Tamil Nadu Custody Murder Case: Pita-Bete Par Police Torture, 9 Police Karmiyon Ko Maut Ki Saza

Tamil Nadu Ki Ek Court Me Us Waqt Sannata Chha Gaya Jab Judge Ne9 Police Walon Ko Maut Ki Saza Suna Di, Ye Faisla Ek Aise Khaufnaak Case Me Aaya Jahan Custody Me Pita-Beta Ko Itni Berahmi Se Torture Kiya Gaya Ki Dono Ki Jaan Chali Gayi, 6 Saal Baad Aaye Is Faisle Ne Poore Desh Ko Hila Kar Rakh Diya,

Madurai Ki Court Ke Andar Ek Judge The, Muthu Kumaran, Unki Court Me Sunwai Chal Rahi Thi Aur Dock Me 9 Police Wale Khade The, In 9 Police Walon Me Ek Inspector, Do Sub-Inspectors, Do Head Constables Aur Chaar Constables Shamil The,

Judge Ne Unme Se Ek Police Wale Ki Taraf Dekh Kar Kaha, “Tum Shayad Ye Soch Rahe Hoge Ki Tumhe 14 Saal Ki Saza Milegi Aur Uske Baad Tum Apni Zindagi Phir Se JEE Paoge, Lekin Aisa Bilkul Nahi Hoga. Court Ne Faisla Sunaya Ki IN Sabhi Police Walon Ko Maut Ki Saza Di Jaati Hai, Unhe Phansi Par Latkaya Jayega Jab Tak Unki Jaan Na Nikal Jaye.

Phir Judge Ne Aur Bhi Sakht Shabdon Me Kaha Ki Unhe Ek Baar Nahi, Balki Do Baar Phansi Di Jaye, Taaki Ye Ensure Ho Sake Ki Wo Poori Tarah Mar Chuke Hain, Kyunki Unhone Ek Nahi, Balki Do Jurm Kiye Hain Aur Dono Jurmon Ke Liye Alag-Alag Maut Ki Saza Di Jayegi.

Darasal Ye Kahani 10 Police Walon Ki Hai Inhone Ek Baap Aur Bete Ko Custody Me Liya Tha Aur Unke Saath Itni Berahmi Se Torture Kiya Ki Dono Ki Maut Ho Gayi, Baad Me Un 10 Me Se Ek Sub-Inspector Ki Corona Se Maut Ho Gayi, Lekin Baaki Bache 9 Police Walon Ko Court Ne Maut Ki Saza Suna Di,

Ek Lafz Pada Bhaari Police Ne Pita Ko Uthaya Station

Us Waqt Lockdown Ka Phase Chal Raha Tha Aur Sarkar Ki Taraf Se Strict Orders Diye Gaye The, Ki Log Ghar Se Bahar Na Niklein, Sirf Essential Shops Hi Khuli Rahengi, Baaki Sab Band Rahenge, Tamil Nadu Ke Tuticorin District Me Ek Police Station Hai Sathanokulam Isi Area Me Kamaraj Chowk Aata Hai,

Ek Din Police Ko Patrolling Team Kamaraj Chowk Se Guzar Rahi Thi, Tab Unhone Dekha Ki Ek Mobile Shop Khuli Huwi Hai, Us Shop Ke Malik The 59 Saal Ke Jayaram, Unke Paas Ek Customer Bhi Khada Tha, Customer Ne Dheere Se Kaha, Police AA Rahi Hai, Shutter Thoda Neeche Kar Lo, Warna Problem Ho Jayegi,

Lekin Jayaram Thoda Gusse Me AA Gaye Unhone Kaha, In Police Walon Ko Mere Saamne Bolne Ki Zarurat Nahi Hai, Ye Chor Hain, Dakait Hain Kaunsa Crime Hai Jo Ye Nahi Karte, Wo Gusse Aur Jazbaat Me Ye Baat Keh Gaye, Unhe Ye Andaza Nahi Tha Ki Unki Ye Baat Police Tak Pahunch Jaayegi,

Aur Jab Ye Baat Police Tak Pahunchi To Aur Bhi Badha-Chadha Kar Pahunchi, Inspector Sridhar Ka Ego Hurt Ho Gaya Aur Wo Bahut Gusse Me AA Gaya, 19 June 2020 Ki Shaam Lagbhag 7:30 Baje, Jab Police Ki Patrolling Team Dobara Nikli, To Unhe Yaad Dilaya Gaya Ki Ye Wahi Aadmi Hai Jo Police Ke Khilaaf Bolo Raha Tha,

Police Seedha Us Shop Me Gayi, Jayaram Ko Pakad Kar Zabardasti Bahar Nikala Aur Police Station Le Aayi, Shuru Me Use Baithaya Gaya, Lekin Thodi Der Baad Jayaram Ke Bete Venix Ko Is Baat Ki Khabar Mil Gayi, Wo Turant Police Station Pahunch Gaya Aur Pucha, Mere Pita Ne Kya Jurm Kiya Hai Jo Aapne Unhe Yahan Rakha Hai,

Police Ne Jawab Diya Ki Unhone Lockdown Rules Tod Kar Shop Zyada Der Tak Khuli Rakhi Aur Pehle Bhi Unhe Warn Kiya Gaya Tha, Saath Hi Ye Bhi Kaha Ki Woh Zyada Bakwaas Kar Rahe The, Itna Kehne Ke Baad, Police Walon Ne Bete Ke Saamne Hi Pita Ko Peetna Shuru Kar Diya,

Lockup Ke Andar Pita-Beta Par Toot Pada Zulm

Jaise Hi Police Wale Pita Ko Maar Rahe The Beta Bhi Gusse Me AA Gaya, Usne Kaha Itna Bada Kya Jurm Kiya Hai Jo Aap Bina Wajah Itni Pitai Kar Rahe Ho, Agar Shop Thodi Der Zyada Khuli Reh Gayi, To Ye Koi Itna Bada Crime Nahi Hai, Ye Sunte Hi Police Aur Zyada Bhadak Gayi, Ab Tak Sirf Pita Ko Pakda Gaya Tha,

Lekin Ab Bete Ko Bhi Kheench Kar Lockup Ke Andar Le Jaya Gaya, Lockup Ke Andar Dono Pita Aur Beta Ko Berahmi Se Peeta Ja Raha Tha, Wahan Lagbhag 10 Police Wale The, Aur Jo Bhi Aata Wo Bhi Unpar Haath Saaf Karta, Bahaar Khade Parivaar Walon Ko Bhi Is Baat Ka Pata Chal Gaya,

Wo Police Station Ke Andar Aane Ki Koshish Kar Rahe The, Lekin Unhe Gate Par Hi ROK Diya Gaya, Unse Pucha Gaya, Tum Log Yahan Kyun Aaye Ho, Unhone Kaha Hum Jayaram Aur Venix Ke Liye Aaye Hain, Unhe Chhod Do, Police Ne Unhe Samjhaya Aur Kaha, Tum Log Ghar Jao, Hum Unhe Chhod Denge,

Lekin Parivaar Wale Bahar Hi Ruke Rahe Intezaar Karte Rahe, Poori Raat Guzar Gayi Lekin Andar Kya Ho Raha Tha, Iska Kisi Ko Andaza Nahi Tha Police Wale Pita Aur Bete Ko Itni Berahmi Se Maar Rahe The, Ki Unke Kapde Tak Uttar Diye Gaye, Sirf Underwear Me Unhe Ulta Lita Kar Table Par Rakha Gaya Aur Phir Dandon Se Unki Pitai Ki Gayi,

Unke Hips Peeth Aur Pairon Par Lagataar Vaar Kiye Gaye, Unhe Hilne Tak Nahi Diya Ja Raha Tha, Kisi Ne Haath Pakda Huwa Tha, Kisi Ne Pair Ye Sab Dekh Kar Bhi Koi Rokne Wala Nahi Tha, Bahar Parivaar Wale Bas Ye Soch Kar Baithe The, Ki AB Chhod Denge, AB Chhod Denge, Lekin Andar To Insaniyat Ki Had Paar Ho Rahi Thi,

Raat Bhar Ye Zulm Chalta Raha Jab Unke Sharir Se Khoon Behne Laga Aur Zameen Par Fail Gaya, Tab Police Walon Ne Thodi Der Ke Liye Rest Liya, Aur Phir Unhe Hi Kaha, Jitna Khoon Zameen Par Gira Hai Use Saaf Karo Aur Bina Awaaz Ke Saaf Karo, Jitna Chup-Chap Safai Karoge, Utna Hi Tumhare Liye Achha Hoga

Pehle Beta Phir Pita Custody Me Khatam Huwi Kahani

Agar Chillane Ki Koshish Ki To Phir Se Wahi Pitai Shuru Ho Jayegi, Aisi Dhamki Sun Kar Pita Aur Beta Darr Gaye, Wo Samajh Gaye Ki Unhe Bachane Wala Koi Nahi Hai, Jo Log Bahar Unke Liye Intezaar Kar Rahe The, Wo Bhi Kuch Kar Nahi Paa Rahe The, Dono Ne Zameen Par Phela Huwa Khoon Saaf Kiya, Safai Ke Baad Unhone Apne Kapde Pehne,

Lekin Sharir Se Behne Wala Khoon Ruk Nahi Raha Tha, Kapde Bhi Dheere-Dheere Khoon Se Bheegne Lage, Subah Hote Hi Safai Karamchari Ko Bulaya Gaya Aur Poori Jagah Ko Saaf Aur Sanitize Kar Diya Gaya, Jab Pita Aur Bete Ko Hospital Le Jaya Ja Raha Tha, Tab Bahar Khade Parivaar Walon Ne Dekha Ki Bete Ki Pant Poori Tarah Khoon Se Bheegi Huwi Thi,

Aur Pita Ki Dhoti Ka Rang Bhi Khoon Ki Wajah Se Badal Chuka Tha, Unhe Samajh AA Gaya Ki Andar Kya Huwa Hoga, Lekin Wo Majboor The, Kuch Kar Nahi Paaye, Hospital Me Dikhane Ke Baad Unhe Fit Declare Kar Diya Gaya, Aur Kaha Gaya Ki AB Unhe Court Me Present Karna Hoga, Us Waqt Corona Ka Darr Itna Tha Ki Log Ek Dusre Ke Paas Aane Se Bhi Ghabra Rahe The,

Court Ki Proceedings Bhi Alag Tareeke Se Ho Rahi Thi, Judge First Floor Par The, Aur Neeche Police Ne Pita-Beta Ko Chaaron Taraf Se Gher Rakha Tha, Judge Sirf Unka Upar Ka Hissa Dekh Pa Rahe The, Neeche Ka Sharir Police Walon Ne Chhupa Diya Tha, Is Wajah Se Unki Choton Ke Nishaan, Khoon Aur Unki Asli Haalat Judge Ko Nazar Hi Nahi Aayi,

Uske Baad Unhe Jail Bhej Diya Gaya 20 June 2020 Ko Unhe Kovilpatti Jail Me Rakha Gaya, Pehli Raat Hi Unki Tabiyat Kharab Hone Lagi 22 June Ko Beta Venix Ki Haalat Itni Kharab Ho Gayi Ki Use Government Hospital Le Jaya Gaya, Raat Lagbhag 9 Baje Khabar Aayi Venix Ki Maut Ho Gayi,

Pita Ki Haalat Bhi Bahut Serious Thi Unhe Bhi Hospital Le Jaya Gaya, Lekin 23 June 2020 Ki Subah Unhone Bhi Dam Tod Diya, Is Tarah Pehle Beta Aur Phir Pita Dono Ki Zindagi Khatam Ho Gayi Police Custody Ke Andar Huwe Zulm Ki Wajah Se, Ye Khabar Aag Ki Tarah Poore Shehar Aur Ilaake Me Phail Gayi, Parivaar Walon Ne Jab Poori Kahani Logon Ko Batayi, To Logon Ka Gussa Phoot Pada,

Andolan Ke Baad CBI Jaanch Aur Lambi Kanooni Ladai Shuru

Vyapariyon Ko Jaise Hi Pata Chala Unhone Apni Dukaanen Band Kar Di, Aur Protest Shuru Ho Gaye, Lockdown Ka Time Tha Log Ek Dusre Se Milne Se Bhi Darte The, Corona Ka Khauf Tha Lekin Gussa Itna Zyada Tha Ki Log Sadkon Par Utar Aaye Aur Police Ke Khilaaf Zor-Daar Andolan Shuru Ho Gaya,

Dheere-Dheere Ye Maamla National News Ban Gaya, Koi Bhi Newspaper YA Social Media Platform Aisa Nahi Tha Jahan Is Baap-Bete Ki Kahani Na Chal Rahi Ho, Isse Sarkar Par Bhi Pressure Badhne Laga, Kyunki Aarop Police Par Hi The, Isliye Investigation CBCID Ko De Di Gayi,

CBCID Jab Is Case Ki Jaanch Kar Rahi Thi, Tab 24 June 2020 Ko Madras High Court (Madurai Bench) Ne Is Maamle Ka Suo Motu Cognizance Liya Court Ne Kaha Ki Is Case Ki Jaanch CBI Karegi, 28 June 2020 Ko Case CBI Ko Transfer Kar Diya Gaya, CBI Ne Investigation Shuru Ki Aur FIR Register Ki Gayi,

• Is FIR Me Inspector S. Sridhar, Sub-Inspectors P. Raghu Ganesh, K. Balakrishnan Aur Paludurai, Do Head Constables S. Murugan Aur A. Samadurai, Aur Chaar Constables S. Chelladurai, X. Thomas Francis, S. Vel Muthu Aur M. Madhuraja Ke Naam Shamil The.

Kul Mila Kar 10 Police Walon Ke Khilaaf Case Darj Huwa, Sabse Pehle Unhe Suspend Kiya Gaya, Phir Arrest Karke Jail Bhej Diya Gaya, Is Dauraan August 2020 Me Ek Sub-Inspector Paludurai Ki Corona Se Maut Ho Gayi, Ab 10 Me Se 9 Police Wale Bach Gaye,

CBI Apni Investigation Jaari Rakhi 25 September 2020 Ko Chargesheet File Ki Gayi, Iske Baad 18 February 2021 Se Trial Shuru Huwa, Lekin Trial Shuru Hone Ke Baad Bhi Case Baar-Baar Delay Hota Raha Hearings Talti Rahi Aur Ye Silsila 2021 Se Lekar 2025 Tak Chalta Raha,

6 Saal Baad Mila Insaaf 9 Police Walon Ko Maut Ki Saza

Kaafi Samay Tak Is Case Me Sunwai Lagbhag Ruk Si Gayi Thi, Mamla Dheere-Dheere Latakta Raha, Phir July 2025 Me Ek Bada Mod Aaya Is Case Ke Main Accused Ne Court Me Kaha Ki Woh Government Witness Banna Chahta Hai, Usne Kaha Ki Woh Us Raat Ki Poori Sachchai Batayega,

Lekin Court Ne Uski Petition Sunne Ke Baad Use Reject Kar Diya, Court Ne Saaf Kaha Ki Tum Poori Tarah Zimmedar Ho, Tum Police Station Ke In-Charge The, Sab Kuch Tumhare Control Me Tha, Agar Tum Chahte To Pita Aur Bete Ki Jaan Bach Sakti Thi,

Isliye Court Ne Kaha Ki Tum Apni Zimmedari Se Bachne Ke Liye Government Witness Banna Chahte Ho Jo Ki Mumkin Nahi Hai, Iske Baad November 2025 Me Court Ne Order Diya Ki Is Case Ka Trial 3 Mahine Ke Andar Complete Kiya Jaye,

Phir Lagataar Hearings Hone Lagi, 23 March 2026 Ko Session Court Ne Sabhi Police Walon Ko Doshi (Guilty) Karar Diya, Is Dauraan Ek Female Constable Ne Court Me Us Raat Ki Poori Kahani Bayan Ki, Uski Gawahi Sun Kar Court Aur Wahan Maujood Log Hairaan Reh Gaye,

Investigation Ke Dauraan Lagbhag 2400+ Pages Ki Detailed Report Taiyaar Ki Gayi Thi, Jise Court Me Pesh Kiya Gaya, Judge Bhi Ye Sab Sun Kar Hairaan Reh Gaye Ki Jo Log Rakshak Hote Hain, Wo Bhakshak Kaise Ban Gaye,

6 April 2026 Ko Judge Muthu Kumaran Ne Final Faisla Sunaya, Isse Pehle Unhone Central Government Aur Tamil Nadu Government Se Bhi Rai Li Thi, Dono Taraf Se Ye Kaha Gaya Ki Is Case Me Maximum Punishment Di Jaani Chahiye,

Is Case Ko Rarest OF The Rare Category Me Rakha Gaya, Aur Phir 9 Police Walon Ko Maut Ki Saza Suna Di Gayi.

• (Judge Ne Kaha) Tum Soch Rahe Hoge Ki Tum Bach Jaoge Lekin Aisa Nahi Hoga, Tumhe Ek Nahi, Balki Do Baar Phansi Di Jayegi Pehle Pita Ke Jurm Ke Liye, Phir Bete Ke Liye.

Jaise Hi Ye Faisla Aaya Ye Khabar Social Media Par Tezi Se Viral Ho Gayi, Har Koi Is Case Ke Baare Me Jaana Chahta Tha, Logon Ko Is Baat Ka Dukh Bhi Huwa Ki Jin Police Walon Par Suraksha Ki Zimmedari Hoti Hai, Wahi Kabhi-Kabhi Zulm Kar Dete Hain,

Lekin Ye Bhi Sach Hai Ki HAR Police Wala Aisa Nahi Hota, Kai Police Wale Imaandari Se Apna Farz Nibha Rahe Hote Hain, Is Case Ne Ek Bada Sawal Khada Kiya

Power Ka Misuse Kitna Khatarnaak Ho Sakta Hai.

Authorities Ne Bhi Kaha Ki Is Dardnaak Ghatna Ko Kabhi Repeat Nahi Hone Diya Jayega, Ye Ek Aisi Kahani Hai Jo Sirf Crime Nahi, Balki System, Power Aur Insaniyat Par Bhi Sawal Uthati Hai,

CONCLUSION.

poori kahani se ek bahut badi sachchai saamne aati hai jab power galat haathon me chali jati hai, to insaniyat sabse pehle mar jaati hai. Ek chhoti si baat, ek chhota sa jhagda lekin uska anjaam itna bhayanak hoga, ye kisi ne nahi socha tha. Jahan kanoon ki raksha karne wale log hi kanoon todne lagte hain, wahan aam insaan ke liye nyay paana aur bhi mushkil ho jata hai Lekin is case ne ye bhi sabit kiya ki der se hi sahi, lekin nyay milta zaroor hai. Chahe kitni bhi taqat ya position kyu na ho, kanoon se koi upar nahi hota.Ye ghatna sirf ek crime story nahi hai, balki ek warning hai ki hume apni zimmedariyon ko samajhna hoga, power ka sahi istemal karna hoga aur har halat me insaniyat ko zinda rakhna hoga. Aakhir me, un nirdosh logon ke liye ek hi baat unka dard aur unke saath hua anyaay kabhi bhulaya nahi ja sakta. Nyay mila, lekin jo kho gaya wo kabhi wapas nahi aayega.

AWARENESS.

Ye case hume ek bahut badi seekh deta hai power aur authority ka misuse kitna khatarnaak ho sakta hai. Police ya kisi bhi authority ka kaam hume protect karna hota hai, lekin jab wahi power galat tareeke se use hoti hai, to nuksaan sirf ek vyakti ka nahi, poore samaj ka hota hai. Har insaan ko apne rights ke baare me jaankari hona bahut zaroori hai. Agar kisi ke saath galat ho raha hai, to chup rehna solution nahi hai. Awaaz uthana aur legal madad lena zaroori hai. Saath hi, system me accountability aur transparency hona bhi utna hi zaroori hai, taaki koi bhi apni power ka galat istemal na kar sake. Aur sabse important hume apni society me insaniyat ko zinda rakhna hoga. Gussa, ego ya power kabhi bhi insaaniyat se bada nahi hona chahiye. Aaj ka message simple hai: Nyay ke liye awaaz uthao, aur galat ke khilaaf kabhi chup mat raho.”

DISCLAIMER.

Is article me di gayi jaankari vibhinna news reports, public sources aur research par aadharit hai. Iska uddeshya sirf jankari dena aur awareness phailana hai, kisi vyakti, samudaay ya sanstha ki bhavnaon ko thes pahunchana nahi hai. Is content ka maksad kisi bhi tarah se hinsa, nafrat ya gair-kanooni gatividhiyon ko badhava dena nahi hai. Article me bataye gaye tathya aur vichar sirf educational aur informational purpose ke liye hain. Readers se nivedan hai ki kisi bhi faisle ya nateeje par pahunchne se pehle adhikarik sources aur kanooni jaankari ki pushti zaroor karein. Agar kisi vyakti ya paksh ko is content se koi aapatti ho, to wo humse sampark kar sakte hain hum turant uchit kadam uthayenge.