Bharuch Murder Case: Dost Ne 9 Tukdon Me Kaata, Mahila Bankar Saboot Mitaye
29 March 2025 Ki Shaam Gujarat Ke Bharuch Shehar Me Ek Hairaan Kar Dene Wala Mamla Saamne Aaya, Bulav Area Me Kuch Kutte Ek Plastic Bag Ko Kheench Rahe The, Achanak Us Bag Se Tez Badbu Aayi Aur Usme Se Ek Aadmi Ka Kata Huwa Sir Bahar Gir Gaya, Yeh Dekh Kar Wahan Maujood Logon Ke Hosh Udd Gaye,
Jaldi Hi Police Ko Suchna Di Gayi Aur Team Ne Sir Ko Apne Kabze Me Lekar Post-Mortem Ke Liye Bhej Diya, Mamle Ki Gambhirta Ko Dekhte Huwe Turant Investigation Shuru Ki Gayi,
Agle Din Police Aur Municipality Team Ne Drain Me Search Operation Chalaya, Jisme Sir Ke Sirf 200 Meter Door Se Kata Huwa Haath Aur Sharir Ke Aur Hisson Ko Bhi Baramad Kiya Gaya, Iske Baad Poore Area Me Talashi Aur Tez Kar Di Gayi,
Bharuch Murder Case: Drain Se Mile Body Parts Ne Police Ki Badhayi Mushkilein
Agle Din Police Ko Usi Drainage Line Se Victim Ka Left Hand Bhi Mila, Teen Din Ke Andar Police Ne Total 4 Body Parts Baramad Kiye, Jisme Kuch Plastic Cover Me The, Aur Kuch Khule Me Pheke Gaye The, Itni Berahmi Se Ki Gayi Hatya Ne Poore Shehar Ko Hila Kar Rakh Diya,
Body Ki Condition Dekh Kar Lag Raha Tha Ki Murder Kuch Din Pehle Hi Huwa Tha, Sabse Badi Chunauti Thi Victim Ki Pehchaan Karna, Kyunki Koi Identity Proof Nahi Mila Tha, Police Ne Industrial Area Hone Ki Wajah Se Aas-Paas Ki Factories Ke Workers Ki List Banana Shuru Ki Aur Missing Logon Ki Jaanch Ki,
Saath Hi CCTV Footage Bhi Check Kiya Ja Raha Tha, Lekin Abhi Tak Koi Strong Clue Nahi Mila Tha, Phir Bhi Police Ko Yakeen Tha Ki Killer Ne Kahin Na Kahin Koi Saboot Chhoda Hoga, Aur Wahi Clue UN Body Parts Me Chhupa Huwa Tha,
Bharuch Murder Case: Tooth Cap Aur Tattoo Se Huwi Victim Ki Pehchan
Bharuch Murder Case Me Victim Ki Pehchaan Karna Police Ke Liye Sabse Badi Chunauti Thi, Post-Mortem Ke Dauran Doctor Ko Victim Ke Daant Me Ek Tooth Cap (Dental Crown) Mila, Jo Recently Lagaya Gaya Tha, Yeh Ek Important Clue Bana, Kyunki Har Tooth Cap Unique Hota Hai Aur Dentist Ke Records Se Match Kiya Ja Sakta Hai,
Iske Saath Hi Victim Ke Haath Par Bane Tattoo Ko Mitaane Ki Koshish Ki Gayi Thi, Lekin Uske Design Ke Teen Dots Abhi Bhi Dikh Rahe The, Jo Police Ke Liye Ek Visual Clue Ban Gaya,
Police Ne Nearby Missing Complaints Check Ki Aur 30–40 Saal Ke Missing Logon Ki List Banayi, Is Dauraan Ek Complaint Mohit Chauhan Ne 28 March Ko Darj Karayi Thi, Jab Police Ne Verify Kiya, To Pata Chala Ki Uske Bhai Ne Recently Tooth Cap Lagwaya Tha Aur Uske Haath Par Bhi Wahi Tattoo Tha Jisme Teen Dots The,
Isi Tarah Tooth Cap Aur Tattoo Ke Combination Se Bharuch Murder Case Me Victim Ki Pehchan Finally Confirm Huwi.
Sachin Chauhan Case: Wife Aur Dost Par Shaq, Investigation Me Naya Mod
Bharuch Murder Case Me Police Ko Smart Investigati on Se Victim Ki Pehchan Sachin Chauhan (35) Ke Roop Me Huwi, Jo UP Ke Bijnor Ka Rehne Wala Tha Aur Pichhle 12 Saalon Se Gujarat Me Pharma Company Me Job Karta Tha, Woh Apni Wife Parul Aur 4 Saal Ke Bete Ke Saath Bharuch Ki Vedant Society Me Rehta Tha,
Jab Police Uske Ghar Pahunchi To Wahan Tala Laga Mila Aur Pata Chala Ki Uski Wife Pehle Hi Apne Maayke Bijnor Chali Gayi Thi, Jo Police Ke Liye Pehla Bada Doubt Bana,
Police Bijnor Pahunchi To Parul Ne Bataya Ki Sachin Shayad Bengaluru Kaam Se Gaya Hai, Lekin Police Ko Uski Baat Par Shaq Huwa, Sachin Ke Bhai Mohit Ne Bataya Ki 25 March Ke Baad Se Uska Contact Toot Gaya Tha, Aur Usne Ek Shocking Message Bheja Tha Jisme Affair Aur Murder Ki Baat Likhi Thi,
Investigation Me Sachin Ke Dost Shailendra Ka Naam Saamne Aaya, Jo Uske Saath Bharuch Me Rehta Tha Aur Missing Complaint Me Bhi Madad Kar Raha Tha, Lekin Jab Police Usse Contact Karna Chah Rahi Thi, Tab Uska Phone Bhi Switched Off Mila, Jisse Suspicion Aur Badh Gaya,
Bharuch Murder Case: Dost Ne Kaboola Jurm, Video Kand Bana Hatya Ki Wajah
Bharuch Murder Case Me Police Ne Sachin Aur Uske Dost Shailendra Ke Call Records Nikaale, Jisme Ek Suspicious Pattern Mila, Shailendra Calls Avoid Kar Raha Tha Aur Sirf Text Messages Se Baat Kar Raha Tha, Jisse Police Ka Shaq Us Par Badh Gaya,
2 April 2025 Ko UP Police Ke Saath Milkar Shailendra Ko Bijnor Ke Paas Se Detain Kiya Gaya, Poochtaach Me Usne Apne Bachpan Ke Dost Sachin Ki Hatya Aur Body Dispose Karne Ka Jurm Kabool Kar Liya,
Investigation Me Pata Chala Ki Dono 12 Saal Pehle Bijnor Se Gujarat Job Ke Liye Aaye The Aur Pharma Companies Me Kaam Kar Rahe The, 2023 Me Shailendra Ne Sachin Ko Apne Ghar Me Rehne Diya, Lekin Sachin Ne Dosti Ka Galat Fayda Uthaya,
Ek Din Jab Shailendra Ghar Par Nahi Tha, Tab Sachin Ne Uski Wife Ka Chupke Se Nahate Waqt Ka Video Record Kar Liya, Jo Is Case Ka Sabse Bada Shocking Reason Bana,
Blackmail Se Shuru Huwa Jhagda, Dinner Party Me Huwi Hatya
Bharuch Murder Case Me Kahani Ka Sabse Shocking Mod Tab Aata Hai Jab Dosti Dushmani Me Badal Jaati Hai,
Shailendra Ko 2023 ME ₹4 Lakh Ki Zarurat Padi, Jisme Sachin Ne Uski Madad Ki Aur Loan Arrange Karaya, Shuru Me Sab Normal Tha, Lekin EMI Delay Hone Par Dono Ke Beech Tension Badhne Laga, Yeh Jhagda Dheere-Dheere Blackmailing Tak Pahunch Gaya,
Sabse Bada Twist Tab Aaya Jab Sachin Ne Shailendra Ko Ek Secret Video Dikhaya, Jo Usne Pehle Hi Chupke Se Record Kiya THA, Shailendra Ki Wife Ka Sachin Us Video Ko Social Media Par Leak Karne Ki Dhamki Dene Laga,
Shailendra Ke Liye Yeh Sirf Paise Ka Nahi Izzat Ka Sawaal Ban Gaya, Usne Kai Baar Request Ki, Lekin Sachin HAR Baar Mazaak Udata Raha, Tab Shailendra Ne Ek Plan Banaya,
25 March Ki Raat Usne Sachin Ko Dinner Ke Liye Ghar Bulaya, Usne Pehle Hi Apni Wife Ko Ghar Se Door Bhej Diya Tha, Dinner Ke Dauran Usne Sachin Ko Zyada Sharab Pila Di,
Raat ME Jab Sachin So Gaya Tab Shailendra Ne Uska Phone Check Karke Video Delete Karne Ki Koshish Ki, Lekin Isi Beech Sachin Jaag Gaya Aur Dono Ke Beech Jhagda Shuru Ho Gaya,
Gusse ME Aakar Shailendra Ne Paas Me Rakhe Kitchen Knife Se Sachin Par Gardan Se Lekar Pet Tak Vaar Kiya, Jisse Uski Maut Ho Gayi, Hatya Ke Baad Shailendra Ne Saboot Chhupaane Ke Liye Agle Din Lakdi Kaatne Wali Aari Laakar Body Ke 9 Tukde Kar Diye Aur Pehchaan Mitaane Ki Koshish Ki,
CCTV Ne Khola Raaz: Mahila Ka Bhesh Bana Kar Ghuma Killer
Bharuch Murder Case Me Hatya Ke Baad Shailendra Ne Pehchaan Chhupaane Ke Liye Body Ke Tukde Karne Ke Saath Tattoo Bhi Mitaane Ki Koshish Ki, Lekin 3 Dots Bach Gaye, Jisse Police Ko Identification ME Madad Mili.
Usne 26 Se 29 March Ke Beech Alag-Alag Jagah Body Parts Dispose Kiye, Hairani Ki Baat Yeh Thi Ki 28 March Ko Jab Wo Sachin Ke Bhai Ke Saath Usse Dhoondhne Ka Natak Kar Raha Tha, Tab Bhi Body Ke Tukde Uske Ghar Me Hi Maujood The,
Shailendra Din Me Office Jata Tha Aur Raat ME Andhere Ka Fayda Uthakar Body Parts Nikalta Tha, Usne Jaan-Bujhkar Ek Sunsaan Drainage Area Choose Kiya Jahan CCTV Kam Tha,
Police Ko Gumrah Karne Ke Liye Usne Sachin Ke Phone Se Fake Messages Bheje, ATM Card Train Me Daal Diya Taaki Location Confuse Ho, Khud Mahila Ka Bhesh (Maxi Gown, Gloves, Face Cover) Pehen Kar Scooter Se Body Dispose Karta Tha,
CCTV Me Subah 4:20 Baje Uski Activity Record Huwi, Jisse Police Ko Strong Clue Mila, Aakhirkaar Police Ne Sab Evidence Verify Karke Shailendra Ko Giraftar Kar Liya,
Yeh Case Sirf Paise Ka Nahi, Balki Dosti Me Dhokha Aur Trust Ke Tootne Ka Nateeja Tha, Ek Galat Kaam Ne Gusse Ko Itna Badhaya Ki Do Parivaar Barbaad Ho Gaye,
CONCLUSION.
Bharuch Murder Case ek aisi kahani hai jahan dosti, vishwas aur gusse ka combination ek khaufnaak anjaam tak pahunch gaya. Ek taraf Sachin ka galat aur gair-kanuni kaam tha, to doosri taraf Shailendra ka extreme reaction jisne ek jaan le li aur sab kuch barbaad kar diya.
Yeh case dikhata hai ki jab emotions control se bahar ho jaate hain, to insaan aise faisle le leta hai jinka nateeja sirf tabahi hota hai. Aakhir me do parivaar barbaad ho gaye aur zindagiyaan hamesha ke liye badal gayi.
AWARENESS.
Kisi bhi situation me blackmail ya illegal activity ka saamna ho, turant police ya legal help le
Gusse me liya gaya faisla hamesha galat sabit hota hai
Privacy violation ek serious crime hai, isse kabhi halka na samjhein
Kisi par andha vishwas karna bhi kabhi-kabhi khatarnak ho sakta hai
Cyber aur personal safety dono ke liye hamesha alert rahein
DISCLAIMER.
Yeh article sirf jaankari aur awareness ke liye tayyar kiya gaya hai. Isme diye gaye tathya public sources aur reports par aadharit hain. Hum kisi bhi vyakti ko doshi thehrane ka uddeshya nahi rakhte.
Is content ka maksad sirf logon ko satark karna aur aise cases ke baare me jaankari dena hai. Kisi bhi tarah ki illegal activity ko hum support nahi karte.