Assam Double Murder Case: Mahila Ne Pati Aur Saas Ko Maar Kar Shav Tukdo Me Baanta

29 August 2022 Ko Guwahati Me Vandana Kalita Ne Apne Pati Amar Jyoti Dey Aur Saas Shankari Dey Ke Missing Hone Ki Report Darj Karayi, Dono 26 July Se Achanak Laapata Ho Gaye The,

Shuru Me Police Ne Is Case Ko Ek Normal Missing Complaint Samajh Kar Lightly Liya, Lekin Waqt Ke Saath Kuch Aise Signals Saamne Aaye Jinhone Is Kahani Ko Aur Bhi Zyada Mysterious Bana Diya,

2 Mahine Baad Dusri Complaint Darj Huwi, Phir Bhi Investigation Me Koi Badi Progress Nahi Huwi, Lekin Is Dauran Vandana Ka Behaviour Badalne Laga,

Wo Apni Saas Ki Property Ka Rent Collect Kar Rahi Thi, Jaise Use Pehle Se Pata Ho Ki Dono Kabhi Wapas Nahi Aayenge,

Yahi Baat Dheere-Dheere Shak Ko Gehra Banane Lagi

February 2023 Me Jab Police Ne Case Dubara Khola Aur Vandana Se Sakhti Se Pooch-Taach Ki, To Uske Badalte Bayan Ne Sab Kuch Badal Diya,

Aur Fir Saamne Aaya Ek Aisa Sach, Jise Sun Kar Police Bhi Hairaan Reh Gayi,

Kya Ye Sirf Missing Case Tha, Ya Phir Iske Peeche Chhupi Thi Ek Khatarnak Saazish?

Poochtaach Me Khula Double Murder Ka Sach

Police Ne Vandana Kalita Aur Nirmalya Se Alag-Alag Poochtaach Ki, Jisme Pata Chala Ki Vandana Ke Bayan Baar-Baar Badal Rahe The, Isse Police Ka Shak Badh Gaya, Jab Bank Details Check Ki Gayi, To Saamne Aaya Ki Vandana Ne Apni Saas Shankari Dey Ke ATM Card Se Lagbhag ₹5 Lakh Nikaale The,

17 February 2023 Ko Police Ne Vandana Ko Dobara Poochtaach Ke Liye Bulaya, Shuru Me Usne Police Ko Gumrah Karne Ki Koshish Ki, Lekin Lagataar 2 Din Ki Questioning Ke Baad Woh Toot Gayi,

Usne Confess Kiya Ki Usne Apne Pati Amar Jyoti Dey Aur Saas Shankari Dey Ka Murder Kiya Hai, Aur Is Crime Me Uske Saathi Kanti Deka Aur Aroop Deka Bhi Shamil The,

Vandana Ne Bataya Ki 26 July 2022 Ki Shaam Wo Apne Dono Saathiyon Ke Saath Guwahati Ke Diniali Area Me Ek Flat Me Gayi, Jahan Uski Saas Akeli Rehti Thi, Mauka Dekhkar Vandana Ne Peeche Se Takiya Daba Diya Aur Aroop Ne Unhe Pakad Liya,

Vandana Ne Takiya Tab Tak Nahi Hataya Jab Tak Shankari Dey Ki Saanse Ruk Nahi Gayi,

Lekin Yeh Khaufnaak Kahani Yahin Khatam Nahi Huwi

Hatya Ke Baad Body Disposal Ne Sabko Hila Diya

Shankari Dey Ka Murder Karne Ke Baad Vandana Kalita Aur Uske Saathiyon Ne Hadh Paar Kar Di, Unhone Body Ko Tukdon Me Kaat Kar Polythene Me Pack Kiya, Jabki Vandana Ne Ghar Me Phaila Khoon Saaf Kiya,

Agle Din Subah Karib 3 Baje Teeno Meghalaya Ki Taraf Nikle Aur Alag-Alag Jagah Par Body Parts Ko Fenk Diya, Taaki Police Ko Unhe Dhundhna Mushkil Ho,

Lekin Ye Khaufnaak Kahani Yahin Nahi Ruki

Sirf 22 Din Baad 17 August 2022 Ko Vandana Ne Apne Pati Amar Jyoti Dey Ko Bhi Maar Diya, Usne Peeche Se Iron Rod Se Vaar Kiya, Jisse Uski Maut Ho Gayi Iske Baad Body Ko Tukdon Me Kaat Kar Bangladesh Border Ke Paas Jungle Me Fenk Diya Gaya,

February 2023 Me Vandana Ke Confession Ke Baad Police Ne Turant Uske Saathi Kanti Deka Aur Aroop Deka Ko Giraftar Kar Liya, Poochtaach Me Dono Ne Bhi Apna Jurm Kabool Kar Liya,

Police Vandana Ko Meghalaya Ke Nongriat Gaon Le Gayi, Jahan Se Kuch Body Parts Mile, Jinko Shankari Dey Ka Maana Gaya, Baad Me Doki Forest Se Amar Jyoti Ke Body Parts Bhi Recover Kiye Gaye,

Is Poore Case Ne Dikhaya Ki Ek Planned Saazish Kitni Darawni Ho Sakti Hai, Jahan Saboot Mitane Ki Puri Koshish Ki Gayi Thi.

Saboot Giraftari Aur Motive Ne Khole Bade Raaz

Police Ne Investigation Ke Dauran Kai Bade Saboot Ikattha Kiye, Murder Me Use Huwi Mercedes Gaadi Ko Borunda Se Recover Kiya Gaya, Aur Body Disposal Ke Liye Use Huwi Hyundai Accent CAR Bhi Seize Kar Li Gayi,

Teeno Aaropiyon Ke Mobile Phones Aur Shankari Dey Ka ATM Card Bhi Police Ne Baramad Kiya,

Iske Alawa Police Ne Imran Ali Naam Ke Ek Vyakti Ko Bhi Giraftar Kiya, Jisne Vandana Ko Sirf ₹320 Me Machete Becha Tha, Amar Jyoti Ke Khoon Lage Kapde Aur Takiya Bhi Amravati Apartments Ke Peeche Se Mile.

Investigation Me Ye Bhi Saamne Aaya Ki Vandana Ne Arup Deka Ko Is Crime Me Madad Ke Liye Lagbhag ₹2 Lakh Diye The,

Padosiyon Ne Police Ko Bataya Ki Vandana Ne Murder Ke Baad Ghar Ki Chhat Par Kapde Aur Mattress Jalaye The, Taaki Saboot Mita Sake Usne Logon Ko Ye Bhi Bataya Ki Shankari Ji Narangi Chali Gayi Hain, Taaki Kisi Ko Shak Na Ho,

Murder Ke Baad Vandana Apne Gaon Pani Kheti Chali Gayi Thi, Shayad Logon Ke Sawaalon Se Bachne Ke Liye.

Police Ke Paas AB Lagbhag Saare Saboot The, Lekin Sabse Bada Sawaal AB Bhi Baaki Tha Vandana Ne Ye Sab Kyun Kiya?

Jaankari Ke Mutabik Vandana Aur Amar Jyoti Ne 12 Saal Pehle Family Ke Khilaaf Jaakar Shaadi Ki Thi,

Amar Jyoti Berozgaar Tha Jis Wajah Se Dono Ke Beech Aksar Jhagde Hote The, Dusri Taraf Shankari Dey Bhi Is Shaadi Se Khush Nahi Thi Aur Unhone Dono Se Doori Bana Li Thi,

Inhi Tanav Aur Paise Ke Lalach Ne Dheere-Dheere Ek Khaufnaak Saazish Ka Roop Le Liya,

Pyaar Affair Aur Paiso Ne Banayi Khaufnaak Saazish

Vandana Kalita Ne Shuru Me Apne Pati Amar Jyoti Dey Ko Support Karne Ke Liye Call Center Me Kaam Kiya Tha, Baad Me Jab Saas Shankari Dey Ne Unki Financial Madad Karni Shuru Ki, To Vandana Ne Job Chhod Kar Fitness Trainer Banne Ki Tayari Ki Aur Ek Gym Me Instructor Ke Roop Me Kaam Karne Lagi,

Lekin Vandana Ke Badalte Lifestyle Aur Naye Logon Se Milne-Julna Shankari Ji Ko Pasand Nahi Aaya, Jiske Baad Unhone Uski Financial Help Band Kar Di,

Vandana Ne Police Ko Bataya Ki Amar Jyoti Drugs Leta Tha, Aur Uske Kai Auraton Ke Saath Sambandh The, Jisse Dono Ke Beech Aksar Jhagde Hote The,

Lekin Police Investigation Me Ye Kahani Jhooth Nikli.

Padosiyon Ne Bataya Ki Ek Aadmi Aksar Vandana Ke Paas Aate-Jata Tha, Jaanch Me Pata Chala Ki Vandana Ka Affair Dhanti Deka Naam Ke Vyakti Ke Saath Tha, Jo Uske Parental Ghar Me Rehta Tha,

Jab Amar Jyoti Ko Is Rishte Ka Pata Chala To Dono Ke Beech Jhagde Badh Gaye Aur Baat Divorce Tak Pahunch Gayi, Iske Saath Hi, Guwahati Me Amar Jyoti Aur Shankari Dey Ki Kai Properties Thi, Jisse Achha Khaasa Rent Milta Tha,

Vandana Nahi Chahti Thi Ki Divorce Ke Baad Woh Sab Kuch Kho De, Isi Lalach Aur Affair Ne Milkar Ek Khaufnaak Plan Ko Janam Diya,

Vandana Ne Apne Boyfriend Dhanti Deka Aur Uske Dost Aroop Deka Ke Saath Milkar Apne Pati Aur Saas Ko Raste Se Hatane Ki Saazish Rachi,

Saazish Me Shamil Log Aur Hairaan Karne Wala Ant

Investigation Me Pata Chala Ki Vandana Ke Boyfriend Dhanti Deka (Jorhat, Assam) Aur Uska Saathi Aroop Deka (Khanpara) Bhi Is Saazish Ka Hissa The,

Dhanti Ek Tourist Cab Driver Tha, Jabki Aroop Apne Pita Ke Saath Sabzi Ka Kaam Karta Tha,

Police Ke Mutabik Dhanti Property Aur Paison Ke Lalach Me Is Crime Me Shamil Huwa, Jabki Aroop Ne Apni Shaadi Ke Liye ₹2 Lakh Ke Liye Vandana Ka Saath Diya,

Lekin Dono Ke Parivaar Ne Unhe Nirdosh Bataya Aur Kaha Ki Vandana Ne Unhe Fasaya Hai.

Jaach Me Ye Bhi Saamne Aaya Ki Vandana Ne Dhanti Ke Parivaar Se Apni Asli Pehchaan Chhupayi Thi, Aur Apna Naam “Anamika” Bataya Tha,

Vandana Bahut Chalaki Se Kaam Kar Rahi Thi, Usse Pata Tha Ki Amar Jyoti Aur Uski Maa Ke Beech Doori Hai, Aur ISI Baat Ka Fayda Uthakar Usne Dono Ko Raste Se Hata Diya, Sabse Shocking Baat Ye Thi Ki Itna Sab Hone Ke Baad Bhi Vandana Ko Koi Pachtava Nahi Tha,

Murder Ke 2 Mahine Baad Usne Usi Ghar Me Satyanarayan Puja karayi Jahan Usne Apne Pati Ka Qatl Kiya Tha, Usne Ghar Me Construction Bhi Karwaya Aur Social Media Par Normal Zindagi Jeeti Rahi,

Ab Sabki Nazar Court Ke Faisle Par Hai, Jo Is Khaufnaak Kahani Ka Final Chapter Likhega,

Murder Ke Lagbhag 3 Mahine Baad Police Ne Is Case Me 1600 Page Ki Chargesheet Taiyar Ki, Lekin Investigation Poori Hone Se Pehle Hi Ise Court Me Submit Kar Diya Gaya, Jiske Base Par Aaropiyon Ne Bail Ki Demand Ki,

17 June 2023 Ko Court Ne Teeno Ki Bail Reject Kar Di.

CONCLUSION.

Is poore case ne dikhaya ki lalach, jhooth aur galat rishte milkar ek insaan ko kitna khatarnak bana sakte hain. Vandana Kalita Murder Case sirf ek jurm nahi, balki bharose aur rishte ke tootne ki kahani hai.

AWARENESS.

Kisi bhi rishton me agar tension, lalach ya toxic behaviour ho, to use samay par samajhna zaroori hai. Chhoti baatein ignore karna kabhi-kabhi bade jurm ka roop le sakti hain. Hamesha satark rahe aur kisi bhi illegal activity se door rahe.

DISCLAIMER.

Yeh article sirf jaankari aur awareness ke liye hai. Isme di gayi jankari available reports aur sources par aadharit hai. Court ka final faisla aane tak kisi ko doshi ya nirdosh nahi maana ja sakta.