Madhya Pradesh Crime: Premi Ke Saath Milkar Pati Ka Qatl, Loot Ka Natak Rachkar Police Ko Gumrah Karne Ki Koshish

Madhya Pradesh Ke Bhind Se Ek Hairaan Kar Dene Wala Murder Case Saamne Aaya Hai, Jahan Ek Patni Ne Apne Premi Ke Saath Milkar Apne Hi Pati Ka Qatl Kar Diya, Sabse Chaukanne Wali Baat Ye Hai Ki Is Crime Ko Chhupaane Ke Liye Ise Loot Ka Roop Dene Ki Koshish Ki Gayi,

Police Ke Anusaar 23 Saal Ki Is Mahila Ne Pehle Se Hi Apne Lover Ke Saath Milkar Poori Planning Ki Thi, Crime Ko Chhupaane Ke Liye Unhone Is Hatya Ko Loot Ka Roop Dene Ki Koshish Ki, Taaki Police Ko Gumrah Kiya Ja Sake, Yeh Ghatna Ater Police Station Ke Area Me Huwi, Jahan Police Ne Investigation Shuru Karte Hi Dheere-Dheere Sach Ko Saamne La Diya,

Police Adhikariyon Ke Mutabik Mahila Ko Aisa Lagne Laga Tha, Ki Uska Pati Uske Rishte Me Sabse Bada Rukawat Ban Raha Hai, Isi Wajah Se Usne Use Raste Se Hatane Ka Plan Bana Liya,

Planning Ke Mutabik Ek Din Woh Apne Pati Ke Saath Bike Par Ja Rahi Thi, Safar Ke Dauraan Usne Jaan-Bujhkar Apna BAG Ek Fixed Jagah Par Gira Diya Aur Pati Se Gaadi Rokne Ko Kaha,

Jaise Hi Uska Pati Bike Rokta Hai Wahan Pehle Se Maujood Vimal Aur Uske Saathiyon Ne Unpar Achanak Hamla Kar Diya, Unhone Goli Chala Kar Pati Ko Nishana Banaya, Jisse Uski Wahi Maut Ho Gayi,

Police Ke Mutabik Giraftar Aaropiyon Ke Paas Se 12 Bore Ka Desi Pistol, Khali Cartridges, Bina Registration Number Wali Motorcycle Aur Mobile Phones Baramad Kiye Gaye Hain,

Is Case Me Ek Aur Aaropi Rajesh Kushwaha Abhi Farar Hai, Jise Pakadne Ke Liye Police Lagataar Talaash Kar Rahi Hai,

Is Beech Madhya Pradesh Ke Dhar District Me Haal Hi Me Ek Milta-Julta Case Bhi Saamne Aaya Tha, Us Maamle Me Ek Mahila Par Aarop Tha Ki Usne Apne Premi Ke Saath Milkar Apne Pati Ki Hatya Ke Liye Supari Killer Ko Hire Kiya Tha,

Shuruaat Me Usne Is Poori Ghatna Ko Loot Ka Roop Dene Ki Koshish Ki Thi, Lekin Baad Me Investigation Ke Dauraan Usne Apna Jurm Kabool Kar Liya,

CONCLUSION.

Ye case dikhata hai ki lalach aur galat rishte insaan ko kitni door le ja sakte hain. Ek saazish ne ek zindagi khatam kar di. Isliye hamesha sahi faisle lein aur galat raaston se door rahein.

AWARENESS.

Galat rishte aur jhoothi planning kabhi achha anjaam nahi deti. Kisi bhi problem ka hal hinsa nahi, balki baat-cheet aur kanooni tareeke hote hain.

DISCLAIMER.

Yeh article sirf jaankari aur awareness ke liye hai. Isme di gayi jaankari public sources par aadharit hai. Hum kisi bhi tarah ki hinsa ya gair-kanooni gatividhiyon ko badhava nahi dete.