Delhi Crime News: 35 Saal Purana Murder Case Solve, Farar Aaropi Aakhirkar Girftar
Delhi Police Ne 35 Saal Purane Ek Murder Case Ko Clear Kar Liya Hai, Is Mamle Me Lambe Samay Se Farar Chal Rahe Aaropi Ko Ab Giraftar Kar Liya Gaya Hai,
Yeh Ghatna 2 August 1991 Ki Hai Jab Vinod Nagar Me Ek Ghar Par Achanak Hamla Huwa Tha, Police Ko PCR Call Mili Thi Jiske Baad Police Team Turant Mauke Par Pahunchi.
Police Ke Mutabik Ghar Ke Andar Ek Mahila Par Tez Hathiyar Se Vaar Kiya Gaya Tha, Jisse Unki Maut Ho Gayi, Unka Beta Bhi Is Hamle Me Gambhir Roop Se Ghayal Ho Gaya Tha, Usse Turant Hospital Le Jaya Gaya Tha, Ilaaj Ke Baad Beta Bach Gaya.
Is Case Ka Aaropi Chhavi Lal Verma Bataya Gaya Hai, Ghatna Ke Samay Woh Us Mahila Ke Ghar Me Kirayedar Tha Aur Us Waqt Uski Umar Lagbhag 25 Saal Ka Tha.
Police Ke Mutabik Aaropi Ko Lagta Tha Ki Ghar Me Kaafi Paise Hain, Kyunki Mahila Ka Pati Videsh Me Rehta Tha, Isi Wajah Se Usne Loot Ke Iraade Se Hamla Kiya, Jab Mahila Aur Uske Bete Ne Virodh Kiya, To Aaropi Ne Dono Par Hamla Kar Diya Aur Wahan Se Farar Ho Gaya.
Ghatna Ke Baad Aaropi Kai Saalon Tak Police Se Bachta Raha, 1996 Me Use Court Ne Proclaimed Offender Ghoshit Kar Diya Tha. Crime Branch Ne Is Purane Case Ko Dobara Khola Aur Ek Special Team Banayi,
Police Team Ne 6 Mahine Tak Lagataar Investigation Karti Rahi,
- Purane Records Check Kiye
- Aaropi Ke Purane Contacts Trace Kiye
- Uttar Pradesh Ke Sultanpur Aur Dusre Ilaakon Me Investigation Ki
Jaanch Me Pata Chala Ki Aaropi Kai Shehron Me Chhupa Raha,
Kolkata Mumbai Nagpur Goa
Baad Me Woh Punjab Me Settle Ho Gaya Tha Aur Apni Pehchaan Baar-Baar Badalta Raha,
Lambi Talaash Ke Baad Police Ne Aakhirkaar Aaropi Ko Giraftar Kar Liya Hai. Ab Is Mamle Me Aage Ki Kanooni Karwai Chal Rahi Hai.
CONCLUSION.
35 saal purane is murder case ka sulajhna Delhi Police ke liye ek badi safalta hai. Isse yeh sabit hota hai ki kanoon se koi bhi lambe samay tak bach nahi sakta.
DISCLAIMER.
Yeh jankari media reports aur police ke bayan par aadharit hai. Aage ki jaanch me tathya badal sakte hain