Indian Girl Harleen Kaur Murder Case IN America Hotel Room Black Magic Mystery
Harleen Kaur Ek Indian Ladki Jo America Ke Ek Hotel Room Me Ek Private Client Service Call Karti Hai, Wahan Se Wo Ek Aadmi Ko Bulati Hai, Jiska Kaam Hota Hai Use Khush Rakhna, Lekin Ek Subah Sab Kuch Badal Jata Hai,
Us Aadmi Ne Achanak 911 Par Call Kiya Aur Kaha Ki Yahan Ek Bahut Bada Crime Ho Gaya Hai, Usne Turant Police Aur Paramedics Ko Bhejne Ko Bolta Hai, Uski Awaaz Se Lag Raha Tha Ki Wo Panic Me Hai,
Police Jaise Hi Hotel Room Ke Andar Pahunchi, Unke Hosh Udd Gaya, Room Ke Andhar Ek Ladki Zameen Par Padi Huwi Thi, Har Taraf Samaan Bikhra Huwa Tha, Scene Itna Daraawna Tha Ki Dekh Kar Hi Samajh AA Raha Tha, Yahan Kuch Bahut Hi Khaufnaak Huwa Hai,
Jab Police Officer Room Me Enter Huwa To Woh Ye Sab Dekh Kar Control Nahi Kar Paaya Aur Usse Ulti AA Gayi, Room Ke Andar Ek Ajeeb Sa Setup Bana Huwa Tha, Black Magic Jaisa Mahaul Strange Cheezein, Aur Ek Ajeeb Si Murti Wahan Rakhi Huwi Thi,
Police Ko Samajh Nahi AA Raha Tha Ki Us Ladki Ke Saath Aisa Kya Huwa Tha, Ki Uski Halat Itni Kharab Ho Gayi, Us Waqt Room Me Sirf Do Log The Ek Harleen Kaur Aur Doosra Ek Aadmi Jiska Naam Tha Akshi Cubic,
Akshi Cubic Ek Indian Background Ka Aadmi Tha, Jo America Me Apne Ek Show Ki Wajah Se Kaafi Popular Tha, Lekin Ab Uske Saamne Ek Aisa Crime Ho Chuka Tha, Jo Sabko Hila Dene Wala Tha, AB Sabse Bada Sawaal Ye Tha Us Raat Hotel Room Me Asal Me Huwa Kya Tha, Aur Sabse Important Is Khaufnaak Crime Ke Peeche Kaun Tha?
Ek Shaant Aur Introvert Ladki Harleen Kaur Ka Background
Harleen Kaur Tulle Ek Ameer Indian Ladki Thi Jo America Ke California Me Rehti Thi, Uska Parivaar Kaafi Padha-Likha Aur Well-Educated Tha, Uske Pita Ek Aerospace Engineer The, Jabki Uski Maa Ne University Se Do Degrees Hasil Ki Thi, Isse Aap Andaza Laga Sakte Ho Ki Harleen Bhi Padhai Me Kitni Intelligent Thi,
Lekin Harleen Ke Baare Me Ek Baat Bahut Alag Thi,
Wo Bahut Zyada Shaant Rehti Thi
Kisi Se Zyada Baat Nahi Karti Thi
Ek Typical Introvert Personality Thi
Jab Uski Badi Behen Aman Apni Padhai Ke Liye Doosre Shehar Chali Gayi, To Harleen Uski Yaad Me Kai Dino Tak Roti Rahi, Is Baat Se Ye Clear Tha Ki Wo Bahut Emotional Aur Sensitive Ladki Thi, Samay Ke Saath Harleen Ne Apni Padhai Complete Kar Li Ek Din Usne Apne Family Se Kaha,
- Agar Main ISI Tarah Ghar Me Band Rahi, To Main Kabhi Apni Life Explore Nahi Kar Paungi.
Usne Permission Maangi Aur Las Vegas Shift Hone Ka Faisla Liya, Kuch Hi Dino Me Wo Wahan Chali Gayi, Las Vegas Pahunchne Ke Baad Usne Apni Life Ka Ek Naya Chapter Start Kiya, Usne Apne Body Aur Fitness Par Kaam Karna Shuru Kiya,
Harleen Ne Apne Ghar Ke Paas Ek Famous Gym Join Kiya, Jahan Uska Personal Trainer Tha Nick Lewis. Nick Uski Routine, Uski Personality Aur Uski Progress Sab Kuch Samajhne Laga, Kuch Hi Mahino Me Harleen Ka Confidence Kaafi Badh Gaya, Jo Ladki Pehle Logon Se Baat Karne Me Hesitate Karti Thi, Ab Wo Dheere-Dheere Change Hone Lagi,
Nick Ke Kehne Par Harleen Ne Ek Bada Decision Liya, Wo Khud Ek Gym Trainer Ban Gayi.
Yahan Sabse Interesting Baat Ye Thi Ki:
- Jo Ladki Pehle Introvert Thi
- Logon Se Milne Se Darti Thi
Wahi AB Roz Naye Logon Se Mil Rahi Thi, Unhe Train Kar Rahi Thi
Harleen Ko Lagne Laga Ki AB Uski Life Sahi Direction Me Ja Rahi Hai, Shayad AB Sab Kuch Easy Ho Jayega Lekin Use Bilkul Bhi Andaza Nahi Tha Ki Uski Life Jaldi Hi Ek Aise Mod Par Aane Wali Hai, Jo Sab Kuch Badal Dega,
Dosti Se Shuru Hua Rishta Dheere-Dheere Gehra Huwa
Aur Jis Kaam Ke Liye Harleen Yahan Aayi Thi, Wo Dheere-Dheere Shuru Ho Chuka Tha. Sab Kuch Normal Chal Raha Tha, Lekin Phir Achanak Duniya Badal Gayi.
Ek-Do Saal Beet Gaye Aur Phir Woh Waqt Aaya Jab Poori Duniya Lockdown Me Chali Gayi, Harleen Bhi Apne Ghar Me Band Ho Kar Reh Gayi, Dheere-Dheere Ye Tanhaai Aur Bandish Us Par Asar Karne Lagi, Wo Mental Pressure Me Jaane Lagi,
Phir Ek Din Usne Faisla Liya Ab Main Is Tarah Ghar Me Band Nahi Reh Sakti, Usne Ek Hotel Room Book Kiya, Wahan Se Usne Ek Private Client Service Call Ki, Kuch Hi Der Me Ek Aadmi Wahan Aaya, Jiska Naam Tha Akshi Cubic,
Akshi Bhi Indian Background Se Tha Lekin Us Waqt Wo Sirf Ek Kaam Ke Liye Wahan Aaya Tha, Harleen Ko Khush Karna, Us Raat Dono Ne Saath Waqt Bitaya, Aur Uske Baad Dono Ke Beech Numbers Exchange Ho Gaye, Dheere-Dheere Dono Ke Beech Baat-Cheet Badhne Lagi Aur Wo Dost Ban Gaye,
Lekin Akshi Ka Past Bilkul Saaf Nahi Tha Uska Family Background Theek Tha, Uske Maa-Baap India Me Teachers The, Lekin Akshi Unse Bilkul Alag Raasta Chun Chuka Tha,
Chhoti Umar Me Hi Wo Miami Shift Ho Gaya, Wahan Usne Apni Body Banayi Aur Ek Popular American Show “Galileo” ME Kaam Karne Ka Mauka Mila, Is Show Ke Baad Woh Kaafi Famous Ho Gaya, Khaaskar Ladkiyon Ke Beech Log Use Ek Naam Se Jaante The, Ash Armor
Lekin Jaise Hi Show Band Huwa Uski Zindagi Bhi Dheere-Dheere Girne Lagi, Jo Paisa Kamaya Tha, Sab Uda Diya, Mehngi Gaadiyan Bada Ghar Party Aur Lavish Lifestyle, Aur Phir Ek Din Sab Khatam Ho Gaya, Paise Zero.
Isi Beech Ek Company Uske Paas Aayi Jiska Naam Tha “Cowboys For Angels” Ye Ek Aisi Service Thi Jahan Log Paise Dekar Kisi Aadmi Ko Hire Karte The Sirf Kuch Ghanton Ke Liye Companionship Ke Liye, 2 Ghante Ke Badle $800 Milte The, Paise Ki Tangi Me Akshi Ne Ye Kaam Accept Kar Liya, Ab Wo Paise Ke Badle Ladkiyon Ko Khush Karne Laga,
Aur ISI Dauraan Saal 2020 Me Uski Mulaqat Huwi Harleen Kaur Se Harleen Ko Bilkul Andaza Nahi Tha Ki Jis Aadmi Ko Wo Apna Dost Bana Rahi Hai Woh Ek Bilkul Alag Hi Duniya Me Jeeta Hai,
Akshi Cubic Ek Normal Insaan Nahi Tha Wo Khud Ko “Special” Samajhta Tha, Use Lagta Tha Ki Wo Black Magic Jaanta Hai, Wo Bhoot-Pret Ko Control Kar Sakta Hai, Aur Kisi Bhi Insaan Par Lagi Buri Shadow Ko Hata Sakta Hai, Uski Soch Dheere-Dheere Ek Dangerous Aur Ajeeb Direction Me Ja Rahi Thi,
Depression Se Dosti Tak: Kaise Harleen Kaur Phans Gayi Ek Khaufnaak Jaal Me
Aur Shayad Yahin Se Shuru Hone Wali Thi Ek Aisi Kahani, Jo Aage Chal Kar Ek Khaufnaak Crime Me Badalne Wali Thi,
Harleen Kaur Us Waqt Kaafi Depression Me Thi, Use Samajh Nahi AA Raha Tha, Ki Wo Apni Life Me Kya Kare, Lekin Doosri Taraf Jab Uski Mulaqat Akshi Se Huwi, To Dheere-Dheere Dono Ke Beech Dosti Ho Gayi, Thode Hi Waqt ME Dono Ne Ek Trip Ka Plan Kiya, Harleen Jo Kaafi Time Se Ghar Me Band Thi, Bahar Jaana Chahti Thi, Isliye Usne Turant Haan Kar Diya,
Dono Saath Me Cuba Trip Par Gaye Wahan Unhone Kaafi Enjoy Kiya Aur Kaafi Time Baad Harleen Ko Sach Me Khushi Mehsoos Huwi, Trip Ke Baad Akshi Wapas Apne Ghar AA Gaya, Wahan Jaakar Woh Apni Girlfriend Se Mila, Jiske Saath Wo Kaafi Saalon Se Reh Raha Tha. Usne Apni Girlfriend Ko Bataya Ki Usne Harleen Ke Saath Bahut Achha Time Spend Kiya, Aur Ab Wo Aage Bhi Harleen Ke Saath Rehna Chahta Hai,
Ye Baat Sunte Hi Uski Girlfriend Ne Usse Breakup Kar Liya, Lekin Us Waqt Uske Paas Rehne Ke Liye Koi Jagah Nahi Thi, Isliye Wo Kuch Din Ke Liye Usi Ghar Me Ek Alag Room Me Rehne Lagi, Doosri Taraf Akshi Aur Harleen Ki Mulaqatein Badhne Lagi, Kabhi Harleen Ke Ghar, Kabhi Akshi Ke Ghar,
Dheere-Dheere Harleen Ki Zindagi Normal Hone Lagi, Wo Khush Rehne Lagi Aur Apni Badi Behen Aman Ko Call Par HAR Baat Share Karti Thi, Aaj Kya Kiya, Kya Pasand Aaya, Kahan Gayi, Harleen Ko Lagne Laga Ki Akshi Ne Use Depression Se Bahar Nikalne Me Help Ki Hai,
Isliye Woh Bhi Uske Liye Kuch Karna Chahti Thi, Jab Bhi Akshi Ghar Se Bahar Jaata, Harleen Uske Ghar Par Jaakar Uske Dog Ka Khayal Rakhti Thi, Phir Aati Hai Wo Raat Jis Raat Ek Bada Crime Hone Wala Tha, Us Raat Se Ek Din Pehle Akshi Ne Apni Ex-Girlfriend Se Ek Ajeeb Baat Kahi Harleen Par Ek Buri Shadow Hai Kuch Bhoot Uske Peeche Pade Hain, Aur Main Apne Black Magic Se Use Theek Kar Sakta Hoon,
Ye Baat Uski Ex Ko Kaafi Ajeeb Lagi, Agli Hi Din Wo Ghar Chhod Kar Chali Gayi, Aur AB Ghar Me Sirf Akshi Akela Reh Gaya, Doosri Taraf Harleen, Har Din Ki Tarah Usse Milne Ke Liye Uske Ghar Pahunchi, Is Baar Akshi Ne Harleen Ko Sab Kuch Bataya Tumhari Depression Ka Reason Koi Normal Baat Nahi Hai, Tum Par Ek Bhoot Ka Saya Hai, Aur Main Apni Knowledge Aur Black Magic Se Tumhen Isse Azaad Kara Sakta Hoon,
Harleen Jo Pehle Se Hi Emotional Aur Vulnerable Thi Dheere-Dheere Uski Baaton Par Yakeen Karne Lagi, Main Apni Study Aur Black Magic Se Tumhen Is Sab Se Chutkaara Dilwa Sakta Hoon, Akshi Ki Is Baat Par Dheere-Dheere Harleen Yakeen Karne Lagi, Dono Ne Milkar Ghar Ke Ek Room Me Poora Setup Tayaar Kiya, Alag-Alag Cheezein Rakhi Gayi Black Magic Jaisa Mahaul Banaya Gaya,
Black Magic Setup Aur Shuru Huwi Khatarnaak Activity
Uske Baad Ek Activity Shuru Ki Gayi Is Activity Se Pehle Dono Ne Ek Magic Substance Liya, Ye Ek Aisi Cheez Thi Jise Lene Ke Baad Insaan Apne Upar Control Kho Deta Hai, Iska Nasha Lagbhag 24 Se 48 Ghante Tak Rehta Hai, Jaise Hi Dono Ne Ise Consume Kiya Poori Raat Guzar Gayi, Aur Phir Subah Akshi Ne 911 Par Call Kiya,
Sabse Hairaan Karne Wali Baat Ye Thi Ki Wo Na Dara Huwa Tha, Na Ghabraya Huwa Bilkul Shaant Awaaz Me Usne Police Se Kaha Yahan Ek Crime Ho Gaya Hai, Jaldi Emargency Team Bhejiye, Jab Police Wahan Pahunchi, Akshi Bahar Sofa Par Aaram Se Baitha Tha, Usne Bilkul Normal Tareeke Se Kaha Crime Andar Wale Room Me Huwa Hai,
Shuru Me Police Ko Laga Ye Koi Chhota-Mota Case Hoga, Lekin Jaise Hi Wo Room Ke Andar Gaye, Unke Hosh Udd Gaye Room Ke Andar Har Taraf Samaan Bikhra Huwa Tha Black Magic Ka Poora Setup Bana Huwa Tha Scene Bahut Hi Daraawna Tha, Akshi Ne Police Ko Bataya Ki Usne Ye Sab Self-Defense Me Kiya, Harleen Mujh Par Hamla Kar Rahi Thi, Mujhe Majboori Me Ye Sab Karna Pada,
Lekin Jab Police Ne Detail Me Investigation Shuru Ki Sach Dheere-Dheere Saamne Aane Laga Police Ne Wahan Se Saari Black Magic Wali Cheezein Hatayi, Aur Phir Jo Evidence Mila Wo Aur Bhi Zyada Shocking Tha Jab Harleen Kaur Ki Reports Saamne Aayi To Ek Darawni Sachchai Saamne Aayi Uske Saare Daant Toot Chuke The, Kai Daant Room Ke Alag-Alag Jagah Mile,
Ye Sab Dekh Kar Police Ko Samajh AA Gaya Ki Us Raat Harleen Ke Saath Kitni Berahmi Huwi Hogi Investigation Aage Badhi Aur Police Harleen Ke Ghar Bhi Pahunchi, Wahan Takashi Ke Dauraan Police Ko Do Envelopes Mile, Jinme Se Ek ME $2700 Cash Tha, Ek Envelope Me $1700 The, Ek Envelope Par “Rent” Likha Tha, Aur Doosre Par Akshi Ka Naam,
Court Me Khula Sach: Self-Defense Ya Ek Khaufnaak Jhoot
Police Ne Andaza Lagaya Ki Ye Paise Service Ke Liye, Diye Jaane Wale The, Yahin Se Police Ka Shak Dheere-Dheere Akshi Par Badhne Laga, Jaise Hi Saari Reports Saamne Aayi, Ye Clear Ho Gaya Ki Us Raat Akshi Ne Had Se Zyada Berahmi Dikhayi Thi, Doosri Taraf Harleen Behosh Ho Chuki Thi Us Raat, Aur Phir Agle Do Din Beet Gaye,
Ghar Walon Ko Harleen Ka Koi Call Nahi Aaya, To Unhone Contact Karne Ki Koshish Ki, Jab Call Police Station Me Receive Huwa To Unhe Wo Baat Sumne Ko Mili Jo Koi Bhi Parivaar Kabhi Nahi Sunna Chahta, Ye Khabar Milte Hi Family Turant Los Angeles Pahunch Gayi, Lekin Wahan Pahunchne Ke Baad Bhi Unhe Turant Harleen Ka Chehera Dekhne Nahi Diya Gaya,
Kyunki Uska Face Itna Zyada Damage Ho Chuka Tha, Police Nahi Chahti Thi Ki Uski Aakhri Yaad Uske Parivaar Ke Liye Itni Darawni Ho, Iske Baad Doctors Ki Team Bulayi Gayi, Plastic Surgery Ki Gayi Poore 7 Din Lage, Tab Jaakar Harleen Ka Chehera Is Haalat Me Laya Gaya Ki Uska Parivaar Use Dekh Sake,
Iske Baad Case Court Me Gaya Court me Akshi Ke Lawyer Aur Family Baar-Baar Ye Keh Rahe The Ki, Wo Ek Beemaar Ladki Ko Bachane Ki Koshish Kar Raha Tha, Doosri Taraf Akshi Ke Fans Bhi Uska Support Kar Rahe The, Wo Is Crime Ko Justify Karne Ki Koshish Kar Rahe The, Baar-Baar Court Me Appeal Ki Gayi Akshi Ek Bada Aadmi Hai, Use Saza Nahi Milni Chahiye,
Lekin Waqt Beeta 2 Saal Tak Case Chalta Raha Aur Phir Akshi Ne Khud Sach Kabool Kar Liya Usne Kaha Mujhe Lagta Tha, Harleen Ke Peeche Ek Shadow Hai Main Use Hataana Chahta Tha, Aur Jab Ye Sab Huwa To Usne Ise Self-Defense Bataya Main Us Bhoot Se Bachne Ke Liye Ye Sab Kar Raha Tha, Lekin Sach Ye Tha, Ye Koi Black Magic Nahi, Balki Ek Khaufnaak Aur Berahm Crime Tha,
CONCLUSION.
Harleen Kaur ka case dikhata hai ki galat insaan par bharosa aur andhvishwas kitna khatarnaak ho sakta hai. Ek chhoti si galti ne ek zindagi le li. Isliye hamesha satark rahein aur kisi bhi ajeeb daave par andha vishwas na karein.
AWARENESS.
Mental stress me hamesha sahi logon se madad lein aur kisi anjaan ya ajeeb daave karne wale insaan par andha bharosa na karein. Black magic ya andhvishwas se door rahein, apni safety aur soch dono ka dhyaan rakhein.
DISCLAIMER.
Yeh article sirf jaankari aur awareness ke liye hai. Isme diye gaye facts available reports par aadharit hain. Hum kisi bhi prakar ke andhvishwas ya illegal activities ko badhava nahi dete.