Dating App Murder Case: Australia Me Indian Ladke Ki Hatya, Teen Mahila Par Aarop

23 July 2018 Ki Raat Gujarat Ke Paldi Me Rehne Wale Hiren Aur Jagriti Rathore Ko Ek International Call Aaya, Jisme Bataya Gaya Ki Unka Beta Molin Australia Me Ek Accident Me Gambhir Roop Se Injured Hai, Yeh Khabar Sunkar Dono Parents Ghabra Gaye Aur Turant Australia Jaane Ki Tayari Karne Lage,

Lekin Agle Hi Din 24 July Ki Subah Unhe Ek Aur Call Aaya Jisme Unki Zindagi Hamesha Ke Liye Badal Di Unka Beta Molin AB Is Duniya Me Nahi Raha, Is Khabar Ne Poore Parivaar Ko Tod Kar Rakh Diya,

Molin Ek Bright Student Tha Jo Australia ME Padhai Kar Raha Tha Aur Apne Parents Ka Sapna Poora Kar Raha Tha, Lekin Australian Media Ne Uski Maut Ko Ek Online Dating Connection Se Jod Diya, Jo Uske Parents Ke Liye Bilkul Asambhav Aur Hairaan Kar Dene Wala Tha,

Ab Sabse Bada Sawal Yeh Tha Aakhir Molin Ki Zindagi Me Aisa Kya Chal Raha Tha Jisse Uski Maut Ek Mystery Ban Gayi?

Molin Ki Zindagi Aur Sapno Ki Kahani

Molin Gujarat Ka Rehne Wala Ek Mehnat Aur Sharif Ladka Tha, Jo Apne Parents Ka Ek Lauta Beta Tha, Bachpan Se Hi Padhai Me Tez Aur Achhe Swabhav Ka Hone Ki Wajah Se Sab Log Uski Tareef Karte The, Graduation Ke Baad Usne Australia Jaakar Padhai Karne Ka Sapna Dekha, Lekin Family Ki Financial Condition Ek Badi Rukawat Thi,

Apne Bete Ka Sapna Poora Karne Ke Liye Uske Parents Ne Apna Bungalow Tak Bech Diya, 24 Saal Ki Umar Me Molin Australia Chala Gaya, Jahan Woh Melbourne Ki Charles Sturt University Me Accountancy Me Masters Kar Raha Tha, Padhai Ke Saath-Saath Wo Part-Time Food Delivery Ka Kaam Bhi Karta Tha, Taaki Parents Par Bojh Kam Ho,

Apni Mehnat Se Molin Ne Professors Ko Impress Kar Diya Aur Degree Complete Hone Se Pehle Hi Usse Job Offer Mil Gaya, Uska Sapna Sirf Khud Settle Hona Nahi Tha, Balki Apne Parents Ko Bhi Australia Le Jaana Tha,

January 2018 Me Wo Achanak India Aaya Aur Apne Parents Ko Surprise Diya, Makar Sankranti Par Family Ke Saath Time Spend Karke Usne Unhe Bataya Ki Ab Wo Unhe Australia Lekar Jayega, February Me Wapas Jaate Waqt Usne Promise Kiya Ki November ME Laut Kar Unhe Hamesha Ke Liye Apne Saath Le Jayega,

Lekin Kismat Ko Kuch Aur Hi Manzoor Tha Aur Yahi Se Shuru Hoti Hai Dating App Murder Case Ki Asli Kahani,

Badalte Lifestyle Ne Badli Molin Ki Zindagi

Har Maa-Baap Ke Liye Sabse Badi Khushi Tab Hoti Hai Jab Unka Beta Apne Dum Par Unka Sahara Banne Ki Baat Kare, Molin Ke Parents Bhi Apne Bete Par Garv Mehsoos Kar Rahe The, Lekin Unhe Bilkul Andaza Nahi Tha Ki Kuch Hi Mahino Me Unki Zindagi Badalne Wali Hai,

Australia Me Rehne Ke Dauraan Molin Apni Padhai Aur Zimmedariyon Ko Lekar Serious Tha, Lekin Dheere-Dheere Us Par Wahan Ki Western Lifestyle Ka Asar Padne Laga, Apni Values Aur Naye Culture Ke Beech Balance Banana Uske Liye Mushkil Hota Ja Raha Tha,

Doston Aur Surroundings Ke Influence Me Aakar Molin Ka Interest Dating Aur Hookup Culture Ki Taraf Badhne Laga Aur Yahi Badlav Uski Zindagi Ko Ek Khatarnak Mod Ki Taraf Le Ja Raha Tha,

Online Chat Se Shuru Huwi Khaufnaak Mulakat

23 July Ki Shaam Jab Molin Apni Food Delivery Ka Kaam Khatam Karke Wapas Aaya, Tab Usne Plenty OF Fish Dating App Par Ek Profile Dekhi, Yeh Profile 19 Saal Ki Ladki Jamie Lee Dolgay Ka Tha, Jo Australia Ke Sunbury Area Me Rehti Thi,

Molin Ne Use Message Kiya Aur Hairani Ki Baat Yeh Thi Ki Sirf 7 Messages Ke Baad Hi Jamie Ne Use Apne Ghar Bulaya, Dono Ki Baat-Cheet Se Saaf Tha Ki Yeh Ek Casual Aur Physical Intention Wali Mulakat Hone Wali Thi,

Jamie Ka Profile Kaafi Ajeeb Aur Disturbing Tha, Jisme Unusual Aur Dark Interests Likhe Huwe The, Phir Bhi Molin Ne IN Sab Warning Signs Ko Ignore Kar Diya Aur Apni Curiosity Aur Excitement Me Uske Ghar Pahunch Gaya,

Shaam Karib 8 Baje Molin Jamie Ke Ghar Pahunch Chuka Tha, Lekin Use Zara Bhi Andaza Nahi Tha Ki Yeh Uski Zindagi Ka Aakhri Faisla Sabit Hoga,

Sirf 53 Minute Baad Raat 9 Baje Sunbury Police Ko Emargency Call Aata Hai, Aur Yahi Se Kahani Ek Khaufnaak Mod Le Leti Hai,

53 Minute Me Khatam Huwi Molin Ki Zindagi

Emergency Call Milte Hi Police Turant Location Par Pahunchi, Jahan Call Karne Wali Ladki Jamie Hi Nikli, Jaise Hi Police Uske Bedroom Me Gayi, Unhe Molin Behosh Haalat Me Bed Par Pada Mila, Uski Gardan Par Cord Lapeta Huwa Tha, Use Turant Hospital Bheja Gaya, Lekin Kuch Hi Ghanton Me Uski Maut Ho Gayi,

Jamie Ko Wahi Se Giraftar Kar Liya Gaya Hairani Ki Baat Yeh Thi, Ki Uske Chehre Par Na Koi Darr Tha, Na Hi Pachtawa, Poochtaach Me Usne Bataya Ki Usne Pehle Hi Molin Ko Maarne Ka Plan Bana Liya Tha, Uske Phone Me Mile Google Searches Ne Bhi Is Baat Ko Confirm Kiya,

Jamie Ne Role-Play Ke Naam Par Molin Ko Apne Jaal Me Fasa Liya, Jab Molin Ne Use Trust Karke Saath Diya, Tab Jamie Ne Pehle Uski Chest Par Baith Kar Uska Gala Dabaaya Aur Phir Cord Se Uska Dum Ghont Diya, Molin Madad Ke Liye Signal Deta Raha, Lekin Jamie Ne Use Nahi Chhoda,

Sirf 53 Minutes Me Ek Normal Meeting Ek Planned Murder Me Badal Gayi, Yeh Case Sirf Ek Murder Nahi Balki Ek Aisi Khaufnaak Sachchai Hai Jahan Online Trust Aur Instant Decisions Ne Ek Zindagi Chheen Li,

Jamie Ki Dark Personality Ka Sach

Jamie Ka Past Kaafi Disturbing Tha Bachpan Se Hi Uska Behavior Aggressive Aur Unstable Tha, Jis Wajah Se Uski Zindagi Ka Bada Hissa Juvenile Detention Me Guzra, 18 Saal Ki Hote Hi Government Ne Use Bina Supervision Ke Akela Chhod Diya, Jabki Uski Mental Condition Society Ke Liye Khatra Ban Sakti Thi,

Neighborhood Ke Log Batate Hain Ki Uske Ghar Par Police Ka Aana Jaana Aam Baat Thi, Social Media Par Bhi Jamie Apni Dual Personality Dikhati Thi Kabhi Normal Aur Friendly, To Kabhi Extreme Aur Violent,

Uska Bachpan Violence Neglect Aur Toxic Environment Me Guzra, Jisne Uske Andar Gehra Gussa Bhar Diya, Dheere-Dheere Yeh Gussa Itna Badh Gaya Ki Log Usse Darne Lage, Kabhi Wo Bilkul Normal Behave Karti, To Kabhi Achanak Aggressive Ho Jaati Aur Attack Tak Kar Deti,

Jamie Ne Khud Police Ko Bataya Ki Uski Personality Ke Do Roop Hain, Aur Yahi Dark Mindset Is Khaufnaak Murder Ki Sabse Badi Wajah Bana,

Mental Illness Ya System Ki Badi Laparwahi?

Jamie Ne Police Ko Bataya Ki Uski Personality Ke Do Roop Hain, Ek Normal Aur Doosra Andhra, Jo Use Control Karta Hai, Usne Yeh Bhi Kaha Ki Jab Wo Molin Ka Gala Daba Rahi Thi, To Uska Ek Hissa Chahta Tha Ki Molin Bach Jaye Lekin Uska “Dark Side” Itna Haavi Ho Chuka Tha Ki Wo Ruk Nahi Paayi,

Hairani Ki Baat Yeh Hai Ki Murder Se Ek Din Pehle Hi Jamie Ne Social Media Par Hint Diya Tha Ki Wo Dusron Ko Hurt Karne Me Khushi Mehsoos Karti Hai, Itne Clear Warning Signs Ke Bawajood Bhi Kisi Ne Uski Proper Mental Treatment YA Rehab Par Dhyaan Nahi Diya,

Sabse Bada Sawal Yahi Uthta Hai Kya Sirf 18 Saal Ka Ho Jana Kisi Mentally Unstable Insaan Ko Society Me Akela Chhod Dene Ke Liye Kaafi Hai?

Is Case Me Authorities Ki Badi Laparwahi Saamne Aati Hai, Jiska Sabse Bada Nuksaan Molin Aur Uske Parivaar Ko Uthana Pada,

Molin Ka Body 12 Din Baad India Laya Gaya, Government Ne Madad Ki, Lekin Uske Parents Ke Liye Dard Yahin Khatam Nahi Huwa Unhe Door Reh Kar Court Case Ka Intezaar Karna Pada,

Court Ne Bhi Turant Faisla Nahi Diya, Kyunki Jamie Ki Mental Condition Ko Lekar Doubts The. Psychiatrists Ne Use “Extremely Psychologically Damaged” Bataya,

Aur Yahi Baat Is Case Ko Aur Bhi Zyada Complex Aur Darawna Bana Deti Hai,

Court Me Uthi Sabse Badi Debate Planning Ya Mental Illness?

Psychiatrists Ki Reports Ke Mutabik Jamie Murder Ke Waqt Poori Tarah Control Me Nahi Thi, Isi Basis Par Pehle Trial Me Use Not Gulty Declare Kar Diya Gaya Aur Ek Saal Tak Medical Care Me Rakha Gaya, Baad Me 2019 Me Use Dobara Trial Ke Liye Fit Maana Gaya,

Is Case Me Do Alag-Alag kahaniya Saamne Aayi:

Prosecution Ka Kehna Tha Ki Yeh Ek Planned Murder Tha, Jamie Ne Pehle Hi Google Search Kiya, Molin Ki Physical Strength Judge Ki Aur Phir Use Trap Me Fasa Kar Maara,

Defense Ka Kehna Tha Ki Jamie Multiple Personality Disorder Se Jujh Rahi Thi Aur Murder Ke Waqt Apne Hosh Me Nahi Thi,

Lekin Ek Psychiatrist Ne Court Me Clear Kaha Ki Jamie Psychosis Me Nahi Thi, Yani Use Pata Tha Ki Wo Kya Kar Rahi Hai Aur Uske Consequences Kya Honge,

18 Din Ke Trial Me Caretakers, Experts Aur Police Interrogation Ke Recordings Pesh Kiye Gaye, Sabse Shocking Baat Yeh Thi Ki Jamie Ne Khud Maana Ki Usse Molin Ko Maar Kar “Achha Mehsoos Huwa”

Usne Kaha: Maine Apni Zindagi Me Bahut Kuch Jhela Hai, Mujhe Laga Main Apna Haq Wapas Le Rahi Hoon, Yahi Bayan Is Case Ko Aur Bhi Zyada Darawna Aur Disturbing Bana Deta Hai,

Court Ka Faisla Aur Nyay Par Uthte Sawal

Court Me Pesh Saboot Google Searches, Planning Aur Statements Sab Yeh Dikhate The Ki Molin Ka Murder Pre-Planned Tha, Phir Bhi October 2020 Me Jury Ne Jamie Ko Murder Nahi, Balki Manslaughter Ka Doshi Maana Aur Sirf 9 Saal Ki Saja Sunayi,

Sabse Shocking Baat Yeh Thi Ki Jamie Ne Khud Maana Tha Ki Usse Murder Karke Achha Mehsoos Huwa Phir Bhi Jury Ne Kaha Ki Uska Intent To Kill Nahi Tha,

Is Faisle Se Na Molin Ke Parents Khush The, Na Hi Jamie Ke Caretakers, Sabka Maanna Tha Ki Wo Society Ke Liye Ek Bada Khatra Hai Aur Use Sakht Se Sakht Saja Milni Chahiye Thi,

Lekin Kahani Yahin Khatam Nahi Huwi Early Release Program Ke Chalte Jamie Ki Saja 9 Saal Se Ghatkar Sirf 3 Saal Reh Gayi, Itna Hi Nahi Jail Me Bhi Usne Ek Aur Kaidi Par Jaanleva Hamla Kiya,

Aaj Agar Aise Log Azaad Ghoom Rahe Hain, To Sawal Yeh Uthta Hai Kya System Sach Me Humein Safe Rakh Raha Hai, Molin Ke Parents Ne Majboori Me Court Ka Faisla Accept Kar Liya, Lekin Unka Dard Kabhi Khatam Nahi Ho Sakta,

CONCLUSION.

Molin ki kahani sirf ek murder case nahi hai, balki ek aisi tragic reality hai jahan ek chhoti si online decision ne poori zindagi khatam kar di. Ek taraf ek sapne dekhne wala beta tha jo apne parents ke liye sab kuch karna chahta tha, aur dusri taraf ek aisi soch thi jo control se bahar thi.

Yeh case hume yeh samjhata hai ki kabhi-kabhi khatra wahan hota hai jahan hum sabse kam expect karte hain. Ek normal online chat se shuru hui baat kuch hi ghanton me maut tak pahunch gayi.

Yeh kahani ek kadvi sachchai dikhati hai har online connection safe nahi hota.

AWARENESS.

Online dating ya unknown logon se milte waqt hamesha background check karein

Kabhi bhi bina jaane kisi stranger ke ghar ya private jagah par na jaayein

Apni location aur plans hamesha kisi trusted person ke saath share karein

Red flags (strange behavior, unusual interests) ko kabhi ignore na karein

Mental health issues ko lightly na lein aise log kabhi-kabhi khud ke liye aur dusron ke liye dangerous ho sakte hain

Safety hamesha excitement se zyada important honi chahiye

DISCLAIMER.

Yeh article sirf jaankari aur awareness ke liye tayyar kiya gaya hai. Iska maksad kisi vyakti, desh ya community ko target karna nahi hai. Isme diye gaye sabhi facts publicly available reports aur case details par aadharit hain.

Hum sabhi readers se nivedan karte hain ki is tarah ke cases se seekh lekar apni safety ko priority dein aur kisi bhi risky situation se door rahein.