Ludhiana Murder Case Update. Congress Ka Aarop Police Ne Dikhayi Laparwahi, Police Boli Janch Abhi Jaari Hai.

Model Town Police Station Ke Aadesh Par, Police Ne Jalandhar Aur Kai Annya Jagahon Par Raid Ki, Lekin Aaropi Bhagane Me Kamyab Rahe, Unhone Kaha Ki Unhe Jaldi Hi Wapas Laaya Jayega, ( Giraftaar Kiya Jaayega)

Azad Nagar Ka 19 Saal Ka Ek Ladka 10 Din Phele Uska Qatl Kiya Gaya Tha, Lekin Congress Ka Khena Hai Ki Police Ne Ab Janbujhkar Aaropiyon Ko Giraftaar Nahi Kiya, IS Par Model Town Police Ne Safai Dete Huwe Kaha Ki, Lagataar Alag Alag Jagahon Par Raids Chal Rahi Hai, Aur Bahut Jald Aaropiyon Ko Pakkad Kar Jail Bhej Diya Jayega,

Sansad Aur Panjab Pradesh Congress Committee PPCC Ke Neta Amrinder Singh Raja Warring Ki Patni Amrita Warring, Aur Purv MLA Simarjit Singh Bains Ke Saath Ravivaar Ko Peedit Parivaar Ke Ghar Pahunchi,

Congress Netaon Ne Aarop Lagaya Ki Rajnaitik Dabaav Ke Kaaran Police Ne Ab Tak Aaropiyon Ko Giraftaar Nahi Kiya Hai, Unhone Ye Bhi Kaha Ki Parivaar Ko Nyay Dilane Ke Liye Woh Har Sambhav Madad Karenge,

Hum Is Maamle Ko Senior Adhikariyon Ke Saamne Uthayenge, Bains Ne Kaha.

15 Saal Ke Dost Par Shak, Mohit Gumber Murder Case Me Ab Tak Koi Girftar Nahi

Peedit Mohit Gumber Ki Laash 1 April Ko Mili Thi, Surinder Kumar Gumber Ne Bataya Ki Is Maamle Me Ek 15 Saal Ke Ladke Aur Uske Pita Ke Khilaaf Murder Case Darj Kiya Gaya Hai, Lekin Ab Tak Kisi Ko Giraftar Nahi Kiya Gaya Hai,

Unhone Kaha 1 April Ko Mohit Ka 15 Saal Ka Dost Scooter Par Aaya Aur Use Apne Saath Le Gaya, Kuch Samay Baad Woh Ladka Akela Hi Wapas AA Gaya, Jab Mohit Ki Maa Ne Poocha, To Usne Uljha Huwa Jawab Diya Aur Kaha Ki Mohit Kisi Aur Ke Saath Kahin Chala Gaya Hai,

Iske Baad Parivaar Ne Mohit Ki Talaash Shuru Ki, Lekin Koi Suraagh Nahi Mila, Baad Me Ek Raahgir Ne Jaankari Di Ki Mohit Autumn Public School Ke Paas Behoshi Ki Haalat Me Pada Hai,

Hospital Me Ilaaj Ke Baad Mohit Ki Maut, Police Ne Murder Case Darj Kar Shuru Ki Tez Jaanch

Surinder Gumber Ke Mutabik Mohit Ko Turant Civil Hospital Le Jaya Gaya Tha, Baad Me Uski Haalat Zyada Serious Ho Gayi, Isliye Use Chandigarh Ke PGIMER ME Shift Kiya Gaya, Jahan Baad Me Uski Maut Ho Gayi,

Surinder Ka Aarop Hai Ki Us Ladke Uske Pita Aur Uske Doston Ne Kisi Baat Ko Lekar Mohit Par Hamla Kiya, Jiske Kaaran Uski Jaan Chali Gayi,

Model Town Police Station Ke Inspector Jasvinder Singh Ne Bataya Ki Is Maamle Me IPC Ki Dhara 103(1) Murder 61(2) Criminal Intimidation Aur 238 Galat Jaankari Dena YA Gumrah Karna Ke Tehat Case Darj Kiya Gaya Hai,

Police Ne Jalandhar Aur Anya Ilaakon Me Kai Jagahon Par Raids Ki Hain, Lekin Aaropi Police Ke Pahunchne Se Pehle Hi Farar Ho Gaye, Adhikari Ne Kaha Ki Aaropiyon Ko jaldi Hi Giraftar Kar Liya Jayega,

CONCLUSION.

Ludhiana ka Mohit Gumber murder case ek aisa maamla hai jisme abhi bhi kai sawaal baaki hain. Parivaar nyay ki maang kar raha hai, jabki police lagataar raids kar rahi hai. Aaropi abhi farar hain, lekin ummeed hai ki jald hi sach saamne aayega aur doshiyon ko saza milegi.

AWARENESS.

Aise incidents hume yeh sikhate hain ki chhoti si baat ya vivaad ko kabhi bhi hinsa tak nahi badhne dena chahiye. Parents aur society ko bachchon par nazar rakhni chahiye aur unhe sahi disha deni chahiye. Agar kisi tarah ka jhagda ya tension dikhe, to turant police ya authorities ko inform karein.

DISCLAIMER.

Yeh article sirf jankari aur awareness ke uddeshya se likha gaya hai. Isme di gayi jaankari prarambhik reports aur available sources par aadharit hai, jisme samay ke saath badlav ho sakta hai. Sabhi aaropi kanoon ke tahat doshi sabit hone tak nirdosh maane jaate hain.