UP Sambhal Murder Case: Patni, Boyfriend Aur Pati Ki Hatya Ka Pura Sach
UP Ke Sambhal Sheher Se Ek Aisa Murder Case Saamne Aaya, Jisne Poore Rajya Ko Hila Kar Rakh Diya, Shuruaati Jaanch Me Yeh Maamla Ek Missing Report, Se Shuru Huwa, Lekin Police Investigation Me Iske Chaukanne Wale Khulase Samne Ayye,
Sambhal Murder Case: Kya Hai Poora Maamla?
30 November 2025 Ko Jab Ruby Ke Do Bachche 10 Saal Ki Beti Divya Aur 12 Saal Ka Beta Krishna School Se Ghar Lautte Hain, To Unhe Apni MAA Se Pata Chalta Hai Ki Unke Pita 32 Saal Ke Rahul Kumar, Jo Peshe Se Meson The Aur Saath Hi Mochi Ka Kaam Bhi Karte The, Unse Na To Contact Ho Pa Raha Tha, Aur Na Hi Unki Koi Khabar Nahi Mil Rahi Thi,
Ruby Ne Bachchon Ko Bataya Ki Use Bhi Lagta Hai, Ki Papa Shayad Shaadi Ki Taiyariyon ME Madad Karne Ke Liye Mausi Ke Ghar Gaye Honge, Isliye Usne Mausi Ke Ghar Bhi Phone Kiya, Lekin Rahul Wahan Bhi Nahi Mile, Ruby Ne ChaCha, Mama Aur Baaki Rishtedaron Ke Ghar Bhi Phone Karke Poochha, Lekin Kisi Ko Bhi Rahul Ke Baare Me Koi Jaankari Nahi Thi,
School Se Aate Hi Jab Bachchon Ne Yeh Baat Suni Aur Apni MAA Ko Pareshaan Aur Ghabraayi Huwi Haalat Me Dekha, To Dono Bachche Bhi Rone Lage, Ruby Ne Bachchon Se Kaha Ki Chalo Jahan Papa Kaam Karte Hain Wahan Jaakar Dekhte Hain, Lekin Wahan Pahunchne Ke Baad Bhi Rahul Ke Baare Me Koi Khabar Nahi Mili,
Rahul Ke Achanak Gayab Ho Jaane Se Sirf Parivaar Aur Rishtedaar Hi Nahi, Balki Poore Mohalle ME Bhi Afra Tafri Mach Gayi, Aakhirkaar Thak-Haar Kar Ruby Ne Agle Din, 24 November 2025 Ko, Chandausi Police Station ME Rahul Ki Missing Report Darj Karwa Di,
Naale Se Mili Insaani Dhad: Sambhal Case Me Khaufnaak Mod,
Ab Complaint Police Station ME Darj Ho Chuki Thi, Lekin Shuruaati Jaanch Me Police Ko Rahul Ke Baare Me Koi Suraagh Nahi Mila, Teen Hafton Baad,15 December 2025 Ki Subah Lagbhag 9 Baje, Sambhal ME Chandausi Police Station Ke Paas Kuch Kutte Kisi Cheez Ko Nochte Huwe Nazar Aaye,
Wahan Se Itni Tez Badbu AA Rahi Thi Ki Aas-Paas Ke Logon Ka Wahan Rukna Mushkil Ho Gaya, Jab Log Paas Jaakar Dekhte Hain, To Manzar Dekh Kar Unke Hosh Udd Jaate Hain, Kutte Asal Me Naale ME Tair Rahe Ek Insaani Dhad Ko Kheench Rahe The,
Jaankari Milte Hi Police Aur Forensic Team Mauke Par Pahunchi, Kyunki Yeh Ilaka Ghani Abaadi Ke Paas Tha, Isliye Wahan Bheed Bhi Ikattha Ho Gayi, Us Dhad Ke Paas Ek BAG Bhi Pada Huwa Tha, Jab Police Ne BAG Khola, To Uske Andar Polythene ME Band Gosht Ke Tukde Mile, Ab Yeh Saaf Ho Chuka Tha Ki Laash Ko Polythene ME Lapete Kar BAG ME Bhara Gaya Aur Phir Yahan Phenk Diya Gaya Tha
Sir, Haath, Aur Pair, Ke Bina, Jiska Sharir Lagbhag Gal Chuka Tha, Aise Insaani Dhad Ki Pehchaan Karna Namumkin Tha, Isliye Police Ke Liye Yeh AB Ek Blind Murder Case Ban Chuka Tha, Sabse Pehle Laash Ko Pehchaan Ke Liye Mortuary ME Rakha Gaya, Lekin Paanch Din beet Ne Ke Baad Bhi Jab Koi Us Laash Ko Claim Karne Nahi Aaya, To 20 December Ko Uska Post–Mortem Karwaya Gaya, Aur Yahin Se Police Ke Haath Ek Bahut Bada Suraagh Laga,
Us Laash Ke Baayein Haath Ke Upper Par “Rahul” Naam Ka Tattoo Bana Huwa Tha, Is Tattoo Ko Jaanch Ka Aadhaar Banate Huwe Chandausi Police Ne Sabse Pehle Yeh Dekhna Shuru Kiya Ki Kya Haal Hi Ke Dino ME Rahul Naam Ka Koi Vyakti Laapata Huwa Hai Ya Nahi, Iske Liye Police Ne Pichhle Kuch Dino Ki Missing Persons List Ko Khangaalna Shuru Kiya, Isi Silsile ME 24 November Ki Ek Missing Report Samne Aayi Wahi Report Jo Ruby Ne Apne Pati Rahul Ke Laapata Hone Ke Sambandh Me Darj Karwayi Thi,
Police Ne Ruby Ko Laash Ki Pehchaan Ke Liye Bulaya Lekin Jaise Hi Ruby Ne Us Dhad Ko Dekha, Usne Use Pehchaan Ne Se Inkaar Kar Diya, Police Ne Ruby Ko Laash Ke Haath Par Bana Rahul Naam Ka Tattoo Bhi Dikhaya, Lekin Ruby Ne Bina Kisi Hichkichahat Ke Maan-Ne Se Inkaar Kar Diya Ki Yeh Uske Pati Ka Sharir Hai,
Ek T-Shirt Ne Badla Case Ka Rukh: Police Ko Ruby Par Kyun Hua Shak?
Patrua Eidgah Ke Paas Jo Naala Tha, Jahan Se Police Ko Yeh Dhad Mili Tha, Police Ne Usi Naale ME Sir Ko Bhi Dhoondhne Ki Koshish Ki, Lekin Sir To Door Ki Baat, Unhe Wahan Haath Aur Pair Bhi Nahi Mile, Lekin Ek Baat Jo Police Ko Lagataar Pareshaan Kar Rahi Thi, Woh Thi Ruby Ka Reaction Jab Woh Laash Ki Pehchaan Ke Liye Aayi Thi, Ek Mahila Jiska Pati Lagbhag Ek Mahine Se Laapata Ho, Uska Is Tarah Se Laash Ko Pehchaan Ne Se Itni Berukhi Ke Saath Inkaar Kar Dena Normal Nahi Tha,
Isi Wajah Se Police Ne Ek Chaal Chali, Police Ne Ruby Ko Dobara Police Station Bulaya Aur Usse Kaha Ki Rahul Ki Kuch Aur Tasveerein Unhe Provide Kare, Aur Ruby ISI Chaal ME Phans Gayi, Kyunki Jab Ruby Ne Rahul Ki Aur Tasveerein Police Ke Saath Share Ki, To Un Photos ME Se Ek Photo ME Rahul Ne Jo T-Shirt Pehni Huwi Thi, Wahi T-Shirt Police Ko Us Dhad Ke Saath Mili Thi,
Us T-Shirt Par “Time For Change” Likha Huwa Tha, “Time For Change” likhu Huwi Woh T-Shirt, Us Laash Ke Saath Yeh Keh Rahi Thi Ki AB Kahani Ka Rukh Badal Ne Wala Hai, Ab Yeh Sirf Rahul Ke Gayab Hone Ka Case Nahi Raha Tha, Yeh Ruby Ke Jhooth, Uski Berukhi Aur Uski Nirdayata Ko Benaqaab Karne Wala Tha, Aur Yahi Hota Hai Jab Waqt badlta Hai,
Pehle Chehre Utarte Hain Aur Phir Raaz Saamne Aate Hain, Lekin Yeh Case Baaki Cases Jaisa Nahi Tha, Kyunki Yahan Sirf Ikraar Hi Nahi Tha, Balki Ikraar Ke Baad Police Ko Khula Challenge Diya Gaya Tha Ki Chahe Jitni Koshish Kar Lo, Woh Iske Khilaaf Kuch Bhi Saabit Nahi Kar Paayenge,
Rahul Kumar Ka Parivaar Aur Zindagi: Ek Seedha Saadha Aadmi
32 Saal Ke Rahul Kumar, Jo Rajpura Ke Kasba Gaon Ka Rehne Wala Tha, Uske Maa-Baap Ka Kaafi Pehle Hi Dehant Ho Chuka Tha, Lagbhag 15 Saal Pehle Usne Ruby Ke Saath Love Marriage Ki Thi Aur Unke Do Bachche The, Ek 12 Saal Ka Beta Aur Ek 10 Saal Ki Beti,
Shaadi Ke Teen Saal Baad Dono Chandausi Ke Chunni Mohalla Me AA Kar Rehne Lage, Ruby Ka Maayka Bhi Yahin Tha, Isliye Rahul Ne Apne Sasural Ke Paas Hi Apna Ghar Bana Liya Tha, Rahul Pehle Profession Se Ek Raaj-Mistri Tha, Lekin Kyunki Poore Chunni Ilaqe Me Jooton Aur Chappalon Ka Kaam Hota Hai,
Isliye Usne Bhi Yeh Kaam Shuru Kar Diya, Aur Apne Ghar Ke Ground Floor Par Hi Usne Apni Dukaan Khol li, Lekin Ek Taraf Jahan Rahul Ek Mehnati Aur Imaandaar Insaan Tha, Wahin Uski Patni Ruby Bilkul Uske Ulat Thi, Aur Yahi Baat Dono Ke Beech Jhagdon Ki Wajah Bhi Bani Huwi Thi,
Ruby Ka Past Aur Police Records: Jaanch Me Kya Saamne Aaya
Darasal Ruby Facebook Aur Instagram Ke Zariye Ek Blackmailing Syndicate Chalati Thi, Pehle Logon Ko Apne Jaal ME Phansati Thi Aur Phir Unhe Jail Bhejne Ki Dhamki Dekar Paise Wasool Karti Thi, Sirf Itna Hi Nahi, Ruby Chandausi, Baniather Aur Rajpura Ke Ilaakon Me Ek Mashhoor Blackmailer Ke Roop Me Badnaam Thi,
In Police Station Me Usne Molestation Aur Assault Jaise Mamlon Me Kai Logon Ke Khilaaf Farzi Cases Bhi Darj Karwa Rakhe The, Aas-Paas Ke Log Bhi Ruby Se Door Rehne Lage The, Kyunki Woh Logon Par Jhoothe Case Darj Karwa Deti Thi Aur Un Par Aarop Laga Deti Thi,
Abhishek Naam Ke Ek Vyakti Ka Chandausi Ke Sainik Chauraha Ke Paas Ek Zameen Ko Lekar, Saamne Wali Party‘ Se Vivaad Chal Raha Tha, Aur Is Zameen Ko Khaali Karwane Ke Liye Usne Ruby Se Mulaqat Ki, Jisme Ruby Ne Apna Woman Victim Card Istemal Karte Huwe Doosri Party Ke Khilaaf Maar-Peet Aur Chhedchhad Ka Jhootha Case Darj Karwa Diya,
Is Kaam Ke Badle Ruby Ne Abhishek Se ₹1.5 Lakh Bhi Liye, Yahin Se Ruby Aur Abhishek Ke Beech Affair Shuru Ho Gaya, Lekin Kuch Mahino Baad Ruby Ki Nazdeekiyan Abhishek Ke Kareebi Dost Gaurav Se Badhne Lagi, Haalaanki Abhishek Ke Saamne Woh Apna Rishta Chhupa Kar Gaurav Ko Apna Bhai Batati Rahi.
Is Tarah Do Bachchon Ki MAA, Rahul Ki Patni, Ek Hi Waqt Me Do Aur Mardon Ke Saath Affair Chala Rahi Thi, Aur Sabse Chhupaane Ke Liye Sabko Bhai keh kar Bulati Thi, Darasal Abhishek Aur Gaurav Dono Hi Ruby Ke Ghar Aate-Jaate Rehte The, Aur Ruby Apne Bachchon Se Dono Ko Mama Bulwati Thi,
Kuch Samay Pehle Ruby, Abhishek Aur Gaurav Teeno Milkar Nainital Ghoomne Gaye The, Jahan Hotel Me Abhishek Ne Ruby Aur Gaurav Ko Ek Compromising Situation Me Dekh Liya, Bas Yahin Se Teeno Ke Beech Jhagada Shuru Ho Gaya,
Iske Baad Abhishek Ne Ruby Se Doori Bana li, Jabki Gaurav Ne Abhishek Se Dosti Tod li, Lekin Ruby Ka Saath Nahi Chhoda, Ab Ruby Aur Gaurav Ka Affair Shuru Ho Gaya, Lekin Samaj Se Chhupkar, Ruby Sabko Yahi Batati Thi Ki Gaurav Uska Bhai Jaisa Hai Aur Bachche Bhi Use Gaurav Mama Kehkar Bulate The,
December ME Rahul Ki Bhatiji Ki Shaadi Thi, Isliye Woh Shaadi Ka Samaan Lene Ke Liye Bahar Gaya Huwa Tha, Ye Baat 17 November Ki Hai, Jab Ruby Ki Nazar Me Rahul Kuch Aur Din Bahar Hi Rehne Wala Tha, Isi Wajah Se Raat Kareeb 11 Baje Ruby Ne Gaurav Ko Apne Ghar Bula Liya, Usne Bachchon Ko Ghar Ke Bagal Wale Godaam Me Sula Diya, Taaki Woh Gaurav Ke Saath Araam Se Raat Guzaar Sake,
Us Raat Jab Ghar Ke Andar Sab Kuch Badal Gaya
Lekin Raat Kareeb 2 Baje Rahul Achanak Ghar AA Gaya, Apni Patni Ko Itni Raat Ko Gaurav Ke Saath Aapattijanak Haalat Me Dekhkar Rahul Ka Khoon Khol Utha, Gusse, Bewafai Aur Dukh Ke Samandar Me Fasa Rahul Dono Se Jhagda Karne Laga, Rahul Aur Gaurav Ke Beech Jab Haathapai Shuru Huwi, To Rahul Ne Kaha Ki AB Woh Dono Ko Samaj Ke Saamne Beizzat Karega, Taaki Poori Society Ko Unki Asli Haqeeqat Pata Chal Jaaye,
Rahul Ruby Ko Dhakka Dekar Ghar Se Bahar Nikaalne Hi Wala Tha, Ki Us Gusse, Darr Aur Ghabrahat Ke Pal Me Ruby Ne Gaurav Se Cheekh Kar Kaha, “Isse Maar Do.”
Rahul Jab Ruby Ke Saath Jhadap Me Uljha Huwa Tha, Jaise Hi Ruby Ke Muh Se Yeh Shabd Nikle, Gaurav Ne Paas PADI Ek Lohe Ki Rod Utha li Aur Zor Se Rahul Ke Sir Par Maar Diya, Yeh Vaar Itna Tez Aur Achanak Tha Ki Rahul Sambhal Hi Nahi Paaya, Aur Jab tak Woh Kuch Samajh Pata, Ruby Ne Jooton Me Keel Thokne Wale Hathode Se Us Par Kai Vaar Kar Diye Aur Use Maar Daala,
Yeh Jurm Gusse Darr Aur Jaldbazi Me Kiya Gaya Tha, Lekin Ab Ise Har Haal Me Duniya Ki Nazron Se Chhupana Tha, Sabse Pehle Laash Se Chutkaara Paana Tha, Aur Woh Bhi Dono Bachchon Ki Aankhon Se Bacha Kar Isliye Subah Hote Hi Ruby Taiyaar Huwi Aur Bachchon Ko Usi Godaam Se School Bhej Diya,
Jaise Hi Bachche School Chale Gaye, Ruby Aur Gaurav Ne Rahul Ki Laash Thikaane Lagane Ki Taiyaari Shuru Kar Di, Gaurav Tiles Kaatne Wali Grinder Cutter Machine Kiraye Par Le Aaya, Jabki Ruby Ghantaghar Market Se Plastic Bags Aur Do Bade Travel Bags Le Aayi, Phir Dono Ne Milkar Grinder Se Laash Ke Tukde Karne Shuru Kiye,
Jurm Chhupane Ki Koshish: Laash Ke Tukde Aur Saboot Mitane Ka Plan
Sabse Pehle Sir Alag Kiya Gaya, Phir Dono Haath Aur Pair Kaat Diye Gaye, Sir, Dono Haath Aur Pair Ek BAG Me Daal Diye Gaye, Jabki Dhad Aur Baaki Gosht Ke Tukde Doosre BAG Me Bhare Gaye, Dopahar Ho Chuki Thi Aur Poora Ghar Khoon Se Bhara Huwa Tha, Har Taraf Khoon Hi Khoon Tha,
School Chhootne Ka Time Hone Wala Tha, Isliye Kahin Bachche School Se Ghar Na AA Jaayein, Ruby Ne Gaurav Ko Bachchon Ko Sambhalne Bhej Diya, Gaurav School Chhootte Hi Bachchon Se Raaste Me Mila, Usne Bachchon Se Kaha Ki Aaj Mummy Ne Khana Nahi Banaya Hai, Isliye Aaj Hum Log Hotel Me Hi Khana Khayenge,
Ek Taraf Gaurav Bachchon Ko Lekar Restaurant Pahunch Gaya, Aur ISI Dauran Ruby Ghar Me Phaila Khoon Saaf Karne Aur Baaki Saboot Mitane Me Lagi Rahi, Kuch Der Baad Ruby Bhi Restaurant Pahunchi Aur Bachchon Se Mili, Bachchon Ne Dekha Ki Unki MAA Ka Mood Bahut Kharaab Hai, Jab Bachchon Ne Poocha, To Gaurav Ne Bahaana Bana Diya Ki Kisi Baat Ko Lekar Jhagda Ho Gaya Tha,
Khana Khane Ke Baad Ruby Ne Gaurav Ko Saath Liya Aur Shaam 4 Baje Bachchon Ko Unke Tuition Center Par Chhod Diya, Ruby Ne Apna Mobile Phone Bachchon Ko De Diya, Taaki Jaise Hi Tuition Khatam Ho, Woh Phone Karke Use Bata Dein, Kyunki Ruby Abhi Bhi Nahi Chahti Thi Ki Bachche Ghar Aayein, Jab Tak Laash Ka Poora Bandobast Na Ho Jaaye,
Jab Bachche Tuition Center Me The, Tab Gaurav Ne ₹3500 Me Ek CAR Book Ki, Tuition Khatam Hone Ke Baad Ruby Aur Gaurav Usi CAR Me Bachchon Ko Lene Pahuche Aur Bachchon Se Kaha Ki Aaj Chalo Rajghat Ghoomne Chalte Hain, Ghoomne Ki Baat Sunkar Bachche Naturally Bahut Khush Ho Gaye, Lekin Sabse Hairaan Kar Dene Wali Baat Yeh Thi Ki UN Bachchon Ko Yeh Bilkul Andaaza Nahi Tha Ki Usi CAR Ki Dickey Me, Ek BAG Ke Andar, Unke Pita Ka Kata Huwa Sir Aur Haath-Pair Rakhe Huwe The, Jise Unki MAA Khud Saath Lekar Thikaane Lagane Ja Rahi Thi,
Jab Beti Ne Apni MAA Se Poocha Ki BAG Ke Andar Kya Hai, To Ruby Ne Kaha Ki Usme Tooti Huwi Moortiyan Hain Aur Kyunki Ham Tooti Huwi Moortiyan Ki Pooja Nahi Karte, Isliye Unhe Ganga Nadi Me Pravahit Karne Laaye Hain, Aakhirkaar, Isi Bahaane Se Ruby Aur Gaurav Ne Ghar Se Kareeb 50 Kilometer Door Rajghat Par Us BAG Ko Ganga Nadi Me Phenk Diya,
Us Raat Bhi Ruby Ne Bachchon Ko Paas Ke Godaam Me Sula Diya, Taaki Woh Dhad Aur Baaki Sabooton Ko Thikaane Laga Sake, Raat Ke Andhere Me, Gaurav Ne Doosra BAG, Jisme Rahul Ka Dhad Bhara Huwa Tha, Apni Scooter Se EIdgah Ke Peeche Wale Naale Me Phenk Diya,
Bachchon Ki Nazron Me Unke Pita Kisi Kaam Se Bahar Gaye Huwe The, Lekin Haqeeqat ME, Unki MAA Ne Unke Sir Se Pita Ka Saaya Itni Berahmi Se Chheen Liya Tha, Qatl Ke Paanch Din Baad, Ruby Ne Bachchon Aur Samaj Ke Saamne Rahul Ke Gayab Hone Ka Natak Shuru Kiya, Aur Phir 24 November Ko Police Station ME Missing Complaint Darj Kara Di, Taaki Kisi Ko Bhi Shaq Na Ho,
Ruby Aur Gaurav Ko Lag Raha Tha Ki, Rahul Ki Laash Kabhi Nahi Milegi Aur Yeh Case Sirf Ek Missing Case Bankar Reh Jaayega, Uske Baad Dono Milkar Rahul Ka Ghar Bech Denge Aur Bachchon Ke Saath Kahin Aur Shift Ho Jayenge, Aur Isi Soch Ke Saath, 24 November Ko Usne Police Station Me Wahi Kapdon Ka Zikr Bhi Kar Diya, Taaki Kisi Ko Bhi Us Par Shaq Na Ho, Dono Ko Lag Raha Tha Ki, Jab Tak Rahul Ki Body Nahi Milti, Tab Tak Yeh Sirf Ek Missing Case Hi Rahega,
Police Ka Daawa: Saboot Kaafi Hain, Sach Chhup Nahi Paayega
Lekin Rahul Ki T-Shirt Aur Tattoo Ke Saath Hi Poora Raaz Saamne Aa Gaya, Lekin Do Masoom Bachchon Ko Anaath Karne Ke Baad Bhi Ruby Ke Mann Me Koi Pachtawa Nahi Tha, Balki Jis Be-Khauf Aur Besharam Tareeke Se Usne Yeh Jurm Kiya Tha, Usi Andaaz Me Usne Police Ko Challenge nhi Kar Diya. Jail Le Jaate Waqt Ruby Ne Police Se Kaha,
- Tumne Mujhe Pakad To Liya Hai
- Lekin Court Me Mere Khilaaf Kuch Bhi Saabit Nahi Kar Paoge
- Tumhare Paas Sirf Kuch Body Parts Mile Hain, Poori Body Nahi
- Kya Tum Keh Paoge Ki Yeh Dhad Rahul Ki Hi Hai? Aur Chahe Tum Kitni Bhi Koshish Kar Lo, Uska Sir Kabhi Nahi Milega
Halaanki Police Ka Bhi Kehna Hai Ki Ek Mahine Se Zyada Samay Beet Chuka Hai, Isliye Ganga Me Phenke Gaye Body Parts Milne Ke Chances Lagbhag Na Ke Barabar Hain, Kyunki Ruby, Gaurav Aur Taxi Driver Ke Saath Woh Rajghat Tak Gaye The, Lekin Iske Bawajood Bhi Police Ko Wahan Se Koi Safalta Haasil Nahi Huwi,
Lekin Police Ka Yeh Bhi Daawa Hai Ki Unke Paas Kaafi Physical Aur Electronic Evidence Maujood Hain, Saath Hi, Body Parts Ka DNA Match Bachchon Ke DNA Ke Saath Kiya Ja Raha Hai, Aur DNA Report Aate Hi Ruby Aur Gaurav Ke Bachne Ke Saare Raaste Band Ho Jaayenge, Forensic Team Ne Rahul Ke Ghar Se Bhi Kaafi Saboot Ikattha Kiye Hain, Rahul Aur Ruby Ke Ghar Ki Takashi Ke Dauran Police Ko Ghar Ke Andar Se Kai Aham Saboot Mile,
Kuch Hatyaayein Haathon Se Nahi Hoti, Balki Sabse Pehle Dimaag Me Hoti Hain. Jab Koi Insaan Apni Galti Ko Pyaar Kehne Lagta Hai Aur Zimmedari Ko Bojh Samajhne Lagta Hai, To Dheere-Dheere Uska Zameer Mar Jaata Hai. Is Kahani ME Sirf Ek Aadmi Ka Khoon Nahi Baha, Balki Ek MAA Hone Ki Sachchai, Insaan Hone Ka Farz Aur Do Masoom Bachchon Ka Bhavishya Bhi Wahin Dafan Ho Gaya. Jab Dil Apni Chaahat Ko Haq Aur Zimmedari Ko Bojh Bana Leta Hai.
CONCLUSION.
Is Poore Case Ne Ek Baar Phir Yeh Sach Saamne Rakha Hai Ki Jurm Achanak Nahi Hota, Balki Dheere-Dheere Soch Me Janam Leta Hai. Jab Lalach, Gussa, Dhokha Aur Ego Mil Jaate Hain, To Insaan Apne Hi Rishton Ko Dushman Samajhne Lagta Hai. Rahul Kumar Ka Murder Sirf Ek Vyakti Ki Hatya Nahi Tha, Balki Do Masoom Bachchon Ke Sar Se Pita Ka Saaya Chhin Gaya
Is Case Me Police Ne Forensic Science, Electronic Evidence Aur Technical Investigation Ke Zariye Sach Ke Kareeb Pahunchne Ki Koshish Ki Hai. Ab Aakhri Faisla Adalat Ke Haathon Me Hai. Insaaf Der Se Ho Sakta Hai, Lekin Sach Kabhi Hamesha Ke Liye Chhupa Nahi Sakta.
AWARENESS.
- Yeh Ghatna Hum Sab Ke Liye Ek Gehri Chetaavani Hai.
- Galat Rishton, Blackmailing Aur Jhoothe Cases Ka Ant Aksar Bahut Bhayanak Hota Hai.
- Social Media Par Banne Wali Fake Image Aur Real Zindagi Ke Raaz Ek Din Zaroor Saamne Aate Hain.
- Gusse Aur Jazbaat Me Liya Gaya Ek Galat Faisla Poori Zindagi Barbaad Kar Sakta Hai.
Parents Ke Liye Yeh Zaroori Hai Ki Bachchon Ke Saamne Ghar Ka Mahaul Surakshit Aur Sachchai Ho. Aur Samaj Ke Liye Yeh Seekh Hai Ki Bina Poori Jaankari Ke Kisi Ke Paksh Ya Vipaksh Me Khade Hone Se Pehle Sach Samajhna Zaroori Hai
DISCLAIMER.
Is Article Me Di Gayi Sabhi Jaankari Public Domain Reports, Police Sources Aur Media Coverage Par Aadharit Hai. Yeh Lekh Kisi Vyakti Ko Doshi Ya Nirdosh Ghoshit Karne Ka Uddeshya Nahi Rakhta. Case Abhi Judicial Process ME Hai Aur Aakhri Faisla Court Ke Nirnay Par Hi Nirbhar Karega.
Is Article Ka Uddeshya Sirf Jaankari Dena Aur Samajik Jagrukta Badhana Hai, Na Ki Kisi Ki Chhavi Ko Nuksaan Pahunchana.
CASE UPDATE.
Is Case Se Judi Jaanch Aur Adalati Karwai Abhi Jaari Hai. Police Apni Taraf Se Saboot Aur Forensic Reports Court Ke Saamne Pesh Kar Chuki Hai, Jabki Aage Ki Sunwai Aur Faisla Adalat Ke Nirnay Par Nirbhar Karega. Jaise Hi Is Maamle Me Koi Naya Update, Charge Sheet, Ya Court Ka Antim Faisla Aata Hai, Is Article Ko Latest Jankari Ke Saath Update Kiya Jaata Rahega, Taaki Readers Ko Sahi Aur Authentic Information Milti Rahe.