Nandita Saikia Murder Case: Lakhimpur Assam Student Full Story

21 August 2021, Shaam 4:30 Baje Assam Ke Lakhimpur District Ke Dhakuakhana Me Rehne Wali Junali Saikia Ke Mobile Par Ek Call Aata Hai, Call Unki 20 Saal Ki Beti Nandita Saikia Ka Tha, Sirf Do Shabd Maa Aur Uske Baad Call Cut Ho Jata Hai.

Ye Sirf Do Shabd The, Lekin Ek Maa Ke Liye Kaafi The. Junali Turant Samajh Gayi Ki Kuch Bahut Galat Ho Chuka Hai. Dil Ghabra Gaya, Saansein Tez Ho Gayi, Aur Man Me Ek Anjaana Dar Baith Gaya.

Ek Aadmi Scooter Se Utra, Seedha Un Dono Ladkiyon Ki Taraf Badha Aur Achanak Haath Me Hathiyaar Nikaal Kar Hamla Kar Diya,

Maa Ka Dar Sach Me Badal Gaya

Bina Waqt Gawaye Junali Ne Rote Huwe Apne Pati Naveen Saikia Ko Phone Kiya Aur Sab Bata Diya.

Devadatta Dutta ko Phone Milaya, Jo Us Din Kashmina Dutta Aur Nandita Ko College Se Ghar Chhodne Wale The.

Lekin Baar-Baar Phone Karne Ke Baad Bhi Jab Devadatta Ka Phone Nahi Uthaya,

Naveen Apne Bete Dibakar Ko Jo Family Shop Par Baitha Tha, Sab Kuch Batakar, Uske Saath Motorcycle Par Dhemaji Town Ki Taraf Chal Pade,

Abhi Who Nandita Ke College Ke Liye Nikle Hi The Ki Raaste Me Dipankar Ke Phone Par Ek Call Aata Hai,

Jisme Unhe Turant Dhemaji Hospital Pahunchne Ko Kaha Jata Hai.

Dono Seedha Hospital Pahunchte Hain. Jaise Hi Unki Nazar Devadatta Aur Kashmina Par Padti Hai, Jo Zakhmi Haalat Me The, To Unke Hawaas Udd Jaate Hain,

Naveen Kuch Pooch Paate, Usse Pehle Hi Devadatta Kapthi Huwi Awaaz Me Us Bhayanak Ghatna Ki Kahani Sunane Laagta Hai, Jo Din Ke Ujale Me, Bazaar Ke Beech Huwi Thi.

Exam Ka Din, Jo Aakhri Din Ban Gaya

21 August 2021 Ghatna Se Lagbhag 7 Ghante Pehle Assam Ke Dhemaji District Ke Moridhal College Me BA Padh Rahi Nandita Saikia,

Apne Pita Naveen Saikia Ke Saath Subah Ghar Se Nikli Aur Apni Classmate Kashmina Dutta Ke Ghar Pahunchi,

Kyunki Exam 12:30 Baje Shuru Hone Wala Tha, Isliye Nandita Kashmina Ke Ghar Ruk Gayi Aur Dono Ne Saath Baithkar Revision Shuru Ki,

12:30 Baje Exam Shuru Huwa, Kashmina Ke Pita Devadatta Dutta Ne Bike Par Baithakar Dono Ladkiyon Ko College Chhoda,

Aur Campus Ke Paas Hi Ruk Gaye, Exam Khatam Hone Ka Intezaar Karne Laga,

Teen Ghante Baad Yaani 3:30 Baje Nandita Aur Kashmina Exam Dekar College Se Bahar Nikli,

Nandita Ne Turant Apni Maa Junali Ko Phone Kiya Aur Bataya Ki Exam Achha Gaya, Aur Who Thoda Kuch Kha-Pee Kar Hi Ghar Aayegi.

Iske Baad Kashmina Ne Apne Pita Devadatta Ko Phone Kiya Aur Bola Ki Who Unhe Bike Se Lene Aa Jaayein.

Devadatta Raaste Me Ki The Unhone Dono Ladkiyon Se Kaha Ki College Canteen Me Kuch Kha Lo,

Lekin Jab Canteen Me Kuch Khane Ko Nahi Mila, To Devadatta Ne Dono Ko Bike Par Bithaya Aur College Se 7 Kilometer Door Dhemaji Town Ki Taraf Le Aaye,

Devadatta Ne ASTC Bus Stand Ke Saamne, Drug House Medical Store Ke Aage Bike Roki,

Kashmina Ko ₹200 Diye Aur Kaha Ki Who Tab Tak Snacks Le Le. Devadatta Khud Bike Park Karne Chala Gaya.

Bazaar Ke Beech Khooni Hamla,

Jab Devadatta Bike Park Kar Raha Tha, Tab Ek Aadmi Scooter Se Utra, Seedha Un Dono Ladkiyon Ki Taraf Badha,

Aur Achanak Haath Me Dao dhaar-daar hathiyaar Nikaal Kar Hamla Kar Diya.

Us Aadmi Ne Pehle Devadatta Ke Baaye Haath Par Vaar Kiya, Phir Unke Sir Par Hamla Karne Ki Koshish Ki,

Lekin Devadatta Ke Sir Par Helmet Tha, Isliye Dao Phisal Gaya Aur Seedha Seene Me Ghus Gaya.

Khoon Se Lathpath Apne Pita Ki Cheekh Sun Kar Kashmina Unki taraf daudi, lekin us aadmi ne Kashmina ke sir par Dao se vaar kar diya,

Hamla Itna Tez Tha Ki Kuch Hi Pal Me Kashmina Khoon Se Latpat Sadak Par Gir Gayi,

Yahin Par Who Aadmi Nahi Ruka Nandita, Jo Kashmina Ke Saath Apne Pita Ko Bachane Aayi Thi, Us Par Us Aadmi Ne Aur Bhi Berahmi Se Hamla Kiya,

Please Mujhe Chhod Do Lekin Reham Nahi,

Usne Hathiyar Se Nandita Ke Seene Aur Sir Par Teen Baar Vaar Kiya,

Apni Aankhon Ke Saamne Us Aadmi Ki Deewangi Dekh Kar, Nandita Darr Se Cheekhte Huwe Usse Bheekh Maangne Lagi, Ki Use Chhod De,

Lekin Us Aadmi Ke Dimaag Par Khoon Sawar Tha. Nandita Ki Laakh Guhaar Ko Nazarandaz Karte Huwe Usne Do Aur Zor-Daar Vaar Kiya,

Nandita Khoon Me Doobi Huwi Sadak Par Gir Padi,

Sirf Kuch Hi Seconds Me, Bazaar Me Maujood Logon Ke Liye Ye Manzar Zindagi Bhar Na Bhoolne Wala Ban Chuka Tha,

Zakhmi Devadatta Ne Kisi Tarah Himmat Juta Kar Sadak Ke Kinaare Pade Patthar Uthaye Aur Us Aadmi Ki Taraf Dauda,

Lekin Us Hamlaawar Ne Hariyar Lehra Kar Dhamki Di Ki Agar Aage Badhe To Maar Dega,

Lekin Jaise-Taise Bheed Me Maujood Logon Ne Himmat Jutayi Aur Jab Unhone Hamlaawar Ko Gherna Shuru Kiya, To Who Aadmi Wahan Se Bhaag Nikla,

Hospital ICU Aur Maut,

Bheed Ne Turant Ambulance Bulayi Aur Police Ko Khabar Di, Teeno Ki Dhemaji Civil Hospital Le Jaya Haya

Devadatta Aur Kashmina Ko Zyada Gambhir Chot Nahi Thi, Isliye Unhe Jaldi Discharge Kar Diya Daya,

Lekin Nandita Ki Haalat Bahut Zyada Gambhir Thi,

Police Ne Devadatta Dutta Ko Dhemaji Police Station Bulaya Taaki Ghatna Se Judi Details Aur Statements Record Ki Ja Saken,

Isi Beech Nandita Ke Pita Naveen Saikia Ne Apni Patni Junali Ko Phone Karke Poori Ghatna Batayi Aur Turant Dhemaji Hospital Pahunchne Ko Haha.

Junali Apni Behen Ke Saath Hospital Ke Liye Nikli. Raste Bhar Unhe Yakeen Hi Nahi Ho Raha Tha Ki Subah Jo Beti Bilkul Theek-Thaak Ghar Se Nikli Thi,

Hospital Pahunchte Hi Maa Ki Aankhon Ke Saamne Duniya Andheri Ho Gayi, Samay Beetne Ke Saath Nandita Ki Condition Aur Critical Hoti Chali Gayi,

Isliye Doctors Ne Use Brahmaputra Hospital, Dibrugarh Refer Kar Diya, Jahan Use ICU Me Rakha Gaya,

Lekin Waqt Apna Kaam Kar Chuka Tha, Nandita Coma Me Ja Chuki Thi Aur Doctors Ki Poori Team Uski Jaan Bachane Ki Koshish Kar Rahi Thi,

Lekin Ghatna Ke Sirf 4 Din Baad, 25 August 2021 Ko Nandita Ne Coma Ki Haalat Me Hi Dum Tod Diya,

Nandita Ki Maut Ne Uske Maa-Baap Ko Andar Se Tod Diya, Jis Beti Ko Bade Sapnon Ke Saath Paala Tha, Aaj Wahi Beti Unke Saamne Nishchhal Padi Thi,

Is Gham Ke Mahaul Me Police Ne Nandita Ke Khoon Se Sane Kapde Jabt Kiye Aur Dead Body Ko Post-Mortem Ke Liye Bheja,

Jab Post-Mortem Report Saamne Aayi, To Uske Details Ne Sabko Hila Kar Rakh Diya,

Report Ke Mutabik,

Nandita Ke Seene Par Kai Gehre Zakhm The,

Kandhe Ki Haddi Tak Gehra Kataav The,

Sir Par 4, 9 Aur 11 Centimeter Ke Teen Gehre Ghaav The,

Yahi Ghaav Dheere-Dheere Uske Coma Me Jaane Aur Maut Ka Kaaran Bana,

Bheed Ne Gher Liya Katel Ko Police Mauke Pe Pahunchi,

Isi Din, 21 August 2021 Ko Shaam 4:30 Baje, SI Anil Sharma, Ho ASTC Bus Stand Ke Paas Amesh Hotel Ke Kareeb Maujood The,

Unhone Logon Ke Chillane Ki Awaaz Suni Anil Sharma Us Shor Ki Taraf Badhne Lage Hi The Ki, Unhe DSP Rashmi Rekha Sharma Ka Call Aaya.

DSP Rashmi Ne SI Anil Ko Turant Police Canteen Ke Paas Bulaya, Wahan Se Unhe Car Me Bithakar Seedha Hot Zone, Yaani Ghatna Sthal Par Le Jaya Gaya,

Jab Police Team Wahan Pahunchi, To Manzar Dekh Kar Police Wale Bhi Kaanp Uthe, Ek Bada Sa Bheed Ka Jhund Lathiyon Ke Saath Bamboo Ke Jhaadon Ke Paas Ek Aadmi Ko Gher Kar Khada Tha,

Wo Aadmi Haath Me Hathiyaar Pakde Huwe, Peele Rang Ki Khoon Se Bhigi T-Shirt Pehne Huwa Tha, Ye Wahi Hamlaawar Tha Jo Nandita, Kashmina Aur Devadatta Par Vaar Karke Bhaag Gaya Tha,

Wo Aadmi Cheekh-Cheekh Kar Keh Raha Tha

Maine Us Ladki Ko Maar Diya Jisne Meri Zindagi Barbaad Kar Di,

Nandita Aur Uske Parivaar Ne Mujh Par Bahut Zulm Kiya,

Maine Uske Pair Pakad Kar Bheekh Maangi, Par Usne Meri Baat Nahi Maani,

Isliye Maine Use Maar Diya.

Police Ne Bina Der Kiye Us Aadmi Ko Pehchaan Liya, Kyunki Who Unke Hi Ilaake Me Rehta Tha Police Force Ke Saath Jungle Ki Fencing Ke Paas Jaakar Use Surrender Karne Ke Liye Manaya Gaya,

Kaafi Der Tak Ye Silsila Chalta Raha, Lekin Aakhirkaar Hamlaawar Ne Hariyar Neeche Phenka Aur Surrender Kar Diya,

Police Ne Use Giraftaar Karke Pehle Basic Care Hospital Le Jaakar Medical Checkup Karwaya, Phir Police Station Le Aayi, Wahan Uski Khoon Se Bhigi T-Shirt Aur Mobile Phone Jabt Kiya Gaya,

Shaam 7 Baje, Devadatta Aur Kashmina Hospital Se Discharge Hone Ke Baad Seedha Dhemaji Police Station Gaye Aur FIR Darj Karwayi.

Police Ne Dono Ke Statements Record Kiye Aur Unhe Crime Scene Par Le Jaakar Nandita Ka Phone, Library Card Aur Devadatta Ka Helmet Jabt Kiya,

Police Ne Hamlaawar Ki Profiling Shuru Ki, Unke Hosh Ud Gaye,

Kyunki Who Hamlaawar Koi Aur Nahi, Balki College Ka Librarian Rintu Sharma Tha,

Police Interrogation Ke Dauraan Jab Rintu Sharma Se Poochtaach Shuru Huwi, Tab Ek-Ek Karke Is Ghinune Jurm Ki Poori Kahani Saamne Aane Lagi,

Police Ko Ye Jaan Kar Gehra Jhatka Laga Ki Jis College Me Nandita Padh Rahi Thi, Wahi Ka Ek Staff Member Uska Kaatil Nikla,

Is Kahani Ki Jad Saal 2020 Me Jaakar Milti Hai, Jab Moridhal College Ke Girls Hostel Me Allotment Milne Ke Baad Nandita Saikia Library Card Banwane College Library Gayi Thi,

Wahin Par 30 Saal Ka Rintu Sharma, Jo Pichhle 4 Saal Se Librarian Ke Pad Par Kaam Kar Raha Tha, Library Cards Issue Karta Tha,

Jaise Hi Nandita Pehli Baar Card Banwane Aayi, Rintu Ki Nazar Us Par Tik Gayi, Ye Sirf Ek Normal Attraction Nahi Tha,

Balki Dheere-Dheere Ek Obsession Me Badalta Chala Gaya, Rintu, Ek Pagal Aashiq Ki Tarah, Nandita Ke Peeche Pad Gaya,

Use Na Waqt Ka Khayal Tha, Na Jagah Ka, Na Mahaul Ka, Jab Bhi Mauka Milta, Who Nandita Se Baat Karne Ki Koshish Karta,

Nandita Uske Iraadon Ko Samajh Chuki Thi, Isliye Usne Shuru Se Hi Saaf Mana Kar Diya Ki Use Kisi Bhi Tarah Ki Baat-Cheet Me Interest Nahi Hai,

Lekin Rintu Rukne Walon Me Se Nahi Tha, Usne Sirf Baat Karne Tak Hi Khud Ko Seemit Nahi Rakha, Balki Shaadi Ka Proposal Tak De Daala,

Nandita Ne Rintu Ke Har Proposal Ko Seedha Aur Sakht Shabdon Me Reject Kar Diya,

Ye Rejection Rintu Ke Liye Sirf Niraasha Nahi Thi, Balki Uske Ego Par Gehra Zakhm Tha, Ye Wahi Pal Tha Jab Usne Badla Lene Ka Faisla Kar Liya,

April 2021 Me, Jab Nandita Aur Kashmina College Se Hostel Laut Rahi Thi, Rintu Ne Raste Me Nandita Ko Roka Aur Dhamki Di,

Agar Tu Meri Baat Nahi Maani, To Ya Tu Tujhe Zabardasti Le Jaaunga, Ya Phir Jaan Se Maar Dunga.

Lekin Nandita Ne Uski Dhamkiyon Ko Bhi Nazarandaaz Kar Diya, Tab Rintu Ne Faisla Kar Liya Ki Who Nandita Ko Zinda Nahi Chhodhega,

Is Jurm Ke Liye Usne 21 August 2021 Ka Din Chuna.

Aur Jaise Hi Use Mauka Mila, Usne Khule Bazaar Me Teenon Par Jaanleva Hamla Kar Diya, Jisme Nandita Ki Jaan Chali gayi.

Rintu Sharma Ne Nandita Ka Qatl Sirf Isliye Kiya Kyunki Uski Galat Entitlement Aur Obsession Ko Reject Kar Diya Gaya Tha,

Court Ka Faisal 20 August 2025,

Police Investigation Ke Baad Charge Sheet Tayyar Huwi, Jo Lagbhag 400 Pages Ki Thi, Is Case Me 41 Gavaahon (Witnesses) Ke Bayan Record Kiye Gaya,

Har Ek Gawah Ne Ye Saabit Kiya Ki Rintu Sharma Ka Jurm Planned, Brutal Aur Irada-Poorvak Tha,

Case Dheere-Dheere District And Sessions Court Me Trial Ke Liye Chala, Court Ke Saamne Ye Bhi Saaf Huwa Ki Rintu Ka Nandita Ke Saath Koi Relationship Nahi Tha, Sirf Ek Tarfa Obsession Tha, Jise Usne Pyaar Samajh Liya,

Court Ne Ye Bhi Maana Ki.

Nandita Ne Kabhi Rintu Ko Encourage Nahi Kiya

Har Baar Uske Proposals Ko Reject Kiya

Parents Ke Through Bhi Mana Karwaya

Phir Bhi Rintu Ne Uska Peecha Nahi Chhoda

Court Ne Apne Judgement Me Kaha…

Ye Ek Rarest Of Rare Case Hai, Jahan Ek Padh Likhi Ladki Ko Sirf Isliye Maar Diya Gaya Kyunki Usne Shaadi Ke Liye Mana Kar Diya.

Aakhirkaar, 20 August 2025, Yaani Lagbhag 4 Saal Baad, Court Ne Apna Final Judgement Sunaya.

IPC Section 302 (Murder)

IPC Section 307 (Attempt to Murder)

IPC Section 324 (Dangerous Weapon se attack)

Ke Tahat Doshi Karaar Diya.

Court Ne Rintu Sharma ko DEATH SENTENCE (Faansi) Ki Saza Sunayi.

Iske Saath Hi Court Ne State Government Ko Ye Bhi Nirdesh Diya Ki.

Nandita Ke Mata-Pita – Devadatta Aur Junali Saikia

ko Victim Compensation Scheme Ke Tahat Arthik Madad Di Jaaye.

Court Ne Apne Judgement Me Ye Bhi Kaha Ki

Samaj Me Agar Ladkiyon Ke ‘NO’ Ko Samjha Jaata, To Aise Jurm Kabhi Paida Hi Nahi Hote.

CONCLUSION.

Nandita Saikia Ka Case Sirf Ek Murder Case Nahi Hai, Balki Ye Ek Khamosh Warning Hai Hum Sab Ke Liye. Ye Kahani Hame Batati Hai Ki Jab “NO” Ko Accept Karna Nahi Aata, Jab Rejection Ko Apmaan Samjha Jaata Hai, Aur Jab Obsession Ko Pyaar Ka Naam De Diya Jaata Hai, Tab Anjaam Sirf Barbaadi Hota Hai.

Nandita Ne Koi Gunaah Nahi Kiya Tha. Uska Ek Hi “Jurm” Tha – Apni Marzi Se Jeena Aur Galat Insaan Ko Saaf Mana Karna. Lekin Ek Aadmi Ki Bikhri Huwi Soch, Ego Aur Control Ki Bhookh Ne Ek Masoom Zindagi Chheen li. Ye Case Hame Ye Bhi Sikhata Hai Ki Ladki Ka Chup Rehna Safety Nahi Hota, Aur Red Flags Ko Ignore Karna Kabhi Solution Nahi Hota.

AWARENESS

Ye Kahani Sirf Ek Crime Story Nahi, Balki Ek Chetaavani Hai. Pyaar Kabhi Zabardasti Ya Control Nahi Hota Agar Koi “NO” Kehta Ya Kehti Hai, To Uska Matlab Sirf NO Hota Hai Rejection Ko Apmaan Samajhna Aur Obsession Ko Pyaar Banana, Sabse Khatarnaak Soch Hai Ladkiyon Se Guzarish Hai Ki Red Flags Ko Ignore Na Karein, Aur Ladkon Ke Liye Ye Samajhna Zaroori Hai Ki Izzat Dena Hi Asli Mardangi Hai.

DISCLAIMER

Is Content Ka Uddeshya Sirf Awareness Aur Education Hai.Yeh Kahani Public Reports Aur Legal Records Par Aadharit Hai. Kisi Bhi Vyakti, Dharm Ya Samuday Ko Badnaam Karna Maksad Nahi Hai.Crime Ka Glorification Nahi Kiya Gaya Hai.