Raja Raghuvanshi Murder Case: Shaadi Ke 14 Din Baad Honeymoon Par Qatl Ki Poori Kahani

23 May 2025 Ko Indore Madhya Pradesh Ka Rehne Wala Naya-Naya Shadi-Shuda Joda, Raja Raghuvanshi Aur Sonam Raghuvanshi, Apne Honeymoon Ke Dauran Meghalaya Mein Achanak Laapata Ho Gaya, Yeh Couple Aakhri Baar Cherrapunji Ke Nongriat Gaon Ke Ek Homestay Se Check Out Karne Ke Kuch Hi Ghante Baad Dekha Gaya Tha, Jiske Baad Unka Koi Pata Nahi Chala,

Tourist Guide Ke Ek Bayan Ne Jo Shayad Raja Raghuvanshi Ko Zinda Dekhne Wala Aakhri Shakhs Tha, Is Poore Case Ko Nayi Disha De Di, Police Ko Shak Huwa Ki, Is Khooni Saazish Mein Teen Aur Log Bhi Shamil The, Yeh Case Dheere-Dheere Ek Aise Khaufnaak Murder Mystery Mein Badal Gaya, Jisme Love Affair, Supari Killers Aur Khooni Hathiyaar Jaise Angle Saamne Aaye, Bilkul Bollywood Ke Ek Masala Thriller Ki Tarah,

Jungle Trek Ka Aakhri Pal: Camera Mein Qaid Raja Sonam

23 May 2025 Ki Subah Lagbhag 9:45 Baje Sonam Aur Raja Jo Apne Honeymoon Par Meghalaya Aaye Huwe The, Galti Se Ek Tourist Dev Singh Ji ke 360 Degree Camera Mein Record Ho Jaate Hain, Dev Singh Ji Us Waqt Nongriat Se Mawlakhiat Ki Taraf Chadhai Kar Rahe The,

Is Footage Mein Sonam Ke Ek Haath Mein Polythene Ke Andar Raincoat Dikh Raha Hai, Jabki Raja Paani Ki Bottle Aur Ek BAG Ke Saath Sonam Ke Peeche Chalte Huwe Nazar Aate Hain, Yahi Woh Pal Tha, Jab Raja Raghuvanshi Ko Aakhri Baar Zinda Dekha Gaya,

Isse Ek Din Pehle Yaani 22 May 2025 Ko Raja Aur Sonam Kaali Raincoat Pehne Huwe, Aur Do Suitcases Ke Saath Meghalaya Ke Sohra Jise Cherrapunji Bhi Kaha Jaata Hai, Mein Manha Hotel Ke Saamne Scooty Par Rukte Huwe Dekhe Gaye The,

Hotel Mein Rooms Available Na Hone Ki Wajah Se, Dono Ne Apna Luggage Hotel Ke Locker Room Mein Jama Kar Diya, Kyunki Agle Din Unhe Nongriat Ke Famous Double Decker Living Root Bridge Ke Liye Trekking Par Jaana Tha, Isliye Itna Zyada Saaman Saath Le Jaana Mumkin Nahi Tha,

Suitcases Se Zaroori Cheezein Nikaal Kar Scooty Mein Rakh Li Gayi, Jab Raja Reception Par Apni ID Ke Saath Details Fill Kar Raha Tha, Tab Sonam Safed Shirt Pehne Huwe Hotel Ke Bahar Phone Par Baat Karte Huwe Dikhai, Thodi Der Baad Luggage Jama Karne Ke Baad Dono Scooty Par Wahan Se Nikal Gaye,

Aakhri Phone Call: Maa Se Hui Woh Baat Jo Antim Sabit Huwi

Us Waqt Kisi Ko Bhi Zara-Si Bhi Bhanak Nahi Thi, Ki IN Footages Mein Sirf Chalti-Phirti Tasveerein Hi Nahi, Balki Kai Aise Gehre Raaz Chhupe Huwe Hain, Jo Aage Chal Kar Ek Poore Desh Ko Hila Dene Wale The,

Yahi Videos Baad Mein Is Poore Case Ka Sabse Mazboot Digital Evidence Banne Wali Thi, Isi Din Lagbhag 4 Ghante Baad Dopahar 1:43 Baje Raja Ne Apni MAA Se Phone Par Baat Ki, Us MAA Ke Liye Yeh Sirf Ek Normal Call Thi, Lekin Use Zara Bhi Andaaza Nahi Tha, Ki Yeh Uski Zindagi Ka Apne Bete Se Aakhri Conversation Hone Wala Hai,

Is Call Ke Baad Jaise Hi Waqt Aage Badha, Sab Kuch Achanak Khamosh Ho Gaya, Us Din Ke Baad Se, Laakh Koshishon Ke Bawajood, Parivaar Ke Log Na Raja Se Dobara Baat Kar Paaye, Aur Na Hi Sonam Se Kabhi Sampark Ho Saka, Aur Yahin Se Ek Honeymoon Tripe Khaufnaak Mystery Mein Badal Gayi,

Raja Sonam Raghuvanshi Honeymoon Par Kaise Gayab Huwe

Raja Aur Sonam Raghuwanshi Jo Indore Madhya Pradesh Ke Rehne Wale The, Kuch Hi Din Pehle Bade Dhoom-Dhaam Se Shaadi Ke Bandhan Mein Bandhe The, Shaadi Ke Baad Guwahati Mein Kamakhaya Devi Ke Darshan Karne Ke Baad, Dono Apne Honeymoon Ke Liye Meghalaya Nikal Gaye The,

Ghar Ke Sab Log Dono Ke Liye Bahut Khush The, Parivaar Lagataar Phone Par Baat Karke Unki Safety Aur Khayal Bhi Rakh Raha Tha, Haqeeqat Yeh Thi Ki Apne Bete Raja Se Baat Karne Se Thodi Hi Der Pehle, Parivaar Ne Apni Bahu Sonam Se Bhi Baat Ki Thi, Sonam Ne Bataya Tha,

• Yahan Ghana Jungle Hai, Chadhai Bahut Steep Hai, Upar Chadhna Kaafi Mushkil Hota Hai.

Lekin 23 May Ki Dopahar Ke Baad, Achanak Dono Ke Phones Switched Off Aane Lage, Shuruat Mein Kisi Ne Zyada Shak Nahi Kiya, Sabne Yahi Socha Ki Shayad Network Issue Hoga, Kyunki Raja Ka Phone Pehle Bhi Kai Baar Network Ki Wajah Se Band Ho Jaata Tha,

Lekin Kisi Ko Bhi Andaaza Nahi Tha Ki Yeh Khamoshi Ek Bahut Bade Toofan Ki Shuruaat Hone Wali Hai, Parivaar Ka Dono Se Koi Bhi Contact Nahi Ho Paaya, Toh Dheere-Dheere Sab Logon Ki Bechaini Badhne Lagi, Naya-Naya Shadi-Shuda Couple, Upar Se Anjaan Pahadi Ilaaka, Ghana Jungle Aur Mushkil Raasta Yeh Sab Baatein Parivaar Ke Dimaag Me Ek Ke Baad Ek Darawne Khayal Laane Lagi,

• Humne Pehle Hi Mana Kiya Tha, Itni Door Aur Aisi Jagah Mat Jao, Apna Ghar Hi Sabse Theek Hota Hai, Parivaar Ke Lafzon Me AB Pachtawa Saaf Mehsoos Ho Raha Tha,

Jab Raja Ke Parivaar Ki Ghabrahat Hadd Se Zyada Badh Gayi, Toh Unhone Turant Sonam Ke Parivaar Se Bhi Sampark Kiya, Aur Poori Situation Unke Saamne Rakh Di, 24 May Ki Raat Der Tak Dono Ke Mobile Numbers Par Lagataar Calls Ki Jaati Rahi, Lekin Har Baar Sirf Ek Hi Jawab Milta Raha Phone switched off,

Waqt Guzarta Ja Raha Tha Aur Har Guzarta Minute Parivaar Ke Liye, Ek Naye DAR Ka Sabab Ban Raha Tha, Aakhirkaar Bina Ek Pal Gavaaye, Parivaar Ne Emargency Flight Li Aur Indore Se Delhi, Phir Guwahati Ke Raaste Shillong Pahunch Gaya, Ek Taraf Parivaar Ke Log Vipin Aur Govind Raja Aur Sonam Ki Tasveerein Haath Me Liye Idhar-Udhar Bhatakte Huwe Har Kisi Se Poochtaach Kar Rahe The,

Aur Bilkul Isi Beech Dusri Taraf, 24 May Ki Raat Kareeb 9 Baje, Meghalaya Police Ko Shillong Ke Sorarim Area Me Gold Pines Dhaba Ke Paas Ek Laawaris Scooty Ki Soochna Milti Hai, Police Jab Number Plate Ke Zariye Scooty Ke Owner Tak Pahunchti Hai, Toh Ek Naya Sach Saamne Aata Hai, Yeh Scooty Ek Rental Company Ki Thi, Jo Tourists Ko Ghoomne Ke Liye Gaadiyan Kiraye Par Deti Hai,

Aur Yahin Se Case Ek Naye Aur Zyada Khaufnaak Mod Par AA Khada Hota Hai, Kyunki Scooty Ek Couple Ke Naam Par Rent Par Li Gayi Thi.

Ek Scooty, Do Laapata Zindagiyan Aur Bahut Saare Sawaal

Police Ko Pata Chala Ki Yeh Scooty Ek Couple Ne Rent Par Li Thi, Agle Din Jab Vipin Aur Govind Ne Sohra Police Station Me Raja Aur Sonam Ki Missing Complaint Darj Karwayi, Tab Yeh Baat Saamne Aayi Ki Wahi Scooty, Jo Police Ko Pichhli Raat Mili Thi, Asal Me Raja Aur Sonam Ne Hi Book Ki Thi,

Dono Ke Phones Ka Switched Off Hona, Aur Upar Se Unki Scooty Ka Is Tarah Laawaris Haalat Me Milna, Aisi Situation Me Kisi Ko Bhi Sabse Pehle Kisi Jurm YA Ghatna Ka Shak Hota Hai, Lekin Meghalaya Jaise Tourist Friendly Aur Relatively Safe Jagah Par,

Police Ke Mann Me Filhaal Sirf Ek Hi Darr Tha, Ki Kahin Dono Ke Saath Koi Accident YA Koi Anjaani Ghatna To Nahi Ho Gayi, Kyunki Sirf Ek Mahina Pehle Hi Hungary Se Aaye Ek Tourist, Puskas Zolt, Ki Dead Body Ramdait gaon Se Baramad Huwi Thi,

Yeh Body Yahan Par Partially Decomposed Stage Me Mili Thi, Lekin On-Site Post-Mortem Ke Baad Police Ne Bataya Ki Puskas Ko Rheumatoid Arthritis Tha, Jiski Wajah Se Trekking Ke Dauran Phisal Kar Gehri Khaai Me Girne Se Uski Maut Ho Gayi,

Ab Is Case Ko Reference Bana Kar Police Ne Yeh Jaanch Shuru Ki, Ke Kahin Raja Aur Sonam Bhi Kisi Accident Ka Shikaar To Nahi Ho Gaye, Isi Dauran Raja Aur Sonam Ke Bhai Bhi Apne-Apne Tareeke Se Dono Ko Dhoondhne Lage, Lekin Us Waqt Tak Kisi Ne Bhi Yeh Socha Nahi Tha, Ki Is Case Ki Sachchai Itni Bhayanak Aur Daraavni Niklegi.

Gaayab Honeymoon Couple, Social Media Ka Gussa Aur Police Ki Agnipariksha

Apni Shaadi Ke Baad 11 May 2025 Ko Raja Aur Sonam 22 May Ko Apni Honeymoon Manane Ke Liye Meghalaya Aaye The, Lekin 23 May 2025 Ki Dopahar Ke Baad Se UN Dono Ka Koi Pata Nahi Chal Paaya, Jaise Hi Indore Se Gaye Honeymoon Couple Ke Gayab Hone Ki Khabar Bahar Aayi,

Waise Hi Ek Khoobsurat Rajya Meghalaya Ko Badnaam Karne Ka Silsila Shuru Ho Gaya, Log Meghalaya Ke Saath-Saath Wahan Ke Logon Ke Baare Me Bhi Galat Baatein Bolne Lage, Unhe Online Gaaliyan Di Gayin, Criminals Tak Kaha Gaya,

Is Dauran Meghalaya Ke Locals Aur Wahan Ki Police Par Bhi Aarop Lagaye Jaane Lage, Social Media Par Phail Rahi Is Negativity Ki Wajah Se Police Par Bahut Zyada Pressure Ban Gaya, Police Ke Liye Zaroori Ho Gaya Tha Ki Is Missing Case Ke Mystery Ko Kisi Bhi Haal Me Suljhaaya Jaaye, Iske Liye Alag Alag Teams Banayi Gayin Aur Investigation Shuru Ki Gayi,

24 May Ko Sohra Rim Me Jo Abandoned Scooty Mili Thi, Wahi Is Case Ka Pehla Clue Bani, Police Ko Pata Chala Ki Yeh Scooty Khud Raja Ne Rent Par Li Thi, Lekin Aas-Paas CCTV Cameras Na Hone Ki Wajah Se Yeh Nahi Pata Chal Paaya Ki Wahan Kya Ho Raha Tha, Isliye Ek Police Team Ne Sohra Rim Ke Aas-Paas Ke Ilaakon Me Search Operation Shuru Kiya,

Saath Hi Doosri Team Ne Is Couple Ke Trip Details Ikattha Karna Shuru Kiya, Pichhle Dinon Ki Poori Journey Ka Data Nikala, Initial Investigation Ke Dauran Police Ne Raja Aur Sonam Ko 22 May Ko Do Jagahon Par CCTV Me Dekha, Pehla Shillong Ke Ek Hotel Me Jahan Unhone Pehli Baar Check-In Kiya THA, Aur Doosra, Sohra Ke Manaha Hotel Ke CCTV Me.

Scooty Ke Saath Jab Police Ne Hotel Me Poochtaach Ki, To Pata Chala Ki Room Vacant Na Hone Ki Wajah Se Unhone Sirf Apna BAG Locker Me Jama Kiya THA, Aur Maula Khyat Ki Taraf Nikal Gaye The, Ab Investigation Sohra Rim Se Maula Khyat Ki Taraf Badhne Lagi, Maula Khyat Ko Meghalaya Ka Last Village Bhi Kaha Jaata Hai Aur Yahi Nongriat Jaane Ka Main Access Point Hai, Yeh Ek Kam Abaadi Wala Shaant Ilaaka Hai,

Aakhri Safar Ki Gawahi Jab Local Guides Ne Sach Bataya

Aise Jagahon Par AAM Taur Par Wahan Ke Log Hi Us Jagah Ki Aankhen Aur Kaan Hote Hain, Aisi Situation Me Jab Gaon Walon Ko Police Ke Zariye Missing Couple Ke Baare Me Pata Chala, To Woh Khud Aage Aakar Police Ki Madad Karne Lage, Yahan Police Ko Bawan Sai Guide Se Pata Chala Ki Usne Is Couple Ko Nongriat Ke Chiphara Holiday Homestay Tak Chhoda Tha,

Jahan Sonam Ne Usse Bataya Tha Ki Agle Din Unhe Guide Ki Zarurat Nahi Hogi, Jab Police Ne Chiphara Homestay Ke Owner Se Poochtaach Ki, To Pata Chala Ki Woh Log 22 May Ki Shaam Ko Wahan Pahunche The Aur Agle Din, Yaani 23 May Ko Subah 5:30 Baje Wahan Se Nikal Gaye The,

Police Abhi Poochtaach Hi Kar Rahi Thi Ki Unhe Ek Aur Badi Jankari Mili, Police Ko Ek Doosra Guide Mila Jiska Naam Albert Tha, Albert Ne Bataya Ki Wahi Raja Aur Sonam Ko Wahan Laaya Tha, Usne Kaha Ki Subah 10:00 Baje Usne Raja Aur Sonam Ko Nongriat Se Maula Khyat Ki Taraf Wapas Jaate Huwe Dekha Tha, Aur Unke Saath Teen Aur Log Bhi The,

Jab Police Ne Poochha Ki Woh Teen Log Kaun The, To Guide Ne Bataya Ki Woh Log Hindi ME Baat Kar Rahe The, Isliye Woh Samajh Nahi Paaya Ki Woh Kya Keh Rahe The, Usne Yeh Bhi Bataya Ki Woh Teen Ladke Raja Ke Saath Baat Kar Rahe The, Aur Sonam Unse Thoda Peeche Chal Rahi Thi,

Ab Police Ke Liye Yeh Baat Kaafi Clear Ho Chuki Thi, Ki Pehle Raja Aur Sonam Sohra Me Apna Luggage Rakh Kar, Wahan Scooty Park Karke Maula Khyat Aaye, Wahan Se Unhone Ek Guide Liya Aur Nongriat Gaye, Wahan Unhone Homestay Me Raat Guzari Aur Agle Din Subah Jaldi Hi 3000 Seedhiyan Chadh Kar Wapas Maula Khyat AA Gaye,

GPS Tracker Ne Khola Raaz: Scooty Ka Movement Aur Search Operation Ki Shuruaat

Lekin Maula Khyat Se Itni Door Sora Rim Tak Scooty Kaise Pahunchi, Aur Woh Teen Log Kaun The, Aur Raja Aur Sonam Se Unka Kya Connection Tha, Ye Saare Sawaal Abhi Bhi Bane Huwe The, Maamla Bahut Sensitive Tha, Isliye Police Ne Ye Jaankari Filhaal Apne Tak Hi Seemit Rakhi,

Ab Police Ko Ek Bahut Hi Important Jaankari Mili, Darasal IN Rental Vehicles Me GPS Tracker Laga Hota Hai, Isi GPS Information Ke Zariye Police Ne Pata Lagaya Ki 23 May Ko Scooty Maula Khyat Ke Parking Se Nikal Kar Riyat Aur Lyang Me Sthit Vais Aur Dong Falls Ke Parking Tak Gayi Thi, Aur Wahan Lagbhag 18 Minute Tak Ruki Thi,

Ree Sort Dog Falls Ke Parking Tak Gayi Thi Aur Wahan 18 Minute Tak Ruki Thi. Ye Ek Bahut Hi Bada Aur Important Clue Tha.

Isliye Meghalaya Police Ne Bina Kisi Deri Ke Fire Aur Emargency Services, SDRF, NDRF, Dog Squads Aur Trained Climbers Ki Teams Ko State Government Ki Madad Se Deploy Kar Diya, Aur Sabse Important Baat Ye Thi Ki Jin Logon Par Meghalaya Me Is Couple Ke Gayab Hone Ka Aarop Lag Raha Tha, Wahi Log Unhe Dhoondhne Ke Liye Apni Poori Koshish Kar Rahe The,

Lekin Ye Maamla Jitna Aasaan Sunai Deta Hai, Asal Me Utna Hi Mushkil Tha, Itne Bade Ilaake Me Couple Ka Koi Bhi Suraag Dhoondhna, Bhuse Ke Dher Me Sui Dhoondhne Jaisa Tha, Kyunki Yahan Ghana Jungle, Pal-Pal badlta Huwa Mausam Search Operation Ko Aur Zyada Mushkil Bana Raha Tha, Darasal, 29, 30 Aur 31 May Ko Cherrapunji Me Lagataar Tez Baarish Hone Ki Wajah Se Aas-Paas Ke Kai Ilaakon Me Flash Floods Bhi AA Gaye The,

Iske Upar Se Phisle Huwe Pattharon Aur Geeli Mitti Ki Wajah Se, Grip Bahut Kam Ho Gayi Thi, Aur Kohre Wale Mausam Ki Wajah Se Visibility Bhi Kaafi Low Thi, Ab Aisi Situation Me Search Operation Chalana Aur Zyada Mushkil Hota Ja Raha Tha, Kyunki Teams Gorge Ke Andar Rappelling Karke Couple Ko Dhoondhne Ki Koshish Kar Rahi Thi,

Is Process Me Rescue Team Ki Jaan Ko Bhi Khatra Tha, Isliye Jaise Hi Baarish Thami, Police Ne NESSAC Team Ki Madad Li, Jinhone High-Powered Aur Thermal Drones Ke Zariye Ilaakon Me Search Shuru Ki, Thermal Drones Me Ek Special Thermal Camera Hota Hai, Ye Thermal Camera Objects Se Nikaalne Wali Heat, Yaani Infrared Radiation, Ko Detect Karta Hai Chahe Woh Insaan Ho, Jaanwar Ho Ya Koi Machine, Is Heat Ko Thermal Signature Kaha Jaata Hai,

In Cameras Ki Madad Se Drones Heat-Based Images Banate Hain, Jinke Zariye Bade Ilaakon Ko Scan Karke Kisi Bhi Maujoodgi Ka Pata Lagaya Ja Sakta Hai, Lekin Kharaab Mausam Ki Wajah Se Search Operation Baar-Baar Prabhavit Ho Raha Tha, Isi Wajah Se Abhi Tak Police Ko Koi Bhi Khaas YA Important Clue Haasil Nahi Ho Paaya Tha,

Thermal Drone Clue Se Laash Tak: Ghaati Mein Mila Raja Raghuvanshi Ka Sach

2 June Ko Mausam Saaf Huwa Aur Wise For Dog Falls Ke Parking Area Ki Gehri Ghaati Me Drones Ko Thermal Signatures Milne Lage. Slaymondong Falls Ke Parking Area Ki Gehri Ghaati Me Bhi Thermal Signatures Dikhne Lage, Police Ne Turant Us Location Ko Mark Kiya, Aur Search Operation Team’s Ne Lagbhag 300 Feet Neeche Ghaati Me Rappelling Karke Utarna Shuru Kiya,

Us Jagah Par Police Ko Ek Aadmi Ki Laash Mili, Jo Aadhi Tarah Se Gal Chuki Thi, Aur Us Par Keede Lage Huwe The, Chehra Pehchaan Ke Layak Nahi Tha, Isliye Police Ne Turant Raja Raghuvanshi Ke Bhai Ko Laash Ki Pehchaan Ke Liye Bulaya, Badkismati Se, Haath Par Bane Tattoo Aur Smart watch, Ki Madad Se Yeh Confirm Ho Gaya Ki Yeh Dead Body Raja Raghuvanshi Ki Hi Hai,

Raja Ki Maut Ki Khabar Sunte Hi Poore Parivaar ME Kohram Mach Gaya, Kisi Ne Sapne Me Bhi Nahi Socha Tha Ki Jis Ghar Me Kuch Din Pehle Hi Shaadi Aur Khushiyon Ka Jashn Mana Ja Raha Tha, Us Ghar Ka Sabse Chhota Beta Aise Ant Ko Pahunch Jaayega, Jis Bete Se Milne Ki Sab Ummeed Lagaye Baithe The, Uski Laash Kai Dino Se Ghaati Me Padi Huwi Thi,

Laash Ki Haalat Itni Zyada Kharaab Ho Chuki Thi Ki, Police Bhi Yeh Samajh Nahi Pa Rahi Thi, Ki Yeh Koi Haadsa Tha YA Phir Ek Sochi-Samjhi Hatya, Isliye Laash Ko Turant Post-Mortem Ke Liye Bheja Gaya, Jahan Report Me Yeh Khulasa Huwa Ki Raja Ke Sir Ke Aage Aur Peeche Dono Taraf Se Kisi Tez Dhaar Wale Hathiyar Se Hamla Kiya Gaya Tha, Raja Ki Hatya Ki Khabar Aag Ki Tarah Poore Ilaake Me Phail Gayi,

National Media Trial, Jhoothe Aarop Aur Sonam Ki Talaash

Yeh Khabar Poore Desh Me Phail Chuki Thi, Indore Missing Couple Ki News Jo Pehle Sirf Headlines Tak Simit Thi, AB Ek National Shame Ban Chuki Thi, Kyunki Raja Ki Laash Mil Chuki Thi, Lekin Sonam Ka Koi Ata-Pata Nahi Tha, Iske Baad Is Case Me Human Trafficking Ka Angle Bhi Saamne Aane Laga, Khabrein Aane Lagi Ki Raja Ka Murder Kar Diya Gaya Hai, Aur Sonam Ko Utha Kar Bangladesh Le Jaya Gaya Hai,

Yahin Se National Media Ne Ek Baar Phir Meghalaya Ke Logon, Wahan Ki Police Aur Sarkar Par Sawal Uthana Shuru Kar Diya, Sirf Sawal Hi Nahi Balki Aise-Aarop Aise Narratives Poore Desh Me Phaila Diye Gaye, Jinka Sach Se Koi Lena-Dena Nahi Tha, Meghalaya, Jo Desh Ke Sabse Safe States ME Se Ek Maana Jata Hai,

Use Unsafe Aur Crime-Prone Bataya Jaane Laga, Wahan Ke Logon Ko Killers Aur Human Traffickers Kaha Gaya, Police Ko Nalayak Aur Aalsi Kaha Gaya, Sirf Media Houses Hi Nahi, Balki Kai So-Called Content Creators Ne Bhi Sirf Views Ke Liye Bakwaas Bolni Shuru Kar Di, Bina Yeh Soche Ki Woh Meghalaya Jaise State Ko Kitna Nuksaan Pahuncha Rahe Hain,

4 June Ko Raja Ki Laash Uske Ghar Indore Bheji Gayi, Kisne Socha Tha Ki Jo Raja Sirf Do Hafte Pehle Honeymoon Par Gaya Tha, Woh Kafan Me Lapet Kar Ghar Wapas Aayega, Raja Ke Parivaar Ne Pradhan Mantri Ko Patr Likh Kar CBI Enquiry Ki Maang Bhi Ki, Parivaar Ne Yeh Appeal Bhi Ki Ki Hum Apna Beta Kho Chuke Hain, Lekin Hamari Bahu Sonam Ko Sahi-Salamat Wapas Lauta Diya Jaye,

Pandit Kundli Totka Mannatein Sonam Ki Suraksha Ke Liye HAR Mumkin Koshish Ki Gayi. Aur Aakhirkaar Woh Mannatein Poori Bhi Ho Gayin.

Raat Ke Andhere Mein Ek Dhaba, Aur Sabse Bada Khulasa

Bilkul Isi Tarah Jaisa Shayad Khud Unhone Bhi Nahi Chaha Tha, 9 June Ki Raat Lagbhag 1:00 Baje Sonam UP Ke Ghazipur Me Sthit Kashi Dhaba Par Ek Behoshi Aur Ghabrahat Bhari Haalat Me Pahunchti Hai, Woh Wahan Kaise Aayi, Kahan Se Aayi Is Baat Ka Kisi Ko Koi Andaza Nahi Tha,

Sonam Dhaba Malik Sahil Yadav Ko Batati Hai, Ki Woh Apne Pati Raja Ke Saath Honeymoon Par Meghalaya Gayi Thi, Wahan Kuch Logon Ne Loot Ke Iraade Se UN Par Hamla Kiya, Aur Apni Jaan Bachane Ki Koshish Me Raja Apni Zindagi Haar Gaya, Sonam Batati Hai Ki Use Nahi Pata Woh Meghalaya Se Yahan Tak Kaise Pahunchi, Kyunki UN Criminals Ne Use Drugs Ka Injection De Diya Tha,

Woh Dhaba Malik Se Mobile Maangti Hai, Aur Phoot-Phoot Kar Rote Huwe Apne Bhai Govind Ko Poori Kahani Batati Hai, Govind Dhaba Malik Se Turant Police Ko Call Karne Ke Liye Kehta Hai, Aur Khud Bhi Police Ko Sonam Ki Location Batata Hai, Taaki Madad Jaldi Se Jaldi Sonam Tak Pahunch Sake, MP Police UP Police Se Contact Karti Hai, Aur Thodi Der Baad Police Sonam Ko Apne Saath Le Jaati Hai,

Yahin Se Kahani Ek Naya Mod Leti Hai, Ghazipur Medical College Ka CCTV Footage Saamne Aata Hai, Jisme Sonam Dari Huwi Aur Jhijakti Huwi Nazar Aati Hai, Aur Phir Subah Hote-Hote Yeh Khabar Aati Hai Ki Sonam Ko Police Ne Giraftar Kar Liya Hai, Jo Ladki Kuch Ghante Pehle Tak Ek Peedit Thi, Woh Achanak Ek Apradhi Kaise Ghoshit Kar Di Gayi,

Raghuwanshi Parivaar Ka Chhota Beta Aur Ek Perfect Rishta, Jo Sapna Ban Kar Toota

Raja Raghuwanshi Jo Madhya Pradesh Ke Indore Shehar Me Rehta Tha, Apne Parivaar ME Teen Bhaiyon Me Sabse Chhota Tha. Padhai Poori Karne Ke Baad, Pichhle Chaar Saalon Se Woh Apne Parivaar Ke Business Raghuwanshi Transport Me Accounting Operations Sambhaal Raha Tha,

Sonam Raghuwanshi Bhi Indore Me Hi Rehti Thi, Jo Apne Pita Ke Plywood Business Ke HR Department Ko Sambhaalti Thi, Raja Ke Cousin Ne Bataya Ki Pichhle Saal, October 2024 Me, Raja Ne Raghuwanshi Community Ke Matrimonial App Par Sonam Ka Profile Dekha Tha, Jahan Sonam Ne Bhi Shaadi Ke Liye Apna Profile Banaya Huwa Tha,

Raja Aur Sonam Dono Hi Family Business Background Se The, Aur Sonam Bhi Raja Ki Tarah Apne Family Business Me Kaam Kar Rahi Thi, Yehi Wajah Thi Ki Raja Ko Sonam Pasand Aayi, Kyunki Usne Sonam ME Ek Confident Aur Independent Life Partner Dekha,

Aakhirkaar Dono Parivaar Aapas Me Mile Aur 10 February 2025 Ko, Sonam Ke Ghar Par Is Rishte Ko Final Kar Diya Gaya, Is Khushi Ke Mauke Par Raja Aur Sonam Ne Ek-Dusre Ko Cake Khilaya, Phoolon Ki Mala Pehnayi, Apne Naye Rishte Ko Celebrate Kiya Aur Parivaar Ke Saath Milkar Dance Bhi Kiya,

Roka Ke Baad Raja Ke Parivaar Ne Ichha Zahir Ki, Ki Shaadi Diwali Ke Baad Ho, Lekin Sonam Ke Parivaar Ne Kaha Ki Diwali Ke Baad Koi Achha Muhurat Nahi Ban Raha Hai, Isliye Woh Chahte Hain Ki Shaadi Jaldi Se Jaldi Kar Di Jaaye,

Ladka Aur Ladki Dono Manglik The Aur Unki Kundliyon Ke Gun Bhi Aapas Me Mil Rahe The, Is Sanyog Aur Parivaar Ke Pressure Ke Chalte Raja Ke Parivaar Ne Bhi, Jaldi Shaadi Ke Liye Haan Kar Di, Iske Baad Raja Aur Sonam Ring Ceremony, Mehndi, Shaadi Aur Reception Ki Shopping Me Lag Gaye, Har Koi Raja Aur Sonam Ko Ek Ideal Couple Ke Roop Me Dekh Raha Tha, Aur Har Taraf Khushi Aur Jashn Ka Mahaul Tha,

Jis Life Partner Ki Talaash Raja Kar Raha Tha, Uska Naam AB Wedding Card Par Bhi Chap Chuka Tha, Aur Isi Ke Saath Shaadi Ke Khushi Bhare Functions Ki Shuruaat Ho Chuki Thi, Ring Ceremony Ke Din, Saare Rasmon Ko Poora Karne Ke Baad Raja Aur Sonam Ne Ek-Dusre Ko Ring Pehnayi, Iske Baad Haldi Ki Rasmon Ke Dauran, Dono Parivaaron Ne Milkar Dhoom-Dhaam Se Jashn Mamaya.

Shaadi Ki Roshni, Vaadon Ki Goonj Aur Ek Achanak Honeymoon Plan

Raja Itna Zyada Excited Tha Ki Usne Sonam Ke Welcome Ke Liye, Apna Room Bahut Hi Khoobsurat Se Sajwa Diya Tha, Aakhirkaar Woh Din AA Hi Gaya Jiska Raja Besabri Se Intezaar Kar Raha Tha,

11 May Ko Raja Ki Baraat Dhoom-Dhaam Se Gaate-Bajate Aur Naachte-Jhoomte Huwe Nikli, Raja Ne Sonam Ka Haath Thaama Aur Varmaala Pehnakar Dono Shaadi Ke Bandhan Me Bandh Gaye, Ek Taraf Jahan Raja Ne Sonam Ko Propose Kiya Aur Uski Nazar Utaari Wahi Sonam Ne Patni Hone Ka Adhikaar Jatate Huwe Raja Ka Haath Pakada Aur Ek Nayi Zindagi Ki Shuruaat Ka Elaan Kiya,

Saat Pheron Ke Baad Raja Ne Sonam Ki Maang Bhari, Mangalsutra Pehnaya Aur Saat Janmon Tak Saath Nibhane Ka Vachan Diya, Rasmon Ke Poore Hone Ke Baad, Sonam Ke Parivaar Ne Bheegi Aankhon Ke Saath Use Vida Kiya, Ek Naye Ghar Naye Rishton Aur Ek Nayi Zindagi Ki Shuruaat Ke Liye,

Reception Function Me Bhi Raja Aur Sonam Ne Parivaar Ke Sabhi Sadasyon Ke Saath Milkar Jashn Mamaya, Aur Ek-Dusre Ko Vachan Diye, Raja Ne Kaha, Sonam, Main Yahan Vachan Deta Hoon, Main Yahan Vachan Deta Hoon, Shaadi Ke Baad Raja Aur Sonam Dono Bahut Khush Nazar AA RAHE The, Rasmon Ko Poora Karte Huwe, 15 May Ko Yaani Shaadi Ke Chauthe Din,

Sonam Apne Sasural Se Apne Maayke Chali Gayi, Lekin Tabiyat Kharab Hone Ke Kaaran Woh Apne Maayke Me Hi Ruki Rahi, Sonam Ne Raja Ko Bataya Ki Usne Ek Mannath Maani Hai, Ki Jab Tak Dono Guwahati Ke Kamakhya Mandir Ke Darshan Nahi Kar Lete, Tab Tak Woh Dono Kareeb Nahi Aayenge,

18 May Ko Sonam Ne Raja Ko Call Kiya, Aur Use Surprise Diya, Ki Usne Guwahati Ke Liye Unke Honeymoon Ke Flight Tickets Book Kar Liye Hain, Jahan Sabse Pehle Woh Kamakhya Mandir Jayenge, Waise To Raja Ka Plan Tha Ki Woh Sonam Ke Saath Do Mahine Baad Honeymoon Par Jayega, Lekin Sonam Ke Is Surprise Se Woh Sirf Hairaan Hi Nahi Balki Bahut Khush Bhi Ho Gaya,

Isi Khushi ME Raja Ne Usi Din Honeymoon Ke Liye Shopping Bhi Kar Li, Jab Raja Ki MAA Ne Usse Poocha Ki Shopping Se Laut Kar Phir Se Naye Kapde Lene Ka Kya Reason Hai, To Raja Ne Unhe Sonam Ke Surprise Honeymoon Plan Ke Baare Me Bataya Aur Kaha Ki Sonam Ne Do Din Baad, Yaani 20 May Ke Liye Tickets Pehle Hi Book Kar Liye Hain,

Honeymoon Ka Safar: Kamakhya Se Nongriat Tak Aur Raaste Mein Hui Teen Anjaani Mulaqatein

Do Din Baad Yaani 20 May Ke Liye Bhi Tickets Book Kar Liye Gaye The, Apne Bete Ki Khushi Dekhkar MAA Ne Use Nahi Roka, Bas Itna Poocha Ki Dono Kab Wapas Aayenge, Is Par Raja Ne Kaha Ki Sonam Ne Abhi Return Tickets Book Nahi Kiye Hain, Isliye Wapas Aane Ki Date Use Bhi Nahi Pata,

Jab MAA Ne Sonam Ko Phone Karke Wapas Aane Ki Date Poochi, To Sonam Ne Kaha Ki Shopping Ki Wajah Se Woh Bhool Gayi Hai, Aur Guwahati Pahunch Kar Return Tickets Book Kar Legi, 20 May Ki Subah 6:47 Baje Raja Apne Ghar Se Nikalta Hai Aur Rapido Bike Taxi Se Airport Pahunchta Hai, Jahan Se 9:30 Baje Raja Sonam Ke Saath Indore Se Bangalore Ke Raste Guwahati Ke Liye Flight Leta Hai,

Guwahati Pahunchne Ke Baad Dono Ne Saath Milkar, Kamakhya Mandir Ke Darshan Kiye, Wahan Se Sonam Ke Kehne Par Dono Ne Apni Trip Extend Ki Aur Meghalaya Ke Shillong Chale Gaye. 22 May ko Shillong Pahunchne Ke Baad, Dono Ne Ek Auto Rental Se Scooty Li Aur Apna Luggage Jama Karke Mawla Khyat Ke Liye Nikal Gaye,

Maula Khyat Pahunchkar Unhone Scooty Park Ki Aur Bhagwan Sai Naam Ke Ek Guide Ko Hire Kiya, Jo Unhe Nongriat Ke Double Decker Living Root Bridge Tak Le Jaane Wala Tha, Lagbhag 3000 Seedhiyan Utar Kar Dono Nongriat Pahunch Gaye, Jab Tak Woh Nongriat Pahunche, Kaafi Andhera Ho Chuka Tha, Isliye Unhone Paas Hi Shipara Homestay Me Ek Room Le Liya Aur Raat Wahi Bitayi,

Agale Din Yaani 23 May Ki Subah 5:30 Baje Dono, Homestay Se Checkout Karke Nikal Gaye, Subah 4:30 Baje Dono Double Decker Bridge Ki Taraf Gaye, Aur Phir Honeymoon Ki Yaadon Ko Samet-Te Huwe Raja Sonam Ke Saath Wapas Mawla Khyat Ki Taraf Chal Pada, Jahan Unhone Scooty Park Ki Thi,

Is Lambi 3000 Seedhiyan Ki Trek Ke Dauran, Raja Ki Mulaqat Raaste Me Indore Ke Teen Ladkon Se Huwi, Jab Apne Shehar Ke Log Aur Apni Hi Bhasha Bolne Wale Log Kisi Door Rajya Me Mil Jaate Hain, To Koi Bhi Khushi-Khushi Baat Karne Lagta Hai, Raja Ka Swabhav Bhi Kaafi Cheerful Aur Friendly Tha, Isliye Jab UN Ladkon Ne Raja Se Baat Shuru Ki, To Apne Shehar Ke Hone Ka Pata Chalne Par Raja Bhi Unse Dosti Se Baat Karne Laga,

Baatchit Ke Dauraan Yeh Pata Chala Ki Woh Log Bhi, Wahi SoDongFalls Dekhne Ja Rahe The, Jis Jagah Ko Sonam Ne Raja Ko Ghumane Ke Liye Chuna Tha, Phir Kya Tha, Raja Aur Sonam UN Teenon Ke Saath Milkar Waterfall Dekhne Ke Liye Ek Saath Chal Pade Aur Baaki Ka Safar Track Par Saath-Saath Tay Kiya, Maula Khyat Pahunchkar Sabhi Ne Wahan Se Apni-Apni Scooty Uthayi Aur Phir Sab Log Ek Hi Disha Me So Dong Falls Ki Taraf Nikal Pade,

Aakhri Call, Aakhri Muskaan: Wei Sawdong Falls Par Hua Pehla Khooni Vaar

Aur Phir Sab Log Sodong Falls Ki Taraf Badh Gaye, Kyunki Raja Aur Sonam Bina Breakfast Kiye, Hi Nikle The, Isliye Raaste Me Ruk Kar Raja Ne Kele Khareede Aur, Usi Dauraan Apni MAA Ko Call Kiya, Raja Ne MAA Se Kaha, Aapne Kuch Khaya Ya Nahi Main Abhi Kele Kha Raha Hoon,

Is Call Ke Kuch Hi Minute Baad Aisa Kuch Hone Wala Tha, Jo Shayad Kisi Ne Apne Khayalon ME Bhi Nahi Socha Tha, Lagbhag 2:00 Baje Dopahar, Jab Riyat Arliang Se Sab Log Scooty Par Wei Sawdong Falls Ke Parking Area Tak Pahunche, To Wahan Charon Taraf Khamoshi Chhai Huwi Thi,

Woh Jagah Itni Sunsaan Thi Ki, Us Waqt UN Paanch Logon Ke Alawa Wahan Aur Koi Bhi Maujood Nahi Tha, Jab Raja Ne Scooty Park Ki Aur IN Shaant Pahadi Wadiyon Ke Beech Behte Huwe, Wei Sawdong Falls Ko Dekhne Ke Liye Selfie Point Par Pahuncha, To Sonam Muskurate Huwe Uske Saamne Aakar Khadi Ho Gayi,

Bilkul Waise Hi Jaise Kuch Din Pehle Huwi Rasmon Ke Dauraan Woh Uske Saath Khadi Thi, Lekin Raja Is Muskaan Ke Peeche Chhupi Huwi, Dhokhe Ki Asli Niyat Se Bilkul Anjaan Tha, Isi Beech Raja Kuch Samajh Pata, Usse Pehle Hi Sonam Ke Ishare Par UN Ladkon ME Se Ek Ne BAG Me Chhupa Huwa Tez Dhaar Wala Hatiyar, Nikaal Kar Raja Ke Sar Par Itni Zor Se Vaar Kiya,

Raja Dard Se Cheekhta Huwa, Khoon Se Latpat Zameen Par Gir Pada, Jaise Hi Pehla Vaar Huwa, Sonam Peeche Hat Gayi, Aur Utni Hi Der Me Baaki Do Ladkon Ne Bhi Raja Ke Sar Par Saamne Se Do Aur Vaar Kar Diye, Pehla Vaar Peeche Se Huwa Tha, Isliye Raja Ko Na Sambhalne Ka Mauka Mila, Na Apni Jaan Bachane Ke Liye Ladne Ka, Use Zara Si Bhi Ummeed Nahi Thi Ki Uske Saath Aisa Kuch Ho Sakta Hai,

Jis Patni Par Bharosa Tha, Wahi Nikli Qaatil: Operation Honeymoon Ki Shuruaat

Woh Aurat Jise Raja Apni Patni Maanta Tha, Jiske Saath Woh Apni Zindagi Ke Sabse Khoobsurat Pal IN Pahadi Wadiyon Me Bitane Aaya Tha, Wahi Aurat Uske Saath Uski Maut Bankar Chal Rahi Thi,

Khoon Se Lathpath Raja, Maut Ki Dehleej Par Pada Huwa Tha, Aur Us Dehleej Ko Paar Karte Huwe Usne Yeh Dekh Liya Tha, Ki Jis Patni Sonam Ne Saath Janmon Tak Saath Rehne Ki Kasam Khai Thi, Usi Patni Ne Sirf Shaadi Ke Do Hafte Ke Andar Use Is Anjaam Tak Pahuncha Diya,

Lekin Kahani Yahin Khatam Nahi Huwi, Jinhi Haathon Ko Raja Ne Shaadi Ke Mandap Me Pyaar Se Thaama Tha, Unhi Haathon Ke Ishare Par UN Teen Ladkon Ne Raja Ko Gehri Khaai Me Dhakel Diya,

Raja Ka Qatl Karke Use Aisi Jagah Fenk Diya Gaya, Jahan Se Na Uski Laash Milna Aasaan Tha, Aur Na Hi Sach Ka Saamne Aana, Aisi Jagah Jahan Sonam Par Kisi Ko Shaq Na Ho, Aur Woh Khud Ko Ek Victim Ke Roop Me Dikhati Rahi,

Ab Sawaal Yeh Tha Ki Jab Kisi Ko Sonam Par Shaq Hi Nahi Tha, To Aakhir Meghalaya Police Ne Sabooton Ke Saath Uska Asli Chehera Kaise Be-Nakaab Kiya?

Isse phele Sohra Police Station Ke Itihaas Me, Ek Bhi Murder Ka Case Darj Nahi Huwa Tha, Aise Me Yeh Case Bahut Hi Time-Sensitive Tha, Isliye Meghalaya Police Ne Turant Ek SIT (Special Investigation Team) Ka Gathan Kiya, Aur Is Poore Case Ko Naam Diya Operation Honeymoon,

Search Operation Ko Aur Tez Kiya Gaya, Sniffer dogs, Petrol Teams Aur Drones Ki Sankhya Badha Di Gayi, Aur Isi Intens Search Operation Ke Saath, Sach Ki Parat-Dar-Parat Khulne Wali Thi, Police Ko Mobile Phone Ke Kuch Parts Mile, Ek White Shirt Mili, Raja Ka BAG, Medicines Aur Saath Hi Khoon Se Sani Huwi Hathiyar, Yaani Murder Weapon, Bhi Baramad Huwi,

Khooni Hatiyar Se Mangalsutra Tak: Yahin Se Sonam Par Gehraaya Police Ka Shaq

Yeh Murder Weapon Police Ke Liye Ek Bahut Hi Important Link Tha, Jisse Yeh Baat Saaf Ho Gayi Ki Raja Ka Murder Poori Planning Aur Saazish Ke Tahat Kiya Gaya Tha, Kyunki Yeh Hatiyar Local Hariyar Se Bilkul Alag Thi, Iska Handle Plastic Ka Bana Huwa Tha,

Jabki Yahan Locally Banne Wali Hariyar Ke Handle Lakdi Ke Hote Hain, Aur Yeh Ek Bilkul Naya Weapon Tha, Jo Sirf Raja Ke Murder Me Use Kiya Gaya Tha, Is Point Par Police Ko Yeh Ehsaas Huwa Ki Is Murder Me Shamil Log Meghalya Ke Rehne Wale Nahi Hain,

Dusri Taraf Police Ko Sonam Ke Suitcase Se Mangalsutra Aur Earrings Mile, Jabki Raja Ki Gold Chain Aur Ring Abhi Tak Gayab Thi, Yahin Se Police Ka Shaq Sonam Par Gehra Ho Gaya, Kyunki Sawal Yeh Tha Ki Ek Nayi-Nayi Shaadi Shuda Aurat Aakhir Apna Mangalsutra Utaar Kar Ghoomne Kyun Niklegi,

Ab Yahin Se Police Ne Ek Team Ko Sonam Ke Call Records Aur Communication Data Ko Detail Me Check Karne Ke Liye Laga Diya, Isi Beech Search Operation Ke Dauran Police Ne Scooter Ke GPS Data Ko Track Kiya, Aur AD View Point Tak Pahunchi, Jahan Sonam Aur Raja Ki Scooter Kuch Der Ke Liye Ruki Thi,

Ab Police Ne Is Area Ke Aas-Paas Ki Jagah Ko Bhi Thoroughly Investigate Karna Shuru Kiya, Lagataar Mehnat Karte Huwe, Police Ne Poore Area Ko Upar Se Neeche Tak Chhaan Mara, Aur Unhe Iska Nateeja Bhi Mila, Jab Ek Khoon Se Sani Huwi Raincoat Police Ke Haath Lagi, Jo Dekhne ME Sonam Ki Lag Rahi Thi,

Police Ne Bina Der Kiye Us Raincoat Ko Forensic Examination Ke Liye Bhej Diya.

• Is Poore Investigation Me 5 SIT Teams, Jinme 15 Police Officers Shamil The, Actively Kaam Kar Rahi Thi.

• Pehli Team Raja Ke Post-Mortem Report Aur Mobile Activity Ke Through Murder Ko Reconstruct Kar Rahi Thi.

• Dusri Team Har Possible Jagah Jaakar CCTV Footages Scan Kar Rahi Thi.

• Teesri Team Raja Aur Sonam Ke Call Records Aur Message Data Ko Detail Me Analyze Kar Rahi Thi.

Yahin Se Is Case Ki Asli Parat-Dar-Parat Sachchai Saamne Aane Wali Thi,

Instagram Post Se Indore Tak: Sonam Ki Saazish Ka Digital Trail

Police Yeh Bhi Dekh Rahi Thi Ki Us Waqt Couple Ke Aas-Paas Kaun-Kaun Se Numbers Active The, Aur Kaun Se Numbers Unke Contact Me The, Investigation Me Pata Chala Ki Sonam Unme Se Kuch Logon Se Messages Ke Zariye Contact Me Thi, Aur Unhi Ke Paas Uski Location Bhi Trace Ho Rahi Thi,

Chauthi Team Hotels Ke Owners, Guides, Aur Local Logon Se Baat Karke HAR Chhoti-Badi Detail Ikatthi Kar Rahi Thi, Jabki Paachvi Team Raja Aur Sonam Ki Social Media Activity Ko Scan Kar Rahi Thi, Aur Yahin Police Ko Ek Bahut Important Clue Mila, Police Ko Raja Ke Instagram Account Par 23 May ko 2:00 Baje Ka Ek Post Mila,

Jab Police Ne Sonam Ki Social Media Activity Check Ki, To Unka Shaq Aur Gehra Ho Gaya, Kyunki Sonam Ne Raja Ke Saath Shaadi Ke Baad Ek Bhi Photo Post Nahi Ki Thi, Aur Raja Ke Is Last Post Ke Baad Hi Dono Ke Phones Switched Off Ho Gaye The, Jab Raja Ka Post-Mortem Report Aaya, To Murder Angle Bilkul Clear Ho Gaya, Raja Ke Sir Par Ek Vaar Peeche Se Aur Ek Saamne Se Kiya Gaya Tha, Jo Uski Maut Ka Kaaran Bana,

In Sab Findings Ki Saari Kadiyan Dheere-Dheere Sonam Tak Pahunch Rahi Thi, Aur SIT Ka Shaq AB Us Par Aur Zyada Gehra Hota Ja Raha Tha, 6 June Tak Investigators Ne Itne Saboot Ikattha Kar Liye The, Jo Is Baat Ki Taraf Ishara Kar Rahe The, Ki Is Murder Ki Mastermind Sonam Hi Hai, Aur Is Poori Saazish Me Indore Ke Teen Log Bhi Shamil Hain,

Iske Baad Meghalaya Police Ne 4 Mobile Numbers Indore Crime Branch Ke Saath Share Kiye, Crime Branch Ki Jaanch Me Pata Chala Ki Yeh Saari SIM Cards Indore Se Hi Kharidi Gayi Thi, Aur Unke Addresses Bhi Local Nikle, Meghalaya Police Ne Un Numbers Ko Surveillance Par Rakhne Ko Kaha Taaki Unki Movement Track Ki Ja Sake,

Phir 7 June Ko Indore Me Surveillance Shuru Huwa, Jiske Baad Teen Naam Saamne Aaye Akash, Vishal Chauhan Aur Anand Kurmi, Yeh Naam Hi Is Poori Saazish Ki Agla Darwaza Kholne Wale The,

Indore Se Ghazipur Tak: 48 Ghante Me Sonam Aur Team Giraftar

Jaise Hi Yeh Naam Saamne Aaya, 8 June Ko Meghalaya Police Indore Pahunchi, Yahan MP Police Ke Saath Milkar Plain Clothes Me Suspects Ko Arrest Karna Shuru Kiya Gaya, Police Sabse Pehle Vishal Chauhan Ke Ghar Pahunchi, Jahan Woh Akela Baithkar Sharab Pee Raha Tha,

Vishal Ki Giraftari Aur Uske Confession Ke Baad, Police Ko Ek Bahut Hi Important Jaankari Mili, Ek Aisa Naam Saamne Aaya Jo Pehle Kabhi Police Ke Radar Par Nahi Tha, Aur Woh Naam Tha Raj Kushwaha, Iske Saath Hi Vishal Ne Teesre Mulzim Akash Ka Location Bhi Police Ko Bata Diya, Jiske Baad Use Bhi Turant Arrest Kar Liya Gaya,

Isi Dauran Jab Police IN Sab Ko Pakad Rahi Thi, 9 June Ki Raat Der Se Sonam Ghazipur Ke Ek Dhabe Par Mili, Sonam Ke Milte Hi Police Ne Use Bhi Custody Me Le Liya, Is Poore Operation Me Raj Kushwaha Aur Anand Kurmi Ko Bhi Giraftar Kar Liya Gaya,

Is Tarah Sonam Sahit Total 5 Log Police Ki Custody Me AA Chuke The, Kyunki Crime Meghalaya Me Huwa Tha, Isliye Sabhi Aaropiyon Ko Giraftaar Karne Ke Baad Meghalaya Police Un Sab Ko Apne Saath Shillong Le Gayi Aur Shillong Court Me Pesh Karke Remand Par Liya,

17 June Ko Crime Scene Ka Reconstruction Kiya Gaya, Jisse Is Murder Ki Poori Tasveer Saaf Ho Gayi.

Jo Teen Aaropi Sonam Ke Saath Meghalaya Gaye The, Unme Se Ek Tha Vishal Chauhan, Vicky, Jo Lalitpur, Uttar Pradesh Ka Rehne Wala Hai, Lekin Indore Me Rehta Tha Aur Paise Kamane Ke Liye Rapido Bike Chalata Tha, Is Murder Me Vishal Raj Kushwaha Ki Wajah Se Shamil Huwa, Kyunki Raj Uska Bahut Accha Dost Tha, Itna Accha Ki Raj Ki Behen Ne Use Rakhi Bhi Baandhi Thi,

Doosra Aaropi Akash, Siyaganj, Indore Ka Rehne Wala Hai, Jo Bairozgaar Tha Aur Kabhi-Kabhi Majdoori Ka Kaam Karta Tha, Vishal Ne Hi Akash Ko Raj Se Milwaya Tha, Teesra Aaropi Anand Kurmi, Bina, Madhya Pradesh Ka Rehne Wala Hai, Aur Woh Akash Aur Vishal Dono Ka Dost Tha, Raj Kushwaha Ne Hi IN Teeno Ko Raja Ke Murder Ke Plan Ke Liye Sonam Se Milwaya Tha,

Raj Kushwaha Ke Pita Jo Uttar Pradesh Ke Rehne Wale The, Do Saal Pehle Guzar Chuke The, Iske Baad Raj Apni MAA Aur Do Behnon Ke Saath Reh Raha Tha, Kuch Saal Pehle Raj Naukri Ke Silsile Me Indore Aaya Tha, Jahan Sonam Ke Bhai Govind Ne Use Apni Plywood Company Me Job Di Thi, Raj Wahan Billing Department Me Kaam Karta Tha,

Kyuki Govind Ne Raj Ki Zindagi Ke Mushkil Waqt Me Uski Bahut Madad Ki Thi, Isliye Govind Raj Ke Liye Pita Saman Tha, Sonam Bhi ISI Family Business Me Kaam Karti Thi, Aur Yahin Par Sonam Aur Raj Ki Pehli Mulaqat Huwi Thi,

Jab IN Paanchon Aaropiyon Ki Giraftari Ke Baad Poochtaach Shuru Huwi, To Shuru Me Sab Chup Rahe, Lekin Jaise Hi Confession Shuru Huwa, Ek Aisi Bhayanak Saazish Saamne Aayi Jisne Sabke Hosh Uda Diye, Kyunki Sabke Mann Me Sirf Ek Hi Sawaal Tha,

• Aakhir Itni Badi Saazish Kaise Rachi Gayi?

• Aur Raja Ko Hi Nishana Kyun Banaya Gaya?

Shaadi Se Pehle Hi Qatl Ka Faisla: Sonam Aur Raj Kushwaha Ki Dark Planning

Shuru Se Hi Sonam Apne Parents Se Shaadi Ke Liye Mana Karti AA Rahi Thi, Jab Se Uske Parivaar Wale Raja Ke Parivaar Ke Saath Rishta Tay Karne Ki Baat Kar Rahe The, Tab Se Sonam Ka Roz Apne Ghar Walon Se Jhagda Hota Tha, Yeh Baat Itni Badh Gayi Thi, Ki Pados Ke Logon Tak Bhi Iski Khabar Pahunch Gayi Thi,

Sonam Ziddi Aur Gusse Wali Thi, Lekin Yeh Fitrat Use Apne Maa-Baap Se Mili Thi, Kyunki Woh Khud Bhi Bahut Ziddi Nature Ke The, Woh Kisi Bhi Keemat Par Sonam Ki Shaadi Raja Se Karna Chahte The, Kyunki Unki Nazar Me Raja Se Behtar Rishta Sonam Ke Liye Ho Hi Nahi Sakta Tha,

Yeh Baat Sach Thi Ki Raja Se Behtar Koi Nahi Tha, Lekin Sawaal Yeh Tha Ki Kya Sonam Raja Ke Layak Thi, Sirf Samaj Aur Apni So-Called Image Ke Chakkar ME, Unhone Sonam Ke Jazbaaton Ko Dabaa Kar Use Zabardasti Shaadi Ke Liye Razi Kar Liya,

Sonam Ne Unhe Saaf Shabdon Me Dhamki Di Thi, Ki Shaadi Ke Baad Jo Bhi Hoga, Uske Liye Tayyar Rahen, Sab Kuch Jaante Aur Samajhte Huwe Bhi, Parivaar Walon Ne Sonam Ki Is Dhamki Ko Nazarandaz Kar Diya,

Darasal Sonam Ki MAA Hamesha Yeh Koshish Karti Rahi, Ki Yeh Baat Raja Ke Parivaar Tak Na Pahunche, Aur Shaadi Jitni Jaldi Ho Sake Utni Jaldi Kar Di Jaye, Isi Wajah Se Unhone Aage Koi Muhurat Nahi Hai, Ka Pressure Daal Kar Shaadi Jaldi Karwane Par Zor Diya,

10 February 2025 Ko Jaise Hi Sonam Ka Rishta Raja Ke Saath Pakka Huwa, Usi Din Se Sonam Aur Raj Kushwaha Dono Milkar Is Bhayanak Saazish Ki Planning Karne Lage, Ek Taraf Sonam Raja Ke Saath Shaadi Ki Shopping Kar Rahi Thi, Aur Peeche Hi Peeche Uske Qatl Ki Planning Bhi Chal Rahi Thi,

Ek Mahine Baad 11 May Ko Sonam Ki Shaadi Raja Se Ho Gayi, Lekin Iske Baad Bhi Sonam Aur Raj Kushwaha Phone Par Murder Plan Par Baat Karte Rahe, Shaadi Ke Chauthe Din, Yaani 15 May Ko Rasmon Ke Mutabik Sonam Apne Maayke Chali Gayi, Lekin Wapas Aane Ke Bajaye Bimari Ka Bahana Bana Kar Wahi Ruk Gayi, Aur Wahi Se Raj Kushwaha Ke Saath Phone Par Planning Karti Rahi,

16 May Ki Raat 9 Baje Se 17 May Subah 3 Baje Tak, Dono Ne Lagbhag 6 Ghante Phone Par Baat Ki, Aur Raja Ko Honeymoon Ke Bahane Bahar Le Jaakar Maarne Ka Final Plan Tay Kar Liya, Ek Chhoti Si Baat Ko Wajah Bana Kar Yeh Tay Kiya Gaya, Ki Raja Ko Honeymoon Ke Naam Par Bahar Le Jaaya Jayega Aur Wahi Uska Qatl Kar Diya Jayega,

Shaadi ke Mandap se Qatl Tak: Jab Honeymoon Bana Khoon Ka Plan

Raja Chaahte Huwe Bhi Honeymoon Par Jaana Nahi Chahta Tha, Lekin Raj Kushwaha Ke Kehne Par Sonam Ne Guwahati Ke Tickets Book Kar Diye, Aur Surprise Gift Ka Bahana Bana Kar, Raja Ko Honeymoon Ke Liye Mana Liya,

Is Poore Plan Me Sirf Ek Chhoti Si Dikkat Thi, Aur Woh Yeh Ki Sonam Ke Ghar Ke Pandit Ne Use 5 June Se Pehle Kahin Bhi Safar Karne Se Mana Kiya Tha, Sonam Ko Darr Tha Ki Kahin Parivaar Uska Plan Kharab Na Kar De, Isliye Sonam Ne Apne Ghar Walon Se Jhooth Bola Ki Honeymoon Ke Tickets Raja Ne Book Kiye Hain,

Is Saazish Par Baat Karne Ke Liye 17 May Ki Raat Indore Ke Ek Cafe ME Sonam, Raj Kushwaha Aur Teen Ladke Mile, Wahan Raj Kushwaha Ne Sonam Aur Baaki Teenon Ko Anand Kurmi Ke ID Par Liye Gaye Do SIM Cards Diye, Uske Baad Sonam Ne UN Teenon Ko ₹50,000 Cash Aur Train Tickets Bhi Diye, Taaki Plan Aasani Se Execute Ho Sake,

Raj Kushwaha Indore Me Hi Ruk Gaya, Aur Apni Roz Marra Ki Zindagi Jeeta Raha, Taaki Kisi Ko Us Par Shak Na Ho. Uske Baad Teeno 19 May Ko Train Se Guwahati Pahunch Gaye, Wahan Railway Station Ke Paas Se Raja Ko Maarne Ke Liye Do Hathiyaar Khareede Gaye, Aur Phir Alag-Alag Jagahon Par Reconnaissance Shuru Ki Gayi,

20 May Ko Raja Aur Sonam Guwahati Pahunche, Aur Jis Hotel Me Woh Ruke The, Usse Lagbhag 1 Kilometer Door Yeh Teen Log Ananda Lodge, Guwahati Me Ruke, Raja Aur Sonam Jahan-Jahan Ja Rahe The, Sonam Unki Live Location IN Teenon Criminals Ko Bhej Rahi Thi, Aur Yeh Log Hathiyaaron Ke Saath Mauke Ki Talaash Me Ghoom Rahe The,

Asal Me Yeh Log Ek Aisi Jagah Dhoondh Rahe The, Jo Bilkul Sunsaan Ho, Jahan Na CCTV Ho Aur Na Koi Gawah, Jaise Hi Sonam Ka Signal Milta, Raja Ko Maar Kar Uski Maut Ko Robbery Ka Case Dikhana Tha, Isi Wajah Se Sonam Ne Raja Se Kaha Tha, Ki Trip Par Sone Ki Chain, Diamond Ring Aur Bracelet Pehen Kar Chale,

Lekin Jab Guwahati Me Mauka Nahi Mila Aur Plan Fail Ho Gaya, Toh Sonam Ne Raja Ko Mana Kar Trip Meghalaya Tak Extend Karwa Di, Taaki Shillong Aur Sohra Ke Beech Ke Ghane Jungle Me Naye Plan Ke Tahat Uska Qatl Kiya Ja Sake, Isi Wajah Se Sonam Ne Bina Kisi Ko Shak Huwe UN Teenon Criminals Ko Shillong Bula Liya,

Sonam Kisi Bhi Keemat Par Raja Ko Maarne Chahti Thi, Isi Liye Jab Guwahati Ka Plan Fail Huwa, Toh Usne Meghalaya Ke Liye Do Plans Bana Liye, Plan A Aur Plan B, Taaki Agar Ek Plan Fail Ho Jaaye Toh Backup Plan Turant Execute Kiya Ja Sake,

22 May Ko Shillong Pahunchte Hi Plan A Activate Kar Diya Gaya, Is Plan Ke Mutabik, Teeno Criminals Ki Maujoodgi Me Sonam Selfie Ke Bahane Raja Ko Khaai Me Dhakka Dene Wali Thi,

Usi Din Ke CCTV Footage Me Raja Honeymoon Ke Liye Packing Karta Huwa Dikh Raha Hai, Jabki Sonam Usi Waqt Uski Maut Ka Jaal Bun Rahi Thi, Woh lagataar Teeno Criminals Ke Saath Texting Kar Rahi Thi, Location Sharing, Updates Aur Attack Timing,

Sonam Ki Nafrat: Jab Do Saazish Fail Hui, Toh Teesri Baar Maut Tay Ho Gayi

Usi Pal Yeh Sab Decide Ho Raha Tha, Lekin Itni Planning Ke Baad Bhi Tez Baarish Aur Jaldi Chha Jaane Wali Andheri Raat Ki Wajah Se Plan A Fail Ho Gaya, Lekin Sonam Ke Mann Me Jo Nafrat Thi, Woh Yahin Rukne Wali Nahi Thi, Do Plans Fail Hone Ke Baad Bhi Usne Raj Kushwaha Se Baat Ki Aur Turant Plan B Par Kaam Shuru Kar Diya,

Plan B Ke Mutabik Raja Ko Ek Bilkul Sunsaan Pahadi Ilaake Me Le Jaakar Teenon Ke Zariye, Uska Qatl Karna Tha, Is Baar Plan Har Haal Me Successful Hona Chahiye Tha, Iske Liye Sonam Ne Kaafi Research Ki Aur Raja Ko Maarne Ke Liye Do Jagah Choose Ki,

Pehli Jagah Thi Maula Khyat Se Nongriyad Ka Trek, Aur Doosri Jagah Thi, Weis Aur Song Falls, Maula Khyat Isliye Choose Kiya Gaya Kyunki Yeh Ek Bahut Hi Sunsaan Gaon Hai, Na CCTV, Na Traffic, Sirf 17 Parivaaron Ka Ek Chhota Sa Gaon, Iske Upar Se Nongriyad Ka Trek Kaafi Lamba, Mushkil Aur Ghane Jungle Se Ghira Huwa Hai,

Doosri Jagah Weis Aur Song Falls Isliye Choose Ki Gayi, Kyunki 2023 Se Yeh Jagah Civil Subdivisional Authority Ke Order Par Band Thi, Gaon Ke Teen Villages Ke Beech Ownership Dispute Chal Raha Tha, Isi Wajah Se Yeh Jagah Bilkul Sunsaan Ho Chuki Thi,

Plan Ke Mutabik 23 May Ko Sonam Raja Ke Saath, Nongriyad Se Maula Khyat Ke Track Par Chadhi, Aur Isi Track Par Yeh Teenon Badmaash Bhi Nikal Chuke The, Subah 9:25 Baje, Yeh Teenon Ek Wahan Se Guzar Rahe Tourist Ke Mobile Camera ME Galti Se Record Ho Gaye, Jisme Yeh Seedhiyan Wale Path Par Chalte Huwe Dikh Rahe The,

Bilkul 20 Minute Baad Yaani 9:45 Par, Sonam Aur Raja Bhi Isi Route Par Chalte Huwe Record Ho Gaye, Iska Matlab Yeh Tha Ki Teenon Mujrim Pehle Hi Aage Pahunch Kar Raja Aur Sonam Ka Intezaar Kar Rahe The, Guide Ke Bayan Ke Mutabik, 10:00 Baje Usne Raja Ko UN Teenon Se Baat Karte Huwe Dekha Tha,

Yaani IN 15–20 Minutes Ke Beech Kisi Bahane Se IN Logon Ne Raja Se Dosti Kar Li Thi, Agar Is Footage Ko Dhyaan Se Dekha Jaye, Toh Ek Aur Cheez Saamne Aati Hai, Trekking Ke Dauraan, UN Teenon Ne Bilkul Naye Kapde Aur Naye Jootey Pehne Huwe The, Jaise Pehle Kabhi Pehne Hi Na Gaye Ho,

Jahan Nature Khubsurat Tha, Wahan Qatl Likha Ja Chuka Tha

Us Waqt Trekking Par Maujood Hona Aur Is Tarah Taiyaar Hokar Aana Bhi, Is Poori Saazish Ka Hissa Tha, Kyunki IN Teeno Ka Decent Get-Up Me Hona Zaroori Tha, Taaki Woh Raja Se Aasani Se Dosti Kar Saken, Lekin Raja Se Ghul-Mil Jaane Ke Baad Bhi, Pehle Mauke Par Woh Raja Ko Maar Nahi Paaye, Lambi Aur Mushkil Trekking Ke Baad Teeno Itne Thak Chuke The, Ki Unhone Qatl Karne Se Mana Kar Diya,

Yeh Sunte Hi Sonam Ghabra Gayi, Kyunki Use Pata Tha Ki Yahi Aakhri Mauka Hai, Agar Is Trip Me Raja Nahi Mara, Toh Use Raja Ke Saath Wapas Indore Lauta Padega, Isi Bechaini Me Sonam Ne UN Teenon Ko Raja Ko Maarne Ke Liye ₹20 Lakh Dene Ka Offer Diya, Laalach Me Aakar Teeno Qatl Ke Liye Taiyaar Ho Gaye,

Weis Aur Dong Falls Se Lagbhag 2 Kilometer Pehle, Sonam Ne Photo Lene Ke Bahane Rukne Ki Koshish Ki, Lekin Yahan Bhi Mauka Nahi Mila, Phir Sonam Ne Chaalaaki Se Raja Ka Mobile Band Karwa Diya, Yeh Kehkar Ki Baar-Baar AA Rahe Calls Unke Personal Moments Disturb Kar Rahe Hain, Sonam Ke Iraadon Se Bilkul Anjaan Raja Ne Apna Phone Switch Off Kar Diya,

Plan Ke Mutabik Sab Log Weis Aur Dong Falls Pahunche, Jo Us Waqt Poori Tarah Sunsaan Tha, Raja Selfie Point Par Akela Khada Tha, Sonam Uske Bilkul Saamne Khadi Hokar Use Distract Kar Rahi Thi, Pehle Se Ishara Mil Chuka Tha, Isliye Mauka Milte Hi Vishal Ne BAG Me Chhupa Hatiyar Dono Haathon Se Pakadkar Poori Taakat Se Raja Ke Sir Ke Pichhle Hissa Par Vaar Kiya, Raja Zameen Par Gir Gaya,

Uske Baad Doosra Vaar Anand Ne Aur Teesra Vaar Akash Ne Kiya, Hamla Itna Berahmi Se Kiya Gaya Ki Raja Ki Mauke Par Hi Maut Ho Gayi, Phir Teeno Ne Milkar Raja Ki Laash Ko Chaar Foot Unchi Railing Ke Upar Se Gehri Khaai Me Dhakel Diya,

Hairani Ki Baat Yeh Thi Ki Jab 2 June Ko Raja Ki Maut Ki Khabar Sonam Ke Ghar Pahunchi, Toh Raj Kushwaha Bhi Wahan AA Gaya, Aur Sonam Ke Pita Ke Saath Khada Hokar Sahara Dete Huwe Nazar Aaya, Raja Ko Raaste Se Hata Diya Gaya Tha, Lekin Saazish Ka Aadha Hissa Abhi Baaki Tha,

Ab Zaroori Tha Ki Raja Ke Qatl Ko Loot (Robbery) Ka Roop Diya Jaaye, Taaki Sonam Kabhi Bhi Shak Ke Ghere Me Na Aaye, Aur Khud Ko Ek Peedit (Victim) Ke Roop Me Pesh Kar Sake, Iske Liye Bhi Sonam Ne Pehle Se Do Plans Bana Rakha The,

• Plan Pehla: Yeh Dikhaya Jaaye Ki Sonam Khaai Me Gir Gayi Aur Behte Paani Ke Saath Door Nikal Gayi, Lekin Zinda Bach Kar Laut Aayi.

• Plan Doosra: Ya Toh Sonam Ki Umar Aur Kad-Kaathi Wali Kisi Aur Mahila Ka Intezaam Kiya Jaaye, YA Phir Aisi Laash Taiyaar Ki Jaaye Jise Scooter Ke Saath Jala Diya Jaaye, Taaki Sabko Lage Ki Raja Ke Saath-Saath Sonam Ka Bhi Qatl Ho Gaya Hai.

Burqa, Taxi Aur 4 Rajyon Ka Safar: Qatl Ke Baad Sonam Ka Farar Plan

Lekin IN Sab Plans Ko Successful Banane Ke Liye, Sonam Ka Gayab Hona Bahut Zaroori Tha, Aur Usse Pehle Saare Saboot Mitaana Bhi, Isliye Akash Ne Apni Khoon Se Sani Huwi Shirt Ko Khaai Mein Fek Diya, Aur Sonam Ne Apna Raincoat Akash Ko Pehnne Ke Liye De Diya, Sonam Ne Raja Ka Phone Bhi Tod Kar Fek Diya, Aur Baaki Criminals Ke Saath Scooty Se AD View Point Pahunchi, Jahan Akash Ne Sonam Ka Diya Huwa Raincoat Bhi Fek Diya, Kyunki Woh Bhi Khoon Se Gaaga Huwa Tha,

Yahin Se Sonam Akash Ke Peeche Scooty Par Baith Gayi, Aur Anand Ne Raja Ki Rented Scooty Ko Sohra Rim Par Chhod Diya, Uske Baad Vishal Ne Sonam Ko Ek Burqa Diya, Jise Pehen Kar Sonam Police Bazar Pahunchi, Aur Wahan Se Taxi Lekar Guwahati Chali Gayi, Guwahati Pahunchne Ke Baad Woh Wahan Se Bus Se Siliguri Gayi, Phir Siliguri Se Bus Badal Kar Patna Pahunchi, Aur Patna Se Train Ke Zariye Lucknow AA Gayi,

Is Tarah Assam West Bengal Bihar Aur UP IN Chaar Rajyon Se Guzarta Huwe, Sonam Aakhirkaar 25 May Ko Apne Shehar Indore Mein Ek Flat Mein Chhup Kar Rehne Lagi, Jo Vishal Ne Pehle Hi Apne Naam Par Sonam Ke Liye Rent Par Le Rakha Tha,

Jab Poora Desh Raja Aur Sonam Ke Liye Pareshaan Tha, Unki Salamati Ke Liye Dua Kar Raha Tha, Us Waqt Sonam, Jisne Ek Masoom Ladke Ki Jaan Li Thi, Apne Shehar Mein chhupi Huwi Thi, Apni Hi Gumshudgi Ki Khabrein Sun Rahi Thi, Aur Padh Rahi Thi Sab Kuch Sonam Ke Plan Ke Mutabik Chal Raha Tha,

Teeno Criminals Bhi Alag-Alag Trains Se Apne-Apne Ghar Laut Chuke The, Sabko Lag Raha Tha Ki Jis Jagah Par Unhone Raja Ko Maar Kar Fek Diya Tha, Wahan Se Uski Laash Kabhi Nahi Milegi, Aur Agar Kai Mahino Baad Bhi Milti Hai, To Itni Zyada Gal Chuki Hogi Ki Uski Pehchaan Karna Namumkin Ho Jaayega, Aur Phir Kuch Mahino Baad Sonam Sabke Saamne Kidnapping Ki Victim Bankar AA Jaayegi,

Lekin Meghalaya Police Aur Wahan Ke Local Logon Ki Madad Se Raja Ka Sharir Bahut Jaldi Dhoondh Liya Gaya, Aur Is Kahani Ka Turning Point Tab Aaya, Jab Meghalaya Ke Local Media Ne Us Guide Ka Interview Liya, Jisne Bataya Tha Ki Raja Aur Sonam Ke Saath Teen Log Dekhe Gaye The, Jaise Hi Yeh Baat Saamne Aayi,

Jab Sach Bahar Aaya: Sonam Ka Plan Fail Aur Police Ka Trap

Raj Kushwaha Ne Sonam Se Kaha Ki Woh Indore Chhod De, Aur Siliguri Mein Dubara Saamne Aaye, Aur Wahan Se Kidnapping Ka Natak Kare, Sonam Abhi Indore Se Nikli Hi Thi, Ki Civil Dress Mein Chal Rahi Police Operation Ke Dauraan Vishal Aur Akash Ko Giraftaar Kar Liya Gaya,

Kisi Tarah Yeh Jaankari Raj Kushwaha Tak Pahunch Gayi, Pakde Jaane Ke Darr Se Woh Ghabra Gaya Aur Usne Sonam Ko Kaha Ki Woh Jahan Bhi Hai, Wahi Se Saamne Aaye, Apne Parivaar Ko Phone Kare Aur Yeh Dikhaye Ki Woh Kidnappers Ke Changul Se Bhaag Kar Nikli Hai, Isi Wajah Se Sonam Ghazipur Ke Ek Dhabe Par Acting Karti Huwi Sabke Saamne Aayi,

Lekin Uski Poori Chaal Yahin Par Pakdi Gayi, Aisa Lag Raha Tha, Jaise Uska Poora Raaz Khul Chuka Ho, Aur Police Usse Giraftaar Karne Wali Ho, Is Case Mein Jab Sab Log Giraftaar Ho Rahe The, Tab Ek Vyakti Media Ke Saamne Aisa Bayaan De Raha Tha, Jaise Use Kisi Baat Ki Koi Jaankari Hi Na Ho, Aur Woh Vyakti Tha Silom James, Indore Mein Us Flat Ka Malik, Jahan Sonam Kiraye Par Chhupi Huwi Thi,

Us Vyakti Ne Kaha, Ladka Aaya Tha, Usne Poora Rent Diya, Do Deposit Diye Bas Itna Hi. Maine Zyada Baat Nahi Ki, Possession De Diya Aur Main Apne Ghar Chala Gaya.

Lekin Jaanch Ke Dauraan Jab Yeh Baat Saamne Aayi, To 22 June Ko SIT Ne Silom James Ko Saboot Mitane Ke Aarop Mein Giraftaar Kar Liya, Police Sonam Ke Us Gayab Suitcase Ki Talaash Kar Rahi Thi, Jisme ₹5 Lakh Cash, Gehne Aur Ek Pistol Thi, Jiske Zariye Raja Ko Pehle Goli Maarne Ka Plan Tha,

Sonam Ki Giraftari Ke Baad Silom James Ne Us Flat Ki Ek Extra Chaabi Ka Istemal Karke Suitcase Wahan Se Hata Diya, Police Aur Forensic Team Us Jagah Par Bhi Pahunchi, Jahan Us Suitcase Aur Sonam Ke Kapdon Ko Jala Diya Gaya Tha,

Jab Police Ne Silom Se Sakthi Se Poochtaach Ki, To Ek Aur Kirdaar Ka Naam Saamne Aaya, Lokendra Tomar Pata Chala Ki Lokendra Ke Kehne Par Hi Silom Ne Sonam Ka BAG Jalaya Tha, Lekin BAG Jalaane Se Pehle Lokendra Usme Se ₹5 Lakh Cash, Pistol Aur Gehne Nikaal Kar Apne pass Rakh Chuka Tha,

Silom Aur Lokendra Usi Building Ke Flats Kiraye Par Dete The, Jisme Sonam Reh Rahi Thi, Jab Police Ne Lokendra Se Sampark Karna Chaha, To Usne Apna Phone Switch Off Kar Liya Aur Farar Ho Gaya, Lekin 23 June Ki Shaam Ko Use Gwalior Se Giraftaar Kar Liya Gaya,

Police Ne Is Flat Ke Guard Balveer Ko Bhi MP Ke Guna Se Giraftaar Kiya, Uski Bhoomika Par Shanka Ke Aadhaar Par, Aur 23 June Ko Use Bhi Silom Ke Saath Transit Remand Par Shillong Bhej Diya Gaya, Aakhir Us Suitcase Mein Aur Kya Saboot The, Aur Lokendra Ka Sonam Se Kya Sambandh Tha, IN Sab Sawalon Ke Jawab Abhi Aana Baaki Hain,

Jis Shaadi Ko Zindagi Ka Naya Aaghaz Samjha Gaya, Wahi Ban Gayi Maut Ki Saazish

Is Case Me Jab Raj Kushwaha Ka Naam Saamne Aaya, To Sonam Aur Raj Ke Beech Affair Ki Baatein Hone Lagi, Kehne Lage Ki Sonam Ka Raj Ke Saath Rishta Tha Aur Sonam Ka Parivaar Is Rishtay Ko Accept Nahi Kar Raha Tha,

Usne Itni Badi Saazish Rach Di, Itne Dinon Tak Nakli Muskaan Ke Saath, Sab Kuch Normal Dikhate Huwe, Apni Khatarnaak Niyaton Ko Chhupa Kar Rakha, Is Case Me Jab Raj Kushawaha Ka Naam Saamne Aaya, To Sonam Aur Raj Ke Beech Affair Ki Baatein Hone lagi,

Kehne Lage Ki Sonam Ka Raj Ke Saath Rishta Tha, Aur Sonam Ka Parivaar Is Rishtay Ko Accept Nahi Kar Raha Tha, Lekin Baad Me Yeh Baat Saamne Aayi Ki Raj Sonam Ko Didi Kehta Tha, Wo Use Behen Maanta Tha Aur Rakhi Bandhvaata Tha, Yahaan Tak Ki Sonam Ke Asli Bhai Govind Ne Bhi Kaha Ki, Raj To Mujse Pehle Hi Rakhi Bandhvaata Tha,

Raj Ke Parivaar Aur Padosiyon Ne Bhi Yahi Baat Kahi, Jab Police Ne Raj Aur Sonam Se Poochtaach Ki, To Pehle Dono Ek-Dusre Par Ilzaam Daalne Lage, Aur Confession Ke Dauran Ek-Dusre Ko Mastermind Batane Lage, Lekin Baad Me Raj Ne Khud Maana Ki Wohi Is Poori Saazish Ka Mastermind Tha,

Isi Dauran Call Records Me Yeh Saamne Aaya Ki Sonam Ne Pichhle Kuch Mahino ME Sanjay Verma Naam Ke Ek Vyakti Ko 200 Se Zyada Baar Call Kiya THA, Media Me Yeh Khabar Chalne Lagi Ki Sonam Ka Affair Sanjay Verma Ke Saath Tha,

Lekin Baad Me Sonam Ne Police Ko Bataya Ki Sanjay Verma Aur Koi Nahi, Balki Raj Kushwaha Hi Tha, Jiska Naam Usne Phone Me Badal Kar Save Kar Rakha Tha, Isi Wajah Se Truecaller Par Bhi Wahi Naam Dikh Raha Tha,

Kyuki Forced Marriage Ke Alawa Koi Aur Clear Motive Saamne Nahi Aaya, Isliye Police Ne Sonam Aur Raj Ke Affair Wale Angle Ko Verify Nahi Kiya, Sach To Yeh Hai Ki Is Angle Ko Kabhi Sole Motive Maana Hi Nahi Gaya,

CONCLUSION.

Raja Raghuvanshi Ki Kahani Sirf Ek Murder Case Nahi Hai, Balki Ek Aisi Sachchai Hai Jo Yeh Dikhati Hai Ki Jab Rishton Me Zabardasti, Jhooth Aur Manipulation Ghus Jaata Hai, To Nateeja Sirf Barbaadi Hota Hai.

Sirf 14 Din Ki Shaadi Ke Baad Ek Naya-Naya Dulha Apni Hi Patni Ki Saazish Ka Shikaar Ban Gaya. Jis Honeymoon Ko Zindagi Ke Sabse Khoobsurat Pal Banana Chahiye Tha, Wahi Uski Zindagi Ka Aakhri Safar Ban Gaya.

Is Case Ne Yeh Bhi Saabit Kar Diya Ki Criminal Planning Hamesha Sach Se Zyada Tez Nahi Hoti.l, CCTV, GPS Data, Call Records, Social Media Activity Aur Forensic Evidence IN Sab Ne Milkar Sach Ko Bahar La Hi Diya, Aakhirkaar, Jhooth Chahe Jitna Bhi Gehra Kyun Na Ho, Sach Ka Rasta Dhoondh Hi Leta Hai.

AWARENESS.

• Agar Koi Ladka YA Ladki Shaadi Ke Liye Taiyaar Nahi Hai, To Use Zabardasti Shaadi Ke Liye Majboor Karna Sabse Badi Galti Ho Sakti Hai.

• Shaadi Sirf Samaj, Image YA Pressure Ke Liye Nahi Hoti Yeh Do Logon Ki Mutual Consent Aur Trust Par Tikki Hoti Hai.

• Agar Kisi Ka Behaviour Shaadi Se Pehle YA Baad Suspicious, Aggressive YA Manipulative Lage, To Use Ignore Karna Khatarnak Ho Sakta Hai.

• Parents Ko Chahiye Ki Woh Sirf Rishta Achha Dekh Kar Nahi, Balki Apne Bachchon Ke Jazbaat Aur Mental State Ko Bhi Samjhein.

• Aur Sabse Zaroori Baat Kisi Bhi Relationship Me Darr, Dhamki YA Majboori Ho, To Turant Help Lena Zaroori Hai.

• Yeh Kahani Hume Yeh Sikhati Hai Ki Silent Warning Signs Ko Ignore Karna Kabhi-Kabhi Zindagi Ka Sabse Mehenga Faisla Ban Jaata Hai.

DISCLAIMER.

Is Article Me Di Gayi Jaankari Publicly Available Reports, Police Investigation Details Aur Media Sources Par Aadharit Hai. Iska Uddeshya Kisi Vyakti, Community YA State Ki Chhavi Ko Nuksaan Pahunchana Nahi, Balki Ek Crime Awareness Aur Informational Purpose Ko Poora Karna Hai.

Case Abhi Legal Process Ke Tahat Hai. Court Ka Final Faisla Aane Tak Sabhi Aaropi Kanuni Roop Se Doshi Saabit Hone Tak Nirdosh Maane Jaate Hain, Yeh Content Kisi Bhi Tarah Se Hatred, Violence YA Misinformation Ko Promote NAHI KARTA.