Satara Murder Case: Ladka Tumhare Jaisa Nahi Lagta Mazaak Bana Maut Ki Wajah Patni Par Shak Ke Baad Qatl

Karad Murder Case: Bijapur Aur Satara Police Ki Joint Investigation Ne Aakhirkaar 6 Saal Ke Bachche Ke Qatl Ka Raaz Khol Diya Hai,

Satara: Karad Taluk Ke Krishna Nadi Ke Paas Mile Ek Chhote Bachche Ki Laash Ka Sach Ab Saamne AA Chuka Hai, Bachche Ki Pehchaan Siddharth Mallikarjun Arkeri 6 saal, Nagathane Gaon Bijapur Karnataka Se Pehchaan Huwi Hai,

Police Ke Jaanch Me Ek Dil Dahla Dene Wala Khulasa Huwa

• Bachche Ke Apne Pita Ne Hi Use Nadi Me Phek Kar Jaan Le Li.

Jaanch Ke Mutabik Pichhle Lagbhag 1.5 Saal Se Pita Apni Patni Ke Character Par Shak Kar Raha Tha, Wo Baar-Baar Kehta Tha Ki Ye Bachcha Uska Nahi Hai,

Iske Alawa Uske Doston Ki Taraf Se Bhi Use Is Baat Par Baar-Baar Taana Diya Jata Tha, Jisse Uska Gussa Aur Badhta Gaya, Aakhirkaar Isi Shak Aur Mansik Dabav Me Aakar Usne Apne Hi Bachche Ko Nadi Me Dhakka De Diya, Police Pooch-Taach Me Aaropi Ne Apna Jurm Maan Liya Hai,

Shankit Aaropi Mallikarjun Arkeri Apne Parivaar Ke Saath Karnataka Ke Bijapur Me Nagathane Gaon Me Rehta Tha, 16 March Ke Din Wo Apne Chhote Bete Ko Naye Kapde Pehna Kar Use School Chhodne Ke Bahaane Ghar Se Le Gaya,

Lekin Kuch Hi Der Baad Woh Akela Hi Ghar Laut Aaya, Jab Uski Patni Ne Bachche Ke Baare Me Poocha, To Usne Seedha Jawab Dene Ke Bajaye Ulti Sidhi Jawab Diya, Aur Shak Paida Karne Wale Jawab Diye,

Is Baat Se Pareshan Hokar Patni Ne Turant Bijapur Police Station Me Apne Bete Ke Laapata Hone Ki Report Likhwa Di, Iske Baad 18 March Ko Karad Taluk Ke Masur Police Station Ke Under Aane Wale Vadoli Bhikeshwar Gaon Ke Paas Krishna Nadi Ke Kinare Ek 6 Saal Ke Bachche Ki Laash Mili,

Bachcha Naye Kapdon Me Tha Jisse Police Ne Pehle Andaza Lagaya Ki Shayad Woh Kisi Mazdoor Parivaar Se Sambandhit Ho Sakta Hai, Police Ne Aas-Paas Ke Ilaakon khaaskar Eent Bhattiyon Me Jaakar Pooch-Taach Ki, Lekin Bachche Ki Pehchaan Turant Nahi Ho Paayi,

Baad Me Uske Kapdon Aur Physical Features Ke Base Par Police Ko Shak Huwa Ki Bachcha Karnataka Ka Ho Sakta Hai, Isliye Police Ne Uski Details Aur Photo Kannada Bhasha ME Prepare Karke National Crime Records Bureau (NCRB) Portal Par Upload Ki, Taaki Uski Pehchaan Jaldi Ho Sake,

Jab Bachche Ki Details Aur Description Match Hone Lage, Tab Bijapur Police Ne Turant Masur Police Station Se Contact Kiya, Investigation Aage Badhne Par Ek Bada Khulasa Huwa, Pita Ne Apni Patni Ke Character Par Shak Karte Huwe Apna Jurm Kabool Kar Liya,

Usne Bataya Ki Uske Doston Ne Use Baar-Baar Ye Keh Kar Chidhaya Tha Ki Ladka Us Jaisa Nahi dukhta, Isi Baat Se Pareshan Hokar Usne Apne Hi Bete Ko Krishna Nadi Me Dhakka De Diya,

Police Ne Ye Bhi Bataya Ki Kuch Saal Pehle Aaropi Krishna Nadi Ke Kinare Ret (sand) Nikalne Ke Kaam Me Laga Huwa Tha, Is Wajah Se Use Us Area Ki Poori Jaankari Thi, Jiska Usne Fayda Uthaya,

Is Poore Case Ko Solve Karne Me Masur Police Station Ki Team Ne Important Role Nibhaya, Assistant Police Inspector Adinath Kharat Ke Guidance ME, Team Ke Members Sudhakar Bhosale, Pradeep Patil, Amol Pawar, Mahesh Lawand, Police Patil Raju Ramgude Aur Assistant Kishor Kirtawade Ne Milkar Investigation Ko Aage Badhaya,

Iske Alawa Bijapur Rural DYSP T.S. Sulpi Aur Police Inspector H.B. Ingleshwar Ke Saath Milkar Police Ne Is Poore Murder Case Ka Sach Saamne La Diya,

CONCLUSION.

Ye case dikhata hai ki shak aur gusse me liya gaya ek faisla kitna khatarnaak ho sakta hai. Ek pita ne apne hi bete ki zindagi khatam kar di. Isliye hamesha soch samajh kar faisla lein aur andhvishwas ya shak ko haavi na hone dein.

AWARENESS.

Shak aur gusse me kabhi bhi bada faisla na lein. Kisi bhi problem ko baat-cheet aur samajh se solve karein, kyunki ek galat kadam poori zindagi barbaad kar sakta hai

DISCLAIMER.

Yeh article sirf jaankari aur awareness ke liye hai. Isme di gayi jaankari public reports par aadharit hai. Hum kisi bhi prakar ke hinsa ya illegal activity ko badhava nahi dete.