, Balki Ek Sakht Sabak Bhi Hai. Jab Rishton Mein Trust Toot Jata Hai Aur Gusse Ko Sach Se Zyada Importance Di Jati Hai, Tab Faisle Insaan Ko Andhere Raste Par Le Jaate Hain. Ek Pal Ka Junoon Na Sirf Ek Zindagi Khatam Karta Hai, Balki Kai Parivaaron Ko Hamesha Ke Liye Tod Deta Hai.

Har Situation Ka Solution Hinsa Nahi Hota Kanooni Aur Samajik Raaste Hamesha Khule Hote Hain. Zaroori Hai Ki Emotional Stress, Relationship Conflict YA Mental Pressure Ke Waqt Log Madad Maange, Baat Karein Aur Sahi Decision Lein.

AWARENESS DISCLAIMER.

Yeh Article Sirf Jaankari Aur Awareness Ke Liye Tayyar Kiya Gaya Hai. Isme Diye Gaye Facts Police Investigation Aur Available Reports Par Aadharit Hain. Court Ka Final Faisla Aane Tak Kisi Bhi Vyakti Ko Doshi Ya Nirdosh Maanna Kanooni Roop Se Sahi Nahi Hota. Hamara Uddeshya Kisi Ki Chhavi Ko Nuksaan Pahunchana Nahi, Balki Samaj Ko Jagruk Karna Hai Taaki Log Aise ghatanaon Se Sabak Lein Aur Hinsa Se Door Rahein.