Auraiya murder case investigation Dilip Singh Pragati Yadav Anurag Yadav

Auraiya Murder Case: Patni Aur Boyfriend Ne Pati Ka Murder Kiya,

January 27, 2026 Shabbir khan

17 March 2025 Ko Pragati Yadav Apni Shaadi Ke Baad Khushi-Khushi Reels Bana Rahi Thi, Sirf 12 Din Pehle Hi Usne Apne Teen Saal Ke Pyaar Dilip Singh Yadav Se Love Marriage Ki Thi, Dono Ki Zindagi Nayi Shuruaat Ki Khushiyon Se Bhari Huwi Lag Rahi Thi,

Lekin Kisi Ko Andaaza Nahi Tha Ki Ye Muskaan Kuch Hi Dino ME Maatam ME Badalne Wali Hai,

19 March 2025 Ko Shaadi Ke Sirf 14 Din Baad, Auraiya Ke Dibiyapur Me Dilip Achanak Bahut Buri Haalat Me Hospital Pahunchta Hai, Pehle Sabko Laga Ye Ek Accident Hai, Par Jab Post-Mortem Report Saamne Aayi, To Jo Sach Nikla, Usne Poore Shehar Ko Hila Kar Rakh Diya,

Ye Koi Accident Nahi Tha

Ye Ek Planned Murder Tha

Aur Sabse Shocking Baat Is Khooni Saazish Ka Connection Usi Ghar Se Tha, Jahan Sirf Kuch Din Pehle Shaadi Ki Shehnai Baji Thi,

Pragati Aur Dilip Ki Love Marriage Ki Kahani

Pragati Ka Teen Saal Purana Pyaar, Dilip Singh Yadav, Jiske Saath Usne Sirf 12 Din Pehle Yaani 5 March 2025 Ko, Love Marriage Ki Thi, Yeh Khushi Isliye Bhi Zyada Thi, Kyunki Bahut Mehnat Ke Baad Dono Ne Apne-Apne Parivaar Walon Ko Mana Liya Tha,

Aur Phir Shaadi Ke Is Rishte Mein Bandh Kar Sirf Teen Din Ke Andar Hi Pragati Ne Apne Sasural Walon ka Bhi Dil Jeet Liya Tha, Khushi Ne Dilip Ke Ghar Ke Darwaze Par Dastak Di Thi, Lekin Kisi Ko Bhi Yeh Andaaza Nahi Tha Ki IN Khushiyon Ke Peeche, Ek Bada Maatam Bhi Chupke Se Kadam Rakh Chuka Hai,

19 March 2025 Auraiya Ke Dibiyapur Mein Dilip Ki Shaadi Ko Sirf 14 Din Huwe The, Aur Holi Ka Tyohaar Mana Kar Woh Phir Se Apne Kaam Par Laut Aaya Tha, Din Bhar Kaam Khatam Karne Ke Baad Woh Ek Restaurant Par Khana Khane Ke Liye Ruka,

Jahan Se Usne Apne Bade Bhai Sandeep Aur Apni Patni Pragati Ko Phone Karke Bataya Ki Bela Gaon Mein Uska Kaam Khatam Ho Chuka Hai Aur AB Woh Ghar Ke Liye Nikal Raha Hai, Yeh Call Usne Dopahar Mein Bela Gaon Se Kiya THA Aur Woh Apne Ghar Dibiyapur Se Sirf 27 Kilometer Door THA,

Woh Sirf 40–50 Minute Door Tha Apne Ghar Se, Lekin Shaam Hone Tak Jab Dilip Ghar Nahi Pahuncha, Toh Parivaar Walon Ne Usse Phone Karke Uski Location Jaanne Ki Koshish Ki, Par Uska Phone Connect Nahi Huwa, Shuru Mein Sabne Yahi Socha Ki Shayad Dilip Kahin Kisi Kaam Se Ruk Gaya Hoga,

Lekin Jab Raat Der Tak Bhi Na Dilip Ghar Lauta Aur Na Hi Uska Koi Phone Aaya, Toh Ghar Ke Sab Log Bechain Hone Lage, Phir Sabne Dobara Usse Phone Kiya, Is Baar Call Uthaya Gaya, Lekin Us Taraf Se Jo Awaaz Aayi, Use Sunte Hi Parivaar Walon Ke Pairon Tale Zameen Khisak Gayi,

Shaadi Ke 14 Din Baad Achanak Ghatna

Kyunki Dilip Ke Phone Ko Auraiya Police Ne Uthaya Tha, Jo Unhe Batate Hain Ki Dilip Bahut Zyada Zakhmi Hai Aur Hospital Mein Bharti Hai, Jo Insaan Kuch Ghante Pehle Tak Bilkul Theek-Thaak Tha, Uske Baare Mein Aisi Khabar Sunkar, Poora Parivaar Sann Reh Gaya,

Uske Baare Mein Aisi Khabar Kisi Bhi Parivaar Ke Liye Bahut Bada Jhatka Hoti Hai, Apne AAP Ko Sambhalte Huwe, Poora Parivaar Turant Hospital Pahunchta Hai, Jahaan Dilip Zindagi Aur Maut Ke Beech Jhool Raha Hota Hai,

Dilip Ki Haalat Dekh Kar Kisi Ko Samajh Nahi Aa Raha Tha, Ki Yeh Sab Achanak Kaise Ho Gaya, Saath Hi, Sab Is Baat Se Bhi Pareshaan The Ki, Yeh Baat Apni Nayi Bahu Pragati Ko Kaise Batayi Jaaye,

Bahut Soch Vichaar Ke Baad, Bahut Himmat Juta Kar, Aakhirkaar Parivaar Ne Pragati Ke Ghar Walon Ko Dilip Ke Accident Ke Baare Mein Bata Diya, Jaise Hi Pragati Ko Yeh Khabar Milti Hai, Maano Uske Sar Par Pahaad Toot Padta Hai, Pragati Be-Hisaab Rone Lagti Hai, Be-Kaabu Ho Jaati Hai,

Uska Parivaar Use Sambhaalne Ki Poori Koshish Karta Hai, Lekin Uske Aansu Rukne Ka Naam Hi Nahi Le Rahe The, Kisi Tarah Himmat Kar Kar, Pragati Ko Hospital Le Jaaya Jaata Hai, Jahaan Dilip Bharti Tha,

Hospital Mein Dilip Ko Is Haalat Mein Dekh Kar Pragati Phoot Phoot Kar Rone Lagti Hai, Yeh Manzar Itna Dardnaak Tha Ki Hospital Mein Maujood Ajnabi Logon Ki Bhi Aankhen Bhar Aayi Thi,

Accident Nahi, Yeh Tha Ek Sochi-Samjhi Saazish

Waqt Apna Khel Khel Chuka Tha, Aur Waqt Ke Saath-Saath Dilip Ki Haalat Aur Bhi Zyada Bigadti Ja Rahi Thi, Zindagi Se Do Din Tak Ladne Ke Baad, Aakhirkaar Dilip Ne Dum Tod Diya,

Parivaar Abhi 14 Din Pehle Huwi Shaadi Ki Khushi Theek Se Mana Bhi Nahi Paaya Tha, Ki Ek Accident Ne Is Khushhaal Mahaul Ko Matam Mein Badal Diya,

Lekin Wahaan Maujood Logon Ko Is Baat Ka Zara Bhi Andaaza Nahi Tha Ki Dilip Ki Maut Koi Accident Nahi Thi, Balki Ek Bahut Sochi-Samjhi Huwi Saazish Ka Nateeja Thi,

Dilip Ki Post-Mortem Report Ne Aise Khulase Kiye, Jo Sach Ke Pardhe Kholte Chale Gaye, Report Ke Mutabik, Dilip Ke Sir Par Itne Gehre Waar Kiye Gaye The Ki Uska Skull Buri Tarah Fracture Ho Chuka Tha, Sirf Itna Hi Nahi, Itni Saari Choton Ke Baad,

Use Peeche Se Sir Mein Goli Bhi Maari Gayi thi. Jis Tareeke Se Yeh Jurm Anjaam Diya Gaya Tha, Us Se Saaf Zaahir Hota Tha Ki Yeh Koi AAM Loot Ka Case Nahi Tha, Balki Ek Gehri Saazish Thi, Jiski Doriyaan Kisi Aise Shakhs Se Judi Huwi Thi, Jo Uske Apne Parivaar Ke Andar Maujood Tha,

14 Din Ki Shaadi Aur Zindagi Ka Sabse Khaufnaak Mod

21 Saal Ka Dilip Singh Yadav, Jo Auraiya District Ka Rehne Wala Tha, Apne Pita Sumer Singh Yadav, Ke Saath Milkar Hydra Aur Crane Ke Business Ko Aage Badha Raha Tha, Jo Unke Pita Ne Shuru Kiya THA. Dilip Apne Teen Bhaiyo Sandeep, Akshay Aur Sachin Ke Saath Mil Kar Is Business Ko Sambhaal Raha Tha,

Pita Sumer Singh Yadav Ke Paas 12 Hydra Machines Aur 10 Cranes Thi, Aur Unka Kaam UP Ke Chaar District Mein Phaila Huwa Tha, Paiso Se Bhar Poor Yeh Parivaar AB Khushiyon Ke Rang Mein Rangne Wala Tha, Kyunki 5 March 2025 Ko Dilip Ki Shaadi Pragati Yadav Se Hone Wali Thi, Jo Fafun Ki Rehne Wali Thi, Pragati Yadav, Jo 12th Standard Tak Padhi Huwi Thi, Wo Koi Aur Nahi Balki Dilip Ke Bade Bhai Sandeep Ki Saali Thi,

Jiske Saath Dilip Pichhle Teen Saalon Se Relationship Mein Tha, Lekin Is Shaadi Ke Liye Apne Parivaar Ko Manane Ke Liye, Dilip Ko Kaafi Mushkilon Ka Saamna Karna Pada, Kyunki Shuru Mein Uske Parivaar Ko Is Rishte Ki Zara Si Bhi Khabar Nahi Thi, Isi Wajah Se Parivaar Dilip Ke Liye Kahi Aur Ladki Dekh Raha Tha,

Lekin Jab Unhe Is Relationship Ke Baare Mein Pata Chala, Toh Unhone Seedha Is Rishte Ko Mana Kar Diya, Woh Nahi Chahte The Ki Ek Hi Parivaar Ki Do Betiyan Unke Ghar Bahu Ban Kar Aayein, Lekin Pragati Ne Dilip Se Saaf Keh Diya Tha, ki Chahe Kuch Bhi Ho Jaaye, Woh Shaadi Sirf Dilip Se Hi Karegi,

Aur Dilip Bhi Yahi Chahta Tha, Aakhirkaar Dono Ki Zidd Aur Khushi Ke Liye Parivaar Ke Sab Logon Ko Jhukna Pada, Aur Shaadi Ke Liye Haan Kehni Padi, Aakhir 5 March 2025 Ko, Saare Rivaaz Aur Rasmon Ke Saath, Dilip Aur Pragati Shaadi Ke Bandhan Mein Bandh Gaye, Shaadi Ke Baad Dilip Aur Pragati Dono Bahut Khush The,

Aur Pragati Ne Sirf Teen Din Mein Hi Apne Pyaar Aur Vyavhaar Se Poore Ghar Ka Dil Jeet Liya, Poora Parivaar Dilip Aur Pragati Ki Khushi Mein Bahut Khush Tha, Lekin Pragati Aur Dilip Ke Saath Kya Hone Wala Tha, Shayad Kisi Ne Sapne Mein Bhi Nahi Socha Tha, Hindu Parampara Ke Mutabik, Shaadi Ke Chauthe Din, Yaani 9 March 2025 Ko, Pragati Apne Maayke Chali Jaati Hai, Is Beech Dilip Parivaar Ke Saath Holi Ka Tyohaar Manata Hai,

Shaadi Ke 14 Din Baad Dilip Par Jaanleva Hamla

19 March Ko Wapas Apne Kaam Par Laut Jaata Hai, Dilip Bela Gaon Mein Apna Saara Kaam Khatam Karta Hai, Aur Ghar Laut Raha Hota Hai, Woh Ye Baat Apne Bhai Aur Apni Patni Pragati Ko Phone Karke Bhi Batata Hai, Ek Taraf Dilip Ka Parivaar Uska Intezaar Kar Raha Hota Hai,

Aur Doosri Taraf Ballia Gaon Ke Paas, Ek Gheun Ke Khet Mein, Do Log Ek Aadmi Ko Aadhi-Behoshi Ki Haalat Mein Pade Huwe Dekhte Hain, Use Mara Huwa Samajh Kar Dono DAR Ke Maare Wahan Se Bhaag Jaate Hain, Aur Baaki Gaon Walon Ko Ikattha Karke Dobara Us Jagah Par Laate Hain, Us Aadmi Ki Haalat Bahut Kharaab Dekh Kar, Gaon Wale Turant Police Ko Is Baat Ki Soochna Dete Hain,

Police Turant Ambulance Ke Saath Wahan Pahunch Jaati Hai, Jab Medical Staff Us Aadmi Ko Check Karta Hai, Toh Pata Chalta Hai Ki Uski Saansein Abhi Chal Rahi Hain, Isliye Bina Der Kiye Use Turant Ambulance Se Hospital Le Jaaya Jaata Hai, Aur Uska Ilaaj Shuru Kar Diya Jaata Hai, Isi Dauran Police Jaanch Shuru Karti Hai, Aur Us Aadmi Ki Jeb Mein Mile Mobile Phone Par Achanak Call Aane Lagta Hai, Jab Police Phone Uthati Hai,

Lekin Us Taraf Koi Aur Nahi, Balki Dilip Ke Ghar Ke Hi Log Hote Hain, Jaise Hi Yeh Baat Dilip Ke Ghar Walon Ko Pata Chalti Hai, Ghar Mein Afra-Tafri Mach Jaati Hai Aur Sab Log Bhaag Kar Hospital Pahunchte Hain,

Hospital Mein Dilip Ki Haalat Dekh Kar Sab Log Phoot-Phoot Kar Rone Lagte Hain, Aur Seena Peetne Lagte Hain, Tab Doctor Police Ko Bata Te Hai, Ki Kisi Ne Dilip Ke Sar Par Bahut Gehre Vaar Kiye Hain, Aur Usse Goli Bhi Maari Gayi Hai,

Shuru Mein Police Isse Ek Accident Ka Case Samajh Rahi Thi, Lekin Sar Mein Goli Milne Ke Baad Police Ko Yeh Baat Samajh AA Gayi Ki Yeh Koi Chhota Mota Haadsa Nahi, Balki Ek Badi Saazish Hai,

Yaani Pehle Dilip Ko Buri Tarah Peeta Gaya Aur Uske Baad Use Goli Maari Gayi.

Shaadi Ke 15 Din Baad Maut Aur Shuru Huwi Police Ki Tez Jaanch

Jab Police Dilip Ke Parivaar Se Poochhti Hai Ki Kya Dilip Ki Kisi Se Dushmani Thi, Toh Parivaar Is Baat Se Inkaar Kar Deta Hai, Woh Kehte Hain Ki Unka Beta Bahut Seedha-Saadha Tha, Use Sirf Apne Kaam Se Matlab Tha, Na Kisi Se Jhagda, Na Kisi Se Koi Vivaad,

Apne AAP Ko Sambhalte Huwe, Dilip Ke Parivaar Wale Is Maamle Ki Jaanch Ke Liye FIR Darj Kara Dete Hain, Report Darj Hone Ke Baad Police Apni Jaanch Shuru Kar Deti Hai, Lekin Dilip Ki Haalat Itni Gambhir Thi Ki Sirf Do Din Baad,

21 March 2025 Ko Woh Zindagi Ki Ladaai Haar Jaata Hai.

15 Din Pehle Jis Ghar Mein Shehnai Baj Rahi Thi, Aaj Usi Ghar Mein Har Taraf Cheekh-Pukaar Aur Maatam Ka Mahaul Tha, Dilip Ka Parivaar Poori Tarah Toot Chuka Tha, Sab Log Apne Jawaan Bete Ko Khone Ka Dukh Mana Rahe The, Lekin Saath Hi Unhe Apni Bahu Pragati Ki Bhi Bahut Chinta Thi,

Sirf 20 Saal Ki Umar Mein Vidhwa Huwi, Pragati Ro-Ro Kar Bahut Bura Haal Mein Thi, Jis Din Usne Saath Janmon Ke Phere Liye The, Us Din Ke Baad Woh Theek Se Uske Saath JEE Bhi Nahi Paayi, Dilip Ki Post-Mortem Report AA Chuki Thi Aur Jis Tarah Se Uska Qatl Kiya Gaya Tha, Use Jaankar Police Ke Bhi Kaan Khade Ho Gaye,

Jaanch Ke Baad Police Ko Yeh Baat Saaf Ho Gayi Ki Yeh Ghatna Bela Aur Divyapur Ke Beech Huwi Thi, Iske Liye Police Ne TRINETRA System Ka Istemal Kiya, Operation TRINETRA Uttar Pradesh Sarkar Ki Ek Muhim Hai,

Jiske Tahat Hazaron Cameras Strategic Jagahon, Crime Hotspots, Andheri Jagahon Aur Highways Par Lagaye Gaye Hain, Aur Yeh Sab Cameras Control Room Se Jude Huwe Hain,

Operation Trinetra Aur CCTV Footage: Qatl Ki Raah Par Pehla Surag

Is System Ki Madad Se Police Us Poore Raaste Ki Takashi Lene Lagti Hai, Jahan Se Dilip Bela Se Ghar Laut Raha Tha, Aur Saath Hi Dilip Ke Apne Bhai Se Huwi Aakhri Call Ke Waqt Ke Aas-Paas Ke CCTV Footage Bhi Check Kiye Jaate Hain,

Police Us Poore Raaste Ke Sabhi CCTV Cameras Ko Scan Kar Rahi Hoti Hai, Tab Paliya Gaon Ki Taraf Jaane Wali Sadak Par Lage Camera Footage Mein Dilip Do Logon Ke Saath Bike Par Jaata Huwa Dikhai Deta Hai,

Jab Police Yeh Jaanne Ke Liye UN Dono Logon Ki Pehchaan Shuru Karti Hai, Ki Dilip Ke Saath Yeh Kaun Log The, Toh Jo Jaankari Milti Hai, Woh Bahut Hi Shocking Hoti Hai, Bike Par Dilip Ko Le Jaane Wala Shakhs Ek Bahut Hi Khatarnak Criminal Aur History Sheeter (Ramji Nagar) Tha,

Ramji Nagar Kai Sangin Jurmon Ke Maamle Mein Pehle Bhi Jail Ja Chuka Tha, Aur Us Waqt Bail Par Bahar Aaya Huwa Tha, Ek Seedha-Saadha Aadmi Jaise Dilip Ke Saath Itne Khatarnak Criminal Ka Hona Hi Apne AAP Mein Ek Red Signal Tha,

Police Bina Der Kiye Ramji Nagar Ki Talaash Karti Hai, Aur Use Giraftaar Karke Poochtaach Shuru Kar Deti Hai, Shuru Mein Ramji Nagar Kuch Bhi Maanane Se Inkaar Kar Deta Hai, Lekin Jab Police Apne Tareeke Se Sakthi Se Poochtaach Karti Hai, Toh Woh Bata Deta Hai, Ki Dilip Ke Murder Ka Contract Ek Shakhs Ne Diya Tha Jiska Naam Anurag Yadav Hai,

Anurag Yadav Naam Ke Kisi Bhi Aadmi Ko Dilip Ke Parivaar Wale Jaante Tak Nahi The, Jab Yeh Baat Parivaar Ne Police Ko Batayi, Toh Police Bhi Hairaan Reh Jaati Hai, Police Is Anurag Yadav Ki Talaash Shuru Karti Hai, Aur History Sheeter Ke Pehchaan Dene Par Aakhirkaar Use Pakad Leti Hai,

Maatam Ke Beech Police Ki Entry, Aur Patni Par Gira Qatl Ka Shaq

Lekin Yeh Case Itna Aasaan Nahi Tha, Kyunki Jaise Hi Anurag Yadav Giraftaar Hota Hai, Police Ki Ek Team Seedhe Dilip Ke Ghar Pahunch Jaati Hai, Wahan Ghar Mein Maatam Ka Mahaul Tha, Aur Parivaar Ke Saath-Saath Gaon Ke Log Bhi Baithe Huwe The,

Police Officer Dilip Ki Patni Pragati Ko Bula Kar, US Se Poochtaach Shuru karta Hai, Parivaar Walon Ko Laga Ki Case Ke Silsile Mein Sirf Sawaal Pooch Rahe Hai, Lekin Tabhi Police Team Ke Saath Aayi Lady Constables, Achanak Pragati Ka Haath Pakad Leti Hain, Aur Use Apne Saath Le Jaane Lagti Hain,

Yeh Dekh Kar Wahan Maujood Parivaar Wale Aur Gaon Ke Log Bhadak Jaate Hain, Gusse Mein Woh Police Ka Raasta ROK Dete Hain, Aur Poochte Hain Ki Aise Unki Bahu Ko Kaise Le Ja Rahe Ho, Jab Police Unhe Wajah Batane Lagti Hai, Toh Wahan Maujood Kisi Ke Liye Bhi Police Ke Har Ek Shabd Par Yaqeen Karna Mushkil Ho Jaata Hai,

Kyoki Police Yeh Khulasa Karti Hai, Ki Dilip Ke Murder Ki Saazish Mein, Uski Apni Bahu Aur Dilip Ki Patni Pragati Shamil Thi, Pehele Ghar Ke Chhote Bete Ki Maut, Aur Phir Uski Patni Ka Hi Uski Maut Mein Shamil Hona, Yeh Sun Kar Poore Parivaar Ki Zindagi Mein Toofaan AA Jaata Hai,

Yeh Baat Kisi Ke Liye Bhi Samajh Se Pare Thi, Jis Pragati Ne Teen Saal Tak Dilip Se Pyaar Kiya, Jiske Liye Usne Sabse Zid Ki, Aur Sirf 15 Din Pehle Hi Shaadi Karke Dilip Ke Saath Nayi Zindagi Shuru Ki, Aakhir Usne Hi Dilip Ko Marwa Diya.

Aakhir Pragati Ke Is Khooni Khel Ka Reason Kya Tha, Jo AB Saamne Aane Wala Tha, Yeh Dikhane Wala Tha Ki Aaj Ke Daur Mein, Kuch Insaan Apni Laalach Ke Liye Pyaar Ko Sirf Ek Khel Bana Dete Hain, Is Poore Case Ko Achhi Tarah Samajhne Ke Liye, Chaliye Kuch Saal Peeche Chalte Hain.

Anurag Yadav: Jhootha Swag, Nakli Zindagi Aur Ek Khatarnaak Pyaar

2020. Anurag Yadav, Pragati Ke Ghar Se Sirf 100 Meter Door Rehta Tha, Jo Fafun Mein Rehti Thi, 29 Saal Ka Anurag BSC Karne Ke Baad Gaon Mein Hi Rehne Laga Tha, Uske Paas Koi Theek-Thaak Kaam Nahi Tha, Lekin Phir Bhi Woh Apni Jhoothi Aur Shandar Zindagi Ka Dikhawa Karta Rehta Tha,

Branded Kapde Aur Shoes Pehen Kar, Mehngi Gaadiyon Mein Gaon Ke Chakkar Lagana, Flight Se Travel Karna Aur Mehngi Hotels Mein Rukna Anurag Aisi Zindagi Dikha Kar Poore Gaon Mein Apna Swag Jhaadta Rehta Tha,

Jabki Sach Yeh Tha Ki Apna Kharacha Chalane Ke Liye Woh Tractor Chalata Tha, Anurag Ke Is Jhoothe lifestyle Ko Dekh Kar, Pragati Dheere-Dheere Uski Taraf Attract Hone Lagi,

Halanki Dono Ke Ghar Paas-Paas The, Lekin Dono Parivaaron Ke Beech Bahut Doori Thi, Zameen Ke Jhagde Ko Lekar Dono Parivaaron Ke Beech Kai Baar Ladaai Huwi Thi, Aur Maamla Police Tak Pahunch Chuka Tha,

Isi Wajah Se Dono Parivaaron Ke Beech Kai Peedhiyon Se Dushmani Chal Rahi Thi, In Sab Jhagdon Ki Wajah Se Pragati Anurag Se Khulkar Baat Nahi Kar Sakti Thi, Lekin Use Door Se Dekha Karti Thi, Dusri Taraf, Anurag Ko Bhi Pragati Pasand Thi,

Ek Din Jab Pragati Jaanwaron Ko Chaara Daalne Gayi, To Anurag Ko Mauka Mil Gaya, Mauka Dekh Kar Anurag Ne Ek Chitti Par Apna Number Likha Aur Pragati Ko De Diya, Aur Use Phone Karne Ko Kaha,

Ameer Zindagi Ke Sapne Aur Ek Khatarnaak Rishta

Pragati Ke Paas Apna Mobile Nahi Tha, Isliye Parivaar Me Usne Apne Pita Ke Phone Se Anurag Ko Call Kiya Aur Baat Ki, Yeh Silsila Kai Din Tak Chalta Raha, Phone Par Shuru Huwi Baatein Dheere-Dheere Mulakaton Mein Badalne Lagi,

Pragati Ki Mausi Ka Ghar Auraiya Shehar Ke Paas Tha, Jahaan Woh Aksar Apni MAA Ke Saath Jaati Thi, Wahaan Se Sai Mandir Jaane Ke Bahaane Nikal Kar Woh Anurag Ko Milne Bulati Thi, Aur Har Baar Dono hotel Mein Milte The,

Dono Ke Beech Shuru Huwa Yeh Pyaar Is Hadd Tak Badh Gaya, Ki Pragati Ke Liye Anurag Ne Apna Asli Naam, Manoj Narayan Badal Kar Anurag Yadav Rakh Liya, Shuru Mein Dono Ke Parivaaron Ko Is Rishte Ki Zara Bhi Khabar Nahi Thi,

Lekin Yeh Sach Zyada Din Chhupa Nahi, Aur Ye Baat Dono Ke Ghar Tak Pahunch Hi Gayi, Pragati Ka Parivaar Is Rishte Ko Maan Nahi Raha Tha, Lekin Pragati Anurag Se Hi Shaadi Karna Chahti Thi, Isi Baat Par Woh Roz Apne Ghar Walon Se Jhagda Karti Thi,

Anurag Se Shaadi Karne Ka Junoon Us Par Is Kadar Chadh Gaya Tha, Ki Usne Apni Nas Tak Kaat Li Thi, Anurag Jo Use Ek High-Fi Zindagi Ke Sapne Dikha Raha Tha, Pragati UN Sapnon Ko Sach Maan Baithi Thi, Aur Use Lagta Tha Ki Anurag Ke Saath Uski Zindagi Bilkul Pari Kahani Jaisi Hogi,

Lekin Yeh Hi Uske Bade Sapnon Ki Sirf Ek Wajah Nahi Thi, Pragati Ki Badi Behen Parul Ki Shaadi 2019 Mein Ek Ameer Parivaar Mein Huwi Thi, Woh Apni Behen Ko Aish-o-Aaram Ki Zindagi Jeete Huwe Dekhti Thi, Aur Uske Saare Shauk Poore Hote Huwe Dekhti Thi,

Apni Behen Ki Achhi Zindagi dekh Kar, Aur Anurag Ki Baaton Mein AA Kar, Pragati Bhi Shaan-o-Shaukat Wali Zindagi Jeena Chahti Thi, Lekin Pragati Yeh Bhi Jaanti Thi Ki Parivaar Ki Dushmani Ki Wajah Se Woh Anurag Se Shaadi Nahi Kar Paayegi,

Teen Saal Ka Jhootha Pyaar: Pragati Ka Double Game Aur Dilip Ka Chakravyuh

Is Dushmani Ki Wajah Se Woh Anurag Se Shaadi Nahi Kar Paayegi, Aur Agar Shaadi Ho Bhi Jaaye, To Anurag Use Woh Zindagi Nahi De Paayega Jo Woh Jeena Chahti Thi, Kyunki Anurag Utna Ameer Nahi Tha, Pragati Ke Sapne Bahut Bade The, Aur Woh Apne Saare Sapnon Ko Haqeeqat Mein Jeena Chahti Thi, Lekin Anurag Ke Saath,

Isliye AB Pragati Ne Anurag Ke Dimaag Mein, Aisi Darindgi Ka Beej Boya, Jisse Uske Laalchi Iraade Poore Ho Sakein, Saala 2022 Pragati Ki Behen Parul Jis Parivaar Mein, Uski Shadi Huwi Thi, Woh Parivaar Paison Se Bahut Mazboot Tha, Aur Us Parivaar Ka Chhota Beta Dilip Bhi Abhi Tak Kuwara Tha,

Kyunki Pragati Apni Behen Se Milne Aksar Us Ghar Jaati Thi, ISI Wajah Se Dilip Bhi Apni Bhabhi Ke Maayke Aate-Jaate Rehta Tha, Isi Dauran Pragati Ki Dilip Se Aksar Mulaakaat Hone Lagi, Aur Yahin Se Dilip Pragati Ke Liye Apna Shikaar Ban Gaya,

Ek Sochi-Samjhi Chaal Ke Tahat, Pragathi Ne Pehle Dilip Se Dosti Ki, Aur Phir Milne-Julne Ke Bahaane Uske Aur Kareeb Aane Lagi, Dilip Poori Tarah Se Pragati Ke Bichhaaye Huwe Jaal Mein, Phans Chuka Tha, Apne Asli Iraadon Ko Chhupa Kar, Pragati Ne Sirf Kuch Hafton Ya Mahinon Tak Nahi, Balki Poore Teen Saal Tak Dilip Ke Saath Pyaar Ka Natak Karti Rahi,

Is Poore Natak Ke Beech, Sabse Hairaan Kar Dene Wali Baat Yeh Thi, Ki Pragati Ne Dilip Ki Mulaakaat Khud Anurag Se Kara Di, Aur Sirf Milwaya Hi Nahi, Balki Dono Ko Dost Bhi Bana Diya, Dilip Ko Zara Bhi Andaaza Nahi Tha, Ki Jis Anurag Ko Pragati Uska Dost Bata Rahi Hai, Asal Mein Wahi Anurag Pragati ko Zindagi Ka Sabse Gehra Raaz Tha,

Anurag Aur Pragati Ne Mil Kar Dilip Ki Seedhi-Saadhi Masoomiyat Ka Poora Fayda Uthaya, Ek Taraf Pragati Dilip Ke Saamne Pyaar Ka Natak Kar Rahi Thi, Aur Doosri Taraf Woh HAR Tarah Se Anurag Ke Saath Rishte Mein Thi, Yahan Plan Ke Mutabik, Pragati Ne Dilip Ko Yeh Bharosa Dila Diya, Ki Woh Usse Bahut Pyaar Karti Hai, Aur Uske Bina Zinda Nahi Reh Sakti,

Ek Ladki, Do Aashiq Aur Qatl Ki Planning

Badkismati Se Dilip Pragati Ke Bichhaaye Huwe Jaal Mein Poori Tarah Phans Chuka Tha, Yahan Tak Ki Usne Apne Parivaar Ke Khilaaf Jaakar Bhi Pragati Se Shaadi Karne, Ki Zid Pakad Li, Kitni Dardnaak Baat Hai, Ek Taraf Yeh Ladka Apne Pyaar Ke Liye Parivaar Se Lad Raha Tha,

Aur Doosri Taraf Pragati Pyaar Ke Naam Par Uske Liye, Chakravyuh Rach Kar Uski Zindagi Khatam Karne Ki Saazish Rach Rahi Thi, Aakhirkaar Uska Aadha Plan Tab Poora Ho Gaya, Jab Dilip Ke Parivaar Ki Razaa Mandi Se Dono Ki Shaadi Tay Ho Gayi,

Dilip Ke Parivaar Ki Razaa Mandi Se Dono Ki Shaadi Ho Gayi, Jahan Ek Taraf Uska Shaitaani Dimaag Dilip Ko Khatam Karne Ki Planning Mein Laga Huwa Tha, Wahi Doosri Taraf Chehre Par Muskaan Saja Kar Woh Dilip Ke Parivaar Ka Dil Jeet Rahi Thi, Saare Rasmon-Riwaaz Poore Hone Ke Baad, Chauthaa Din Ke Baad Pragati Apne Maayke Chali Jaati Hai,

Lekin Uske Lautne Ki Asli Wajah Yeh Thi, Ki Woh Anurag Se Milne Ke Liye Bechain Thi, 17 March Ko Pragati Usse Hotel Mein Milti Hai, Aur Wahin Baith Kar Who Reel Record Karti Hai, Dekhne Walon Ko Lagta Hai Ki Pragati Apni Shaadi Se Bahut Khush Hai, Lekin Is Hansi Ke Naqaab Ke Peeche Baith Kar, Woh Apne Plan Ko Aakhri Manzil Tak Pahunchane Wali Thi,

Shuruaat Se Hi Pragati Ki Planning Yahi Thi, Ki Dilip Ko Pyaar Ke Jaal Mein Phansa Kar, Uski Jaan Le Li Jaaye, Aur Woh Yeh Sab Isliye Kar Rahi Thi, Kyunki Woh Dilip Ki Carodon Ki Daulat Chahti Thi, Taaki Us Paise Ke Saath Anurag Ke Saath Aish-o-Aaram Ki Zindagi JEE Sake,

Isiliye Usne Aise-Aise Tareeke Soch Ne Shuru Kar Diye Jisse Dilip Mar Jaaye Aur Kisi Ko UN Par Shaq Bhi Na Ho,

2 Lakh Ka Murder Contract: Pragati–Anurag Ki Khooni Saazish

Anurag Ne Apne Cousin Bhai Durlabh Yadav Ko Is Plan Ka Hissa Banaya, Jo Ladaku Swabhaav Ka Tha, Aur Jiska Criminal Background Bhi Tha, Poora Maamla Samajhne Ke Baad, Durlabh Ne Apne Dost Aur History Sheeter Ram Ji Nagar Ko Hire Kiya, Aur Ram Ji Nagar Ne Dilip Ko Maarne Ka Contract 2 Lakh Rupaye Mein Liya, Jismein 1 Lakh Ka Advance Aur 1 Lakh Kaam Ke Baad Dena Tha,

Lekin Problem Yeh Thi Ki Anurag Aur Pragati Ke Paas Itne Paise Nahi The, Isliye Pragati Ne Apna Dimaag Lagaya Aur Shaadi Ke Samay Mile 70,000 Rupaye Apne Pass Rakh Liye, Aur Baaki Ke 30,000 Rupaye Khud Dilip Se Hi Maang Liye, Dilip Apni Hone Wali Biwi Ke Iraadon Se Bilkul Anjaan, Use Zara Sa Bhi Andaaza Nahi Tha, Ki Uski Apni Maut Ke Liye Hi Sauda Kiya Ja Raha Hai,

Ek Taraf Pragati Ne 1 Lakh Ka Intezaam Kiya, Aur Doosri Taraf Anurag Baaki Ke 1 Lakh Ikattha Karne Laga, Jab Murder Contract Ke Liye Poore Paise Jama Ho Gaye, To AB Is Saazish Mein Pragati Aur Anurag Ke Alawa Durlabh Yadav, History Sheeter Ram Ji Nagar Aur Uska Dost Shivam Yadav Bhi Shamil Ho Gaye,

Ab Yeh Sab Log Sahi Mauke Ka Intezaar Kar Rahe The, Ki Kab Dilip Ghar Se Kaam Ke Liye Nikle, Aur Use Is Tarah Maara Jaaye Ki Logon Ko Yeh Qatl Nahi, Balki Ek Accident Lage,19 March 2025 Ko, Jab Dilip Ne Bela Gaon Se Laut Te Waqt Pragati Ko Phone Kiya, To Pragati Ne Turant Anurag Ko Dilip Ki Location Bata Di,

Anurag, Ram Ji Nagar, Durlabh Aur Shivam Ko Us Jagah Le Gaya Taaki Dilip Ko Pehchaan Sake, Aur Pehchaan Karwane Ke Baad Khud Wahan Se Laut Gaya, Iske Baad Yeh Teen Dilip Ka Peecha Karne Lage, Jo Is CCTV Footage Mein Saaf Nazar Aata Hai,

Peecha Karte Huwe Unhone Ek Sunsaan Jagah Par Dilip Ki Hydra ROK Li, Aur Bahana Banaya Ki Unki CAR Kharab Ho Gayi Hai, Aur Unhe Madad Chahiye, Dilip Unki Asli Niyat Se Bilkul Anjaan, Unse Poochta Hai Ki CAR Kahan Khadi Hai, Taaki Woh Madad Kar Sake,

Gehu Ke Khet Mein Khooni Hamla: Jab Teenon Ne Milkar Dilip Par Waar Kiya

Dilip Ke Itni Aasani Se Maan Jaane Par, Ram Ji Nagar Use, Khud Aur Durlabh Ke Beech Apache Bike Par Baitha Leta Hai, Aur Location Dikhane Ke Bahaane Use Palia Gaon Ke Ek Gheun Ke Khet Mein Le Jaate Hain, Jahan Shivam Doosri Bike Se Pehle Hi Pahunch Chuka Hota Hai, Dilip Khet Mein Idhar-Udhar Dekhta Hai, Lekin Use Koi CAR Nazar Nahi Aati,

Usse Kuch Samajh Aata Isse Pehle Hi, Teeno Milkar US Par Hamla Kar Dete Hain, Pehle Use Buri Tarah Peeta Jaata Hai, Phir Bandook Ke Butt Se Uske Sir Par Kai Baar Waar Kiya Jaata Hai, Isi Gusse Aur Haad Bada Hat Mein, Durlabh Gusse Mein AA Kar Desi Katta Se Dilip Ke Sir Ke Piche Goli Maar Deta Hai,

Teeno Ko Lagta Hai Ki Dilip Mar Chuka Hai, Isliye Woh Uski Laash Wahi Khet Mein Chhod Kar, Bhaag Jaate Hain, Jiske Baad Woh Do Din Tak Zindagi Se Ladta Raha Aur Hospital Mein Uski Maut Ho Gayi, Pragati Aur Anurag Ko Lag Raha Tha, Ki Unhone Yeh Plan Bahut Chaalaaki Se Anjaam Diya Hai,

Lekin Police Ko Mile CCTV Footage Ki Wajah Se Ek-Ek Karke Sab Pakde Gaye, Aur Is Saazish Se Parda Fash Uth Gaya, Jaise Hi Ram Ji Nagar, Pragati Aur Anurag Ki Giraftari Ki Khabar Faili, Durlabh Aur Shivam Yadav Farar Ho Gaye, Isliye Police Ne Dono Par 25-25 Hazaar Rupaye Ka Inaam Ghoshit Kiya, Aur Unki Talaash Kai Jagahon Par Shuru Kar Di,

Iske Saath Hi Police Ne Kai Jagahon Par Check Post Bhi Laga Diye The.

Aakhirkaar 27 March 2025 Ki Raat Jab Durlabh Aur, Shivam Shahbazpur Bamba Area Mein, Bane Police Check Post Ko Cross Karne Ki Koshish Kar Rahe The, To Police Ne Unhe Pehchaan Liya, Jiske Baad Dono Wahan Se Bhaagne Lage, Police Ne Unka Peecha Karke Pakad Ne Ki Koshish Ki, To Dono Ne Police Par Firing Shuru Kar Di,

Jawabi Firing Mein Police Ne Dono Ke Pairon Par Goli Maari, Aur Unhe Kabu Mein Kar Liya, Police Ne Unke Paas Se Do Pistols, Live Cartridges, Ek Bike, Do Mobile Phones, Ek Aadhaar Card Aur 3000 Rupaye Cash Baramad Kiye,

Filhaal Is Case Mein Section 103 Yaani Murder Ki Saza

Section 61 Criminal Conspiracy

Aur Section 35 Lagayi Gayi Hai.

Jismein Agar Jurm Sabit Ho Jaata Hai, To IN Sab Logon Ko Faansi Ya Umar Kaid Ki Saza Ho Sakti Hai.

CONCLUSION.

Yeh Kahani Sirf Ek Murder Case Ki Nahi Hai, Yeh Kahani Hai Lalach, Dhokhe Aur Galat Pyaar Ki, Jahan Pyaar Ke Naam Par Ek Masoom Ladke Ki Zindagi Chheen Li Gayi, Dilip Singh Yadav, Jo Apne Parivaar Ke Sapne Poore Kar Raha Tha, Jo Apni Nayi Shaadi Aur Nayi Zindagi Ke Khwab Dekh Raha Tha, Usi Ko Uski Hi Patni Aur Uske Lover Ne Milkar Maut Ke Hawale Kar Diya.

Yeh Case Humein Yeh Sikhaata Hai Ki Kabhi Bhi Kisi Par Andha Bharosa Nahi Karna Chahiye, Chahe Woh Apna Hi Kyun Na Ho, Pyaar Jab Laalach Aur Swarth ME Badal Jaata Hai, Toh Woh Sirf Rishton Ko Hi Nahi Todta, Balki Poori Zindagi Ko Barbaad Kar Deta Hai,

Is Case Ne Ek Baar Phir Saabit Kar Diya Ki Jurm Chahe Jitni Chaalaaki Se Kiya Jaaye, Sach Kabhi Na Kabhi Saamne Aa Hi Jaata Hai,

AWARENESS.

Is Case Se Humein Bahut Badi Seekh Milti Hai.

Agar AAP Kisi Relationship Me Hain Aur Aapko Lagta Hai Ki Koi Aapse Jhooth Bol Raha Hai, Manipulate Kar Raha Hai, Ya Aapko Emotionally Ya Mentally Control Kar Raha Hai, Toh Use Ignore Mat Kijiye.

Shaadi Ya Pyaar Sirf Emotions Par Nahi, Balki Trust, Honesty Aur Safety Par Tikta Hai, Ladki Ho Ya Ladka Agar Aapko Apne Partner Ke Behaviour Me Kuch Galat Lag Raha Hai, Toh Turant Apne Parivaar Ya Kisi Bharosemand Insaan Se Baat Kijiye.

Kabhi Bhi Apni Problems Ko Akele Mat Jhe Liye, Kyunki Chup Rehna Kai Baar Zindagi Ke Liye Khatra Ban Jaata Hai, Yeh Bhi Zaroori Hai Ki Hum Apne Aas-Paas Ke Logon Ke Behaviour Par Dhyaan Dein, Kyunki Kai Baar Jurm Ghar Ke Andar Hi Pal Raha Hota Hai.

DISCLAIMER.

Is Article Me Di Gayi Jaankari Public Domain Reports, Police Investigation, Media Sources Aur Available Court Related Information Par Aadharit Hai, Iska Uddeshya Sirf Jankari Dena Aur Samaj Me Awareness Failana Hai.

Is Article Ka Maksad Kisi Vyakti, Parivaar Ya Samaj Ke Kisi Bhi Varg Ko Badnaam Karna Nahi Hai. Yahan Bataye Gaye Sabhi Aarop Aur Ghatnayein Abhi Investigation Aur Court Ke Faisle Par Nirbhar Karti Hain.

Hum Kisi Bhi Aaropi Ko Tab Tak Doshi Nahi Mante Jab Tak Adalat Ke Dwara Final Decision Na AA Jaye. Is Article Me Di Gayi Jaankari Ko Kisi Bhi Legal Evidence Ke Roop ME Na Liya Jaaye.