Mandi Student Murder Case: Sia Guleria Ki Berahmi Se Hatya, Aaropi Giraftar

Himachal Pradesh Ke Mandi District Se Ek Dil Dahla Dene Wala Murder Case Saamne Aaya Hai, Jahan 19 Saal Ki College Student Sia Guleria Ki Din Dahade Berahmi Se Hatya Kar Di Gayi, Is Ghatna Ne Poore Ilaake Ko Hila Kar Rakh Diya Hai Aur Logon Me Gussa Aur Darr Dono Ka Mahaul Bana Huwa Hai,

Din Dahade Huwa Hamla, Spot Par Huwi Maut

Yeh Dardnaak Ghatna Sarkaghat Sub-Division Ke Gopalpur Area Me Somvaar Subah Huwi, Police Ke Mutabik, Sia Guleria Lagbhag 9 Baje Apne College Ja Rahi Thi, Tabhi Aaropi Ne Us Par Achanak Hamla Kar Diya,

Aaropi Ne Tez Dhaar Wale Hathiyar Se Sia Ke Sir, Gardan Aur Haathon Par Kai Vaar Kiye, Hamla Itna Bhayanak Tha Ki Sia Ne Spot Par Hi Dum Tod Diya, Ghatna Ke Baad Aaropi Wahan Se Bhaag Kar Paas Ke Jungle Me Chhup Gaya,

Gaon Walon Ne Pakda Aaropi, Police Ko Saupa

Ghatna Ki Jaankari Milte Hi Sthaniya Logon Ne Turant Police Ko Inform Kiya, SHO Aur DSP Ki Team Turant Mauke Par Pahunchi, Jiske Baad Mandi SP Vinod Kumar Aur Forensic Team Ne Bhi Investigation Shuru Ki,

Is Dauran Gaon Ke Log Bhi Aaropi Ki Talaash Me Jut Gaye, Kuch Samay Baad Gopalpur Ke Logon Ne Aaropi Ko Jungle Ke Paas Ek Kheti Wale Area Me Pakad Liya, Aaropi Ki Pehchaan Usi Gaon Ke 36 Saal Ke Vikas Ke Roop Me Huwi,

Logon Ne Use Pakad Kar Pehle Pitai Ki Aur Baad Me Police Ke Hawale Kar Diya,

Police Investigation aur Bada Khulasa

Police Ne Sarkaghat Police Station Me Murder Ka Case Darj Kar Liya Hai Aur Aaropi Ko Giraftar Kar Liya Gaya Hai, SP Vinod Kumar Ke Mutabik, Crime Scene Se Saboot Collect Kiye Ja Rahe Hain Aur Aaropi Se Lagataar Pooch-Taach Chal Rahi Hai,

Victim Ki Body Ko Post-Mortem Ke Liye Nerchowk Medical College Bheja Gaya Hai, Police Ne Kaha Hai Ki Hatya Me Istemaal Huwa Hathiyar Bhi Jald Hi Baramad Kar Liya Jayega,

Ek Tarfa Pyaar YA Inkaar Bana Hatya Ki Wajah?

Prarambhik Jaankari Ke Mutabik Aaropi Ne Pehle Sia Ko Propose Kiya Tha, Lekin Usne Inkaar Kar Diya, Is Baat Se Gusse Me Aakar Aaropi Ne Is Khaufnaak Crime Ko Anjaam Diya,

Kuch Sthaniya Logon Ka Yeh Bhi Kehna Hai Ki Aaropi Nasha Karta Tha, Jo Is Tarah Ke Violent Behaviour Ka Ek Karan Ho Sakta Hai.

Is Mandi Student Murder Case Ke Baad Poore Gaon Me Darr Ka Mahaul Hai, Log Apni Betiyon Ko Akela Bahar Bhejne Se Dar Rahe Hain.

Saath Hi Logon Ne Badhte Huwe Nasha (Drugs) Ko Bhi Is Tarah Ke Crimes Ka Ek Bada Karan Bataya Hai Aur Sarkar Se Sakht Action Ki Maang Ki Hai,

Mandi Student Murder Case Me Sia Guleria Ke Antim Sanskar Ke Dauran Mahaul Bahut Hi Bhavuk Aur Gamgeen Raha, Nauro Se Zyada Gaon Ke Log, Sthaniya Nivasi, Jan Pratinidhi Aur Kai Sangathanon Ke Sadasya Antim Sanskar Me Shamil Huwe Aur Sia Ki Aatma Ki Shanti Ke Liye Prarthana Ki,

Is Mandi Student Murder Case Ke Baad Poore Gaon Me Darr Ka Mahaul Ban Gaya Hai, Sthaniya Logon Ka Kehna Hai Ki AB Wo Apne Bachchon Ko, Khaaskar Ladkiyon Ko, School Aur College Akela Bhejne Se Dar Rahe Hain,

Gaon Walon Ne Badhte Huwe Nasha (Drugs) Ke Prabhav Ko Bhi Is Tarah Ke Apradhon Ka Ek Bada Karan Bataya Hai, Unke Mutabik “Chitta” Aur Anya Nashili Padarth Is Area Me Tezi Se Fail Rahe Hain,

Jis Wajah Se Crime Bhi Badh Raha Hai, Logon Ne Sarkar Aur Police Se Maang Ki Hai Ki Is Maamle Me Sakht Kadam Uthaye Jayein Aur Ilaake Me Kanoon-Vyavastha Ko Majboot Kiya Jaye,

CONCLUSION.

Sia Guleria murder case sirf ek crime nahi, balki society ke liye ek warning hai. Aise cases dikhate hain ki personal gussa aur galat soch kitni jaldi ek bhayanak haadse me badal sakti hai. Ab sabki nazar police investigation aur court ke faisle par tiki hui hai.

AWARENESS.

Aise cases humein samajh me laate hain ki society me safety aur awareness kitni zaroori hai. Parents aur guardians ko apne bachchon, khaaskar ladkiyon ki safety par dhyaan dena chahiye aur unhe self-defense aur alert rehne ki training deni chahiye.

Saath hi, kisi bhi tarah ke harassment, stalking ya dhamki ko ignore nahi karna chahiye. Aise incidents ko turant police tak pahunchana zaroori hai, taaki samay par action liya ja sake aur bade apradh hone se roka ja Sake

DISCLAIMER.

Yeh article sirf jaankari aur awareness ke uddeshya se tayyar kiya gaya hai. Isme di gayi jankari police reports, media sources aur prarambhik investigation par aadharit hai. Case se judi kuch jaankari aage chal kar badal sakti hai

Hum kisi vyakti ya samudaay ki bhavnaon ko thes pahunchane ka uddeshya nahi rakhte. Pathakon se nivedan hai ki kisi bhi nishkarsh par pahunchne se pehle official updates ka intezar karein.