Shweta Rohit Jaipur Double Murder Case:

7 January 2020 Ki Shaam Ek Aisi Doorbell Baji Jisne Sirf Ek Ghar Ki Khamoshi Nahi, Balki Ek MAA Ki Zindagi Bhi Hamesha Ke Liye Khatam Kar Di, Shweta Ne Darwaza Khola, Saamne Wahi Insaan Tha Jise Woh Apna Samajhti Thi, Kuch Hi Minute Baad Ghar Ke Andar Se Aane Wali Cheekhen Ne Sab Kuch Badal Diya,

Khoon Se Bhara Floor Bejaan Padi Shweta Ki Body, Aur Sabse Daraane Wali Baat Uska 21 Mahine Ka Beta Shreyam Achanak Gayab, Yeh Sirf Ek Murder Nahi Tha, Balki Ek Aisi Saazish Thi Jisme Bharosa, Dhokha Aur Darindgi Sab Kuch Shamil Tha, Aakhir Kaun Tha Woh Shaks Jise Shweta Ne Apne Haathon Se Ghar Ke Andar Bulaya, Aur Us Masoom Bachche Ka Kya Huwa?

Ghar Ke Andar Vishwas Ka Qatl Moosal Se Ki Gayi Berahmi Se Hatya

7 January 2020 Jab Doorbell Baji Aur Shweta Ne Darwaza Khola, Toh Saamne Khada Insaan Uske Liye Bilkul Anjaan Nahi Tha, Shweta Ne Use Andar Bithaya, Uski Khariyat Poochi Aur Chai Laakar Di, Jise Shweta Apna Samajh Kar Ghar Ke Andar Laayi Thi, Wahi Insaan Aaj Shaitaan Bankar Bure Iraade Lekar Aaya Tha,

Chai Peene Ke Baad Mauka Dekhkar Usne Kitchen Me Rakhe, Adrak Kutne Wale Moosal Se Shweta Ke Sir Par Vaar Karna Shuru Kar Diya, Shweta Zor-Zor Se Chillane Lagi, Kyunki Us Waqt Ghar Me Uske Alawa Uska 21 Mahine Ka Beta, Shreyam Kamre Ke Andar SO Raha Tha, Hamla Itna Achanak Tha Ki Shweta Ko Khud Ko Bachane Ka Mauka Bhi Nahi Mila,

Shaam Ko Jab Maid Ghar Ke Andar Aayi, Toh Khoon Se Lathpath Shweta Ki Laash Dekhkar Dahshat Me AA Gayi, Insaniyat Ki Saari Hadein Paar Ho Chuki Thi Shayad Koi Darinda Bhi Itna Neeche Na Girta, Soochna Milte Hi Police Apartment Pahunchi, Jahan Har Taraf Khoon Ke Nishaan The, Aur Kamre Me Shweta Ki Dead Body Padi Thi, Laash Ki Haalat Dekhkar Lag Raha Tha, Ki Sir Aur Jabde Par Kisi Bhaari Cheez Se Vaar Kiya Gaya Tha,

Police Ne Dekha Ki Shweta Ka Mobile Phone Gayab Tha, Lekin Baaki Saamaan Apni Jagah Par Tha, Isliye Loot Ka Angle Kamzor Lag Raha Tha, Lekin Sabse Badi Baat Yeh Thi Ki Shweta Ka Beta Shreyam Kahin Nahi Mil Raha Tha, Pura Flat Chaan Mara Gaya, Phir Bhi 21 Mahine Ka Bachcha Gayab Tha, Sirf Uski Milk Bottle Aur Khilaune Ghar Me Mile,

Jaipur Murder Mystery: Wife Ki Hatya, 21 Mahine Ka Beta Laapata

Yeh Baat Saal 2011 Ki Hai Shweta Kanpur Ki Rehne Wali Thi, Aur Rohit Delhi Ka Tha Rohit Tiwari Peshe Se Ek Chemical Engineer Tha, Aur IOCL Me Officer Ke Pad Par Tainaat Tha, Transfer Ki Wajah Se Yeh Log Is Haadse Se Lagbhag Derh Se Do Saal Pehle Jaipur Shift Ho Gaye The,

Unka Ek Beta Tha Shreyam, Jo Shaadi Ke Saat Saal Baad Bahut Duaaon Ke Baad Paida Huwa Tha, Shreyam Ke Aane Se Ghar Me Khushiyon Ka Mahaul Tha, Lekin Kisne Socha Tha Ki Is Hasta-Khelta Parivaar Ko Kisi Ki Buri Nazar Lag Jayegi,

7 January 2020 Shaam 5:30 Baje Us Waqt Rohit Apne Office ME Tha, Jab Usse Padosi Ajay Ka Phone Aaya, Rohit Turant Ghar Ki Taraf Dauda, Flat Ke Bahar Bheed Jama Ho Chuki Thi, Police Force Dog Squad Aur Media Bhi Pahunch Chuke The, Rohit Subah Ghar Se Nikla Tha,

Lekin Jab Wapas Aaya To Ghar Ek Crime Scene Ban Chuka Tha, Uski Wife Ka Murder Ho Chuka Tha, Aur Uska 21 Mahine Ka Beta Laapata Tha, Do Ghante Baad Shaam 7:30 Baje Rohit Ko Ek Message Milta Hai, Agar Apne Bete Ko Zinda Dekhna Chahte Ho To ₹30 Lakh Ka Intezaam Karo,

Shreyam Ko Kidnap Kar Liya Gaya Tha, Aur ₹30 Lakh Ki Ransom Demand Ki Gayi, Hairani Ki Baat Yeh Thi Ki Yeh Message Shweta Ke Mobile Number Se Bheja Gaya Tha, Rohit Ne Turant Police Ko Inform Kiya Aur Shweta Ke Bhai Shubham Ko Bhi Message Forward Kar Diya, Woh Kanpur Se Jaipur Ke Liye Nikal Pade,

Na Saboot, Na Gawah Ek Personal CCTV Bana Police Ka Sabse Bada Clue

Rohit Ne Pehle Shweta Ke Murder Aur Bete Ke Kidnapping Ki FIR Darj Karayi, Ransom Message Ko Surveillance Par Daal Diya Gaya, Yeh Crime Ek Posh Society Ke Apartment Me Huwa Tha, Hairani Ki Baat Yeh Thi Ki Itni Badi Society Me Sirf Kuch Jagah Hi CCTV Cameras The, Aur Unme Se Bhi Kuch Hi Kaam Kar Rahe The,

Main Gate Par Entry-Exit Ka Bhi Koi Khaas Record System Nahi Tha, Isliye Police Ke Liye Case Solve Karna Bahut Bada Challenge Ban Gaya, Na Koi Pakka Saboot Tha, Na Koi Eye Witness, Lekin Kehte Hain Jab Sab Darwaze Band Hote Hain, To Kahin Na Kahin Ek Naya Raasta Khulta Hai Aur Yahan Bhi Aisa Hi Huwa,

Building Me Har Jagah CCTV Nahi Tha, Lekin Shweta Ke Ek Padosi Ne Apna Personal CCTV Lagaya Huwa Tha, Jisne Police Ka Dhyan Kheench Liya, Us Camera Ka Angle Seedha Shweta Ke Main Door Ko Cover Karta Tha, Police Ne Jab Padosi Se Baat Ki To Pata Chala Ki Unka Parivaar Trip Par Gaya Huwa Hai Aur Flat Khali Hai,

Police Ne Unhe Poora Case Samjhaya Aur Footage Ki Ahemiyat Batayi, Ek Zimmedar Nagrik Ki Tarah Unhone Poori Madad Ki, Police Unki Permission Se Piche Ki Balcony Se Flat Me Ghusi Aur 7 January Ki Footage Check Karna Shuru Ki, Footage Me Dopahar Ke Waqt Ek Aadmi Nazar Aaya, Jiska Chehera Kapde Se Dhaka Huwa Tha,

Sardi Ka Mausam Tha Isliye Usne Woolen Cap Pehni Huwi Thi, Woh Apni Baahon Me Ek Bachche Ko Kambal Me Lapetkar Ghar Se Bahar Nikal Raha Tha, Police Ko Shak Pakka Ho Gaya, Ki Isi Ne Shweta Ka Murder Kiya, Aur Shreyam Ko Kidnap Kiya,

Bachche Ko Surakshit Wapas Lana Police Ki Sabse Badi Priority Ban Gayi, Isliye Police Ne Poori Taqat Jhonk Di, Forensics Se Lekar Plain Clothes Officers Tak, Lagbhag 150-200 Police Karmiyon Ki Team Ne Door-To-Door Survey Shuru Kiya, Pichle Derh-Do Saalon Me Shweta Aur Rohit Kin-Kin Logon Se Mile, Sabki List Banayi Gayi Aur Poochtaach Shuru Huwi,

Shaq Ki Sui Husband Par: Tanav Bhari Shaadi Aur Police Investigation Ka Pehla Mod

Aise Cases Me Aksar Pehla Shaq Husband Par Hi Jaata Hai. Isliye Is Case Me Bhi Police Ka Pehla Shaq Rohit Par Hi Gaya.

Isi Dauraan Shweta Ka Parivaar Kanpur Se Jaipur Pahunch Gaya, Jab Police Ne Unse Shweta Ki Shadi-Shuda Zindagi Ke Baare Me Poocha, To Unhone Jo Sach Bataya Use Sunkar Police Bhi Hairaan Reh Gayi, Shweta Aur Rohit Ki Married Life Kaafi Tanav Bhari Thi, Shaadi Ke Pehle Din Se Hi Dono Ke Beech Jhagde Shuru Ho Gaye The,

Shaadi Ke Din Bhi Yeh Behas Huwi Thi Ki Function Kanpur Me Hoga Ya Nahi, Aakhirkaar Ghaziabad Se Shaadi Karne Ka Faisla Liya Gaya, Shaadi Ke Baad Bhi Dono Ke Beech Ladai-Jhagde Chalte Rahe, Rohit Ne Kai Baar Shweta Par Haath Bhi Uthaya Tha, Shweta Ke Pita Ne Bataya Ki Murder Se Sirf Do Din Pehle, Yani 5 January Ko Rohit Ne Unhe Phone Karke Apni Beti Ko Le Jaane Ko Kaha Tha,

Unka Yeh Bhi Kehna Tha Ki Rohit Sasural Ki Property Par Apna Haq Jamana Chahta Tha, In Sab Baaton Ki Wajah Se Shweta Ka Parivaar Rohit Ko Hi Apni Beti Ka Qatil Maan Raha Tha, Police Ki Nazar Me Bhi Rohit Ab Prime Suspect Ban Chuka Tha, Lekin Police Ke Saamne Sabse Bada Sawaal Yeh Tha Ki Ek Baap Apne 21 Mahine Ke Bachche Se Kya Dushmani Rakhega?

Police Ke Liye Sabse Badi Chunauti Shreyam Ko Dhoondhna Thi, Isliye Police Us Number Ko Trace Karne Me Lagi Huwi Thi, Kidnapper Baar-Baar Apni Location Badal Raha Tha, Rohit Ne Police Se Kaha Ki Woh Ransom Dene Ko Tayyar Hai, Bas Uska Beta Theek-Thaak Mil Jaaye, Case Aur Zyada Ulajhta Ja Raha Tha, Ek Taraf Shweta Ke Parents Rohit Par Shaq Kar Rahe The, Dusri Taraf Rohit Investigation Me Poori Tarah Police Ka Saath De Raha Tha,

Shaq Ka Ghera – Husband Bana Prime Suspect

Police Investigation Me Kai Sawaal Uth Rahe The, Unme Se Ek Yeh Bhi Tha Ki Shweta Ke Sasural Wale Murder Ke Baad Bhi Jaipur Kyun Nahi Aaye, 8 January 2020 Ko Police Ka Darr Sach Ho Gaya, Agle Din Dopahar Kareeb 12:30 Baje Apartment Ke Peeche Jhaadiyon Me Shreyam Ki Laash Chadar Me Lipti Huwi Mili,

Jab Rohit Police Ke Saath Wahan Pahucha Aur Apne Bete Ki Laash Dekhi, To Woh Shock Me Zameen Par Gir Pada, Police Ke Saamne Sabse Bada Sawaal Tha, Ki Jab 30 Lakh Ki Ransom Demand Ki Gayi Thi, To Phir Bachche Ko Kyun Maar Diya Gaya? Postmortem Report Se Pata Chala Ki Shreyam Ki Maut Ka Waqt Bhi Uski MAA Shweta Ke Barabar Hi Tha,

Isse Yeh Saaf Ho Gaya Ki Yeh Kidnapping Nahi Balki Double Murder Ka Case Hai, Sabse Hairani Ki Baat Yeh Thi Ki Laash Milne Ke Baad Bhi Rohit Ko Ransom Messages Aate Rahe, Matlab Killer Ko Yeh Pata Hi Nahi Tha Ki Police Ko Bachche Ki Dead Body Mil Chuki Hai, Police Ne Andaza Lagaya Ki Asli Maqsad Ko Chhupaane Ke Liye Kidnapping Ka Drama Kiya Gaya Tha,

Case High profile Ban Chuka Tha Media Aur Siyasat Ka Dabav Police Par Badh Raha Tha, Police Ko Yeh Jaan Na Zaroori Tha, Ki Rohit Ka Isme Kitna Haath Hai, Isliye Police Rohit Ke Office Pahunchi, Murder Ke Din Rohit Poora Din Office Me Meetings Me Tha, Aur Uski Mobile Location Bhi Wahi Dikha Rahi Thi, Staff Ne Bhi Is Baat Ki Tasdeeq Ki,

Police Ko Rohit Ke Khilaaf Koi Solid Evidence Nahi Mila, Isliye Police Ne Dusre Links Par Focus Karna Shuru Kiya, Ransom Message Shweta Ke Number Se AA Raha Tha, Lekin Woh Number Kisi Location Se Operate Ho Raha Tha, Yeh Trace Karna Zaroori Tha,

Double Murder Ka Sach – Kidnapping Sirf Ek Jaal

Surveillance Me Police Ko Pata Chala Ki Number 6 Alag-Alag Locations Se Active Huwa Tha, Jinme Se Ek Location Sanganer Tha, Investigation Me Pehle Bhi Sanganer Ka Naam Aaya Tha, Isliye Police Turant Wahan Pahunchi,

Ek Ghar Ke Bahar Police Ko Wahi Shoes Dikhe Jo CCTV Footage Me Nazar Aaye The, Aakhirkaar Police Ne Saurav Chaudhary Ke Naam Ke Ek Vyakti Ko Pakad Liya, Jo Rohit Ke Dost Hari Singh Ka Sala Tha, Interrogation Shuru Huwa,

Jab Rohit Ko Saurav Ke Saamne Laya Gaya To Rohit Ne Uske Liye Sakht Saza Ki Demand Ki, Lekin Asli Khel AB Shuru Huwa, Saurav Toot Gaya Aur Usne Aisa Khulasa Kiya Jisne Sabko Hila Diya, Rohit Jo Sabke Saamne Dukhi Pati Aur Pita Ban Raha Tha, Asal Me Poore Murder Ka Mastermind Tha,

Rohit Aur Shweta Ke Rishte Kabhi Ache Nahi Rahe, Rohit Shweta Se Chutkaara Paana Chahta Tha, Usne Apne Dost Hari Singh Se Yeh Baat Share Ki, Hari Singh Ne Uski Mulaqat Apne Sala Saurav Se Karwai, Dono Ke Beech Ek Daraawna Agreement Huwa, Ek Doosre Ki Biwiyon Ka Murder.

Khaufnaak Saazish – Ek Doosre Ki Biwiyon Ko Maarne Ka Deal

Police Ko Pata Chala Ki 22 December Ko Rohit Ne Ek News Article Ka Screenshot Liya Tha, Jisme Husband Ne Wife Ka Murder Kiya THA, Agle Din Se Usne Apne Office Ke CCTV Plugs Hata Diye, Matlab Usne Plan Pehle Hi Bana Liya Tha,

3 January Ko Rohit Aur Saurav Hotel Me Mile Aur Poori Planning Final Ki, Rohit Ne Saurav Ko ₹10,000 Advance Diye, Plan Tha Ki Shweta Aur Shreyam Dono Ko Maar Diya Jaaye, Aur Kidnapping Ka Natak Rachkar Police Ko Gumrah Kiya Jaaye,

Murder Ke Din Rohit Ne Jaan-Bujhkar Office Me Meetings Rakhi, Taaki Uski Planning Me Evidence Strong Rahe, Saurav Bachche Ki Laash Ko Zameen Me Daba Nahi Paaya Kyunki Use Darr Tha Ki Koi Dekh Lega, Isliye Usne Jhaadiyon Me Phenk Diya,

Sabse Shocking Sawaal Yeh Tha Ki Ek Baap Ne Apne Hi Bachche Ko Kyun Marwaya, Rohit Ne police Ko Bataya Ki Woh Apni Purani Zindagi Ko Poori Tarah Khatam Karke Nayi Zindagi Shuru Karna Chahta Tha, Aur Uske Hisaab Se Bachcha Uske Liye Rukawat Tha,

Jaipur Police Ka Operation – 50 Ghante Me Suljhi Murder Mystery

Is Case Me Jaipur Police Ki Jitni Tareef Ki Jaaye Kam Hai. Teen Din Tak Officers Ghar Nahi Gaye Aur Sirf 50 Ghante Me Case Solve Kar Diya. Sach Samne Aaya To Sabko Hila Diya Insaniyat Ki Hadein Paar Ho Chuki Thi. Yeh Sirf Ek Murder Nahi Balki Ek Shaitani Soch Ka Nateeja Tha.

CONCLUSION.

Yeh Poori Kahani Sirf Ek Crime Story Nahi, Balki Ek Sakht Sabak Bhi Hai Ki Gusse, Shaq Aur Swarth Ke Faisle Aksar Zindagi Ko Barbaadi Ki Taraf Le Jaate Hain. Kisi Bhi Rishtay Me Communication Aur Samajhdaari Sabse Zaroori Hoti Hai, Warna Chhoti Si Nafrat Bhi Ek Bhayanak Anjaam Tak Pahunch Sakti Hai. Is Tarah Ke Cases Hume Yeh Yaad Dilate Hain Ki Kanoon Se Bada Koi Nahi Hota, Aur Har Jurm Ka Anjaam Saza Hi Hota Hai.

AWARENESS.

• Agar AAP YA Aapke Aas-Paas Koi Vyakti Mental Stress, Domestic Violence YA Relationship Pressure Se Guzar Raha Ho, Toh Turant Madad Lein Legal Support, Counseling YA Trusted Logon Se Baat Karein. Ek Galat Kadam Na Sirf Apni Zindagi, Balki Kai Masoom Zindagiyan Bhi Khatre Me Daal Sakta Hai.

DISCLAIMER.

Yeh Article Sirf Jaankari Aur Awareness Ke Liye Tayyar Kiya Gaya Hai. Iska Uddeshya Kisi Vyakti, Samudaay YA Parivaar Ki Bhavnaon Ko Thes Pahunchana Nahi Hai. Case Se Judi Jaankari Public Reports Aur Investigation Updates Par Aadharit Hai; Antim Faisla Hamesha Kanooni Prakriya Aur Court Ke Nirnay Par Nirbhar Karta Hai.